ბიზნესიდღის სიახლეებიეკონომიკასაინტერესო სიახლეებისამეგრელო-ზემო სვანეთისიახლეები

რა საინვესტიციო პოტენციალი აქვს სამეგრელო-ზემო სვანეთის რეგიონს?

0
გაზიარება

ეკონომიკური პოლიტიკის კვლევის ცენტრის ინფორმაციით, სამეგრელო-ზემო სვანეთის რეგიონის სოფლის მეურნეობას საინვესტიციო პოტენციალი აქვს.

როგორც კვლევაში წერია, აღნიშნულ რეგიონში სიმინდის, ხილისა და მეცხოველეობის მიმართულება განსაკუთრებით კარგად არის შესწავლილი, რაც მცირე და საშუალო ზომის საინვესტიციო კაპიტალის მოსაზიდად უსაფრთხო საინვესტიციო შესაძლებლობას წარმოადგენს.

“პროცესს რეგიონში არსებული საქმის ცოდნა, გამოცდილი სამუშაო ძალა და ისტორიული მემკვიდრეობა უწყობს ხელს”, – წერია კვლევაში.

მათივე ცნობით, საინტერესო საინვესტიციო შესაძლებლობა აქვს ბოსტნეულის წარმოებასაც. კვლევაში ასევე საუბარია იმ ხილისა თუ სოფლის მეურნეობის პროდუქტებზე, რაც სამეგრელო-ზემო სვანეთის რეგიონში წარმატებით ვითარდება.

“მიუხედავად იმისა, რომ დღეისათვის რეგიონში დიდი რაოდენობით ბოსტნეული არ იწარმოება, მაღალი წარმოების პროდუქტიულობა ქმნის შესაძლებლობას, რომ სექტორში ინვესტირების შემთხვევაში წარმოების წილიც გაიზარდოს, რაც მაღალი ეფექტურობის პირობებში მიმზიდველ საინვესტიციო შესაძლებლობას წარმოადგენს.

სამეგრელო-ზემო სვანეთის რეგიონის სუბტროპიკული, ჩრდილოეთით კი, სუბ-ალპური და ალპური კლიმატი, წყლის უხვ რესურსებთან ერთად ქმნის საინტერესო ბუნებრივ გარემოს არაენდემური ჯიშების კულტივაციის და გავრცელებისთვის.

საინტერესო პრეცედენტს წარმოადგენს 2010 წლიდან კივის ბაღების გაშენება სამეგრელოში, რომელიც რეგიონისთვის არაენდემურ ჯიშს წარმოადგენდა, თუმცა, ბუნებრივი და კლიმატური მახასიათებლების გათვალისწინებით ეფექტური და წარმატებული ინიციატივა გამოდგა.

წალენჯიხის მუნიციპალიტეტში კარგად არის განვითარებული ჩაის წარმოებისა და გადამუშავების პრაქტიკები, რაზეც მასში მოქმედი მსხვილი და საშუალო ზომის საწარმოები მეტყველებენ.

სს „წალენჯიხა-კოლხეთი“ მსხვილი საწარმოა, რომელიც ჩაის პროდუქციის წარმოებითა და ექსპორტით არის დაკავებული. მსგავს საქმიანობას მისდევენ სპს „ჯვარი 93“, ი/მ „შოთა გელოვანი“ საშუალო ზომის საწარმოები. მუნიციპალიტეტში ფუნქციონირებს საშუალო ზომის თხილის გადამამუშავებელი ქარხნებიც შპს „ლეგი“ და ი/მ „სალია ბადრი“. არსებული პრაქტიკებიდან და ინფრასტრუქტურიდან გამომდინარე, ინვესტიციები თხილისა და ჩაის წარმოების მიმართულებით საინტერესო შესაძლებლობას წარმოადგენს, რადგანაც ეკონომიკური საქმიანობის გამოცდილება უკვე არსებობს და მოქმედი საწარმოების ემულაციით და მათზე დამყარებული გამოცდილებით შესაძლებელია ახალი საწარმოების აწყობა”, – ნათქვამია კვლევაში.

ინფორმაციისთვის, ეკონომიკური პოლიტიკის კვლევის ცენტრმა “სამეგრელო ზემო სვანეთის საინვესტიციო პოტენციალის ანალიზი” მიმდინარე წელს გამოაქვეყნა. პროექტი ხორციელდება USAID-ის ფინანსური მხარდაჭერით და ეკონომიკური პოლიტიკის კვლევის ცენტრთან (EPRC) თანამშრომლობით. პროექტი საქართველოს ხუთ რეგიონში: თბილისში, კახეთში, შიდა ქართლში, იმერეთსა და აჭარაში ხორციელდება.

მსგავსი სიახლეები

1 ივლისიდან უქმდება 2011 წლის 28 ივლისამდე გაცემული არაელექტრონული (ლამინირებული) პირადობის მოწმობები

2024 წლის 1 ივლისიდან უქმდება 2011 წლის 28 ივლისამდე გაცემული არაელექტრონული (ლამინირებული) პირადობის მოწმობები. ინფორმაციას სახელმწიფო სერვისების განვითარების სააგენტო აქვეყნებს. 15 მარტიდან მიმდინარეობს პირადობის…

საქართველოში 30.7 ათასი უცხოელი სტუდენტია

2023-24 სასწავლო წლის მონაცემებით, საქართველოში 30 701 უცხოელი სტუდენტია, რაც დაახლოებით, 23%-ით მეტია წინა სასწავლო წლის მაჩვენებელზე. საქსტატის მონაცემებით, 2022-23 წლებში, ჩვენს ქვეყანაში 25 069 უცხოელი სწავლობდა. 2023-24…

მსოფლიო ბაზარზე საწვავი ძვირდება

მსოფლიო ბაზარარზე ნავთობი ბოლო ერთი კვირის განმავლობაში იზრდება. ამ პერიოდში Brent-ს ტიპის საწვავი 82 დოლარიდან 85 დოლარამდე გაძვირდა, ამერიკულ ნედლ ნავთობზე (WTI) ფასებმა ბარელზე 77-დან 82 დოლარამდე მოიმატა. ნავთობიმპორტიორი…

სოციალურად დაუცველთა ბაზაში რეგისტრირებულ ბავშვთა რაოდენობა 5,2 %-ით გაიზარდა

ადამიანის უფლებათა დაცვისა და სამოქალაქო ინტეგრაციის კომიტეტმა 2023 წელს საქართველოში ადამიანის უფლებათა და თავისუფლებათა დაცვის მდგომარეობის შესახებ ანგარიში მოისმინა. ანგარიში საქართველოს სახალხო დამცველმა ლევან იოსელიანმა…

ამერიკული ავტომობილების იმპორტი 21%-ით შემცირდა

სტატისტიკის ეროვნული სამსახურის მონაცემებით, წელს იანვარ-მაისში საქართველოში 46,226 ერთეული (549.952 მლნ აშშ დოლარი) ამერიკული მანქანა შემოვიდა, რაც 21%-ით ნაკლებია (თანხებში 23%-ით ნაკლები) წინა წლის ანალოგიური პერიოდის…

მეტის ჩატვირთვა იტვირთება...პოსტები აღარ მოიძებნა
error: Content is protected !!