RSS კატეგორია

რუსეთში, McDonald’s-ის რესტორნებს ახალი ქსელი «Вкусно и точка» ჩაანაცვლებს

0
გაზიარება

რუსეთში, McDonald’s-ის რესტორნებს ახალი ქსელი «Вкусно и точка» ჩაანაცვლებს. პირველი რესტორანი მოსკოვში დღეს იხსნება.

როგორც Forbes Russia წერს, ამის შესახებ კომპანიის აღმასრულებელმა ხელმძღვანელმა ოლეგ პაროევმა განაცხადა.

მისი თქმით, დღეს განახლებული სახელით 15 რესტორანი დაიწყებს მუშაობას, თუმცა მას McDonald’s-ის მსგავსი მენიუ და დიზაინი ექნება. კიდევ 50 რესტორანი კი ხვალ, 13 ივნისს გაიხსნება. ამის შემდეგ, ეტაპობრივად კომპანია კვირაში უკვე ყოფილი McDonald’s-ის 50-100 რესტორნის მუშაობას განაახლებს.

რუსული McDonald’s-ის ახალი მფლობელი მიმწოდებლებთან პარტნიორობას შეინარჩუნებს. რაც შეეხება მენიუს, ახალი ქსელის მენიუში Big Mac და McFlurry არ იქნება, თუმცა იქნება მომხმარებლისთვის ბევრი ნაცნობი პროდუქტი, მათ შორის, ჩიზბურგერი, ცეზარ როლი, ჩიკენბურგერი და ნაგეთსი. ამასთან, ახალ რესტორნებში McDonald’s-ის დეკორის ბევრი დეტალი შენარჩუნდება. თუმცა პეროევის თქმით, კორპორაციული M ბრენდის დიზაინიდან გაქრება.

გარდა ამისა, კომპანიამ გამოაცხადა ტენდერი, რათა „კოკა-კოლა“ სხვა სასმელით ჩანაცვლდეს, ვინაიდან „კოკა-კოლამ“ რუსეთში ბიზნესი მარტში შეწყვიტა, ხოლო მისი CEO ჯეიმს ქუინსი არ გამორიცხავს, რომ რუსეთიდან სრულად გავიდეს. ამასთან, McDonald’s-ის რუსული ბიზნესის ახალმა მფლობელმა, ალექსანდრ გოვორმა განაცხადა, რომ განახლებული რესტორნების მენიუში ალკოჰოლური სასმელები არ იქნება. 

ცნობილია, რომ რუსული McDonald’s-ის განახლებული ბიზნესის ფარგლებში დასაქმებულების სრულად შენარჩუნება იგეგმება.

„ჩვენ მოვახერხეთ, რომ თითოეული დასაქმებული შეგვენარჩუნებინა. საუბარია დაახლოებით 51 000 ადამიანზე. ყველა მათგანი მთელი ამ პერიოდის განმავლობაში ხელფასს იღებდა. უფრო მეტიც, მარტში ჩვენ ხელფასი გავზარდეთ კიდეც“, – აცხადებენ კომპანიის მმართველ რგოლში.

კომპანია რუსეთის მასშტაბით მდებარე ყოფილი McDonald’s-ის 850-ივე რესტორნის მუშაობის განახლებას გეგმავს. უფრო მეტიც, მმართველები ამბობენ, რომ 5-6 წლის განმავლობაში რესტორნების რაოდენობის 1000-მდე ზრდას აპირებენ.

შეგახსენებთ, McDonald’s-მა რუსეთში ბიზნესის გაყიდვის და რუსეთის ბაზრიდან გასვლის შესახებ მაისის შუა რიცხვებში განაცხადა. 19 მაისს ცნობილი გახდა, რომ ამ ბიზნესს ბიზნესმენი ალექსანდრ გოვორი ყიდულობდა. გოვორი 2015 წლიდან McDonald’s-ის პარტნიორი იყო რუსეთში. მან ციმბირში 25 ფრანჩაიზი გახსნა. აღსანიშნავია, რომ McDonald’s-მა მომდევნო 15 წლის მანძილზე ბიზნესის გამოსყიდვის უფლება დაიტოვა.

მსგავსი სიახლეები

Art Life Studio – საუკეთესო ადგილი თქვენი შვილების განვითარებისათვის!

Art Life Stuio - ში თქვენი შვილები ქართულ ხალხურ სიმღერებსა და მუსიკალურ ინსტრუმენტებზე დაკვრას პროფესიონალი გუნდის მეშვეობით შეისწავლიან მისამართი : ქ. რუსთავი, მეგობრობის ქუჩა 9 (ფოსტის შენობა მესამე სართული) საკონტაქტო…

გარკვეული ჯიშის ძაღლების ყოლას მხოლოდ 25 წლის ასაკიდან, შესაბამისი სერტიფიკატის მქონე პირები შეძლებენ

გარკვეული ჯიშის ძაღლების ყოლას მხოლოდ 25 წლის ასაკიდან, შესაბამისი სერტიფიკატის მქონე პირები შეძლებენ შესაძლოა „შინაურ ბინადარ ცხოველთა შესახებ საქართველოს კანონის პროექტში“ გაჩნდეს აღნიშნული ჩანაწარი,  თუმცა ამ ეტაპზე…

საქართველოდან სანელებლების ექსპორტის ღირებულებამ 12.1 მლნ აშშ დოლარი შეადგინა, რაც ისტორიული მაქსიმუმია

საქართველოდან სანელებლების ექსპორტი, ყოველწლიურად იზრდება. სტატისტიკის ეროვნული სამსახურის მონაცემებით, 2022 წელს ქვეყნიდან ექსპორტის ღირებულებამ 12.1 მლნ აშშ დოლარი შეადგინა, რაც ისტორიული მაქსიმუმია და 2021 წლის…

Starbucks-ი მეშვიდე წელია მსოფლიოში ყველაზე ძვირად ღირებული კვების ბრენდია

Starbucks-ი მსოფლიოს ყველაზე ძვირად ღირებული სარესტორნო ბრენდების რეიტინგში ლიდერობას იმყარებს Brand Finance-ის მონაცემებით გასული წლის განმავლობაში, ბრენდის ღირებულება 17%-ით, 53,4 მილიარდ დოლარამდე გაიზარდა, რაც დაეხმარა…

 „კულა“ ევროპის სამ ქვეყანაში,ალბანეთში, მოლდოვასა და ბულგარეთში ექსპორტზე გადის

ხილისა და ბოსტნეულის კონსერვის მსხვილი ქართული მწარმოებელი კომპანია “კულა“ მუდმივად მუშაობს ახალ ბაზრებზე გასასვლელად. როგორც EastFruit-ი წერს, კომპანიის დამფუძნებლის, ვანო გოგლიძის განცხადებით, ქვეყნების სიას, რომლებშიც…

მეტის ჩატვირთვა იტვირთება...პოსტები აღარ მოიძებნა
error: Content is protected !!