დღის სიახლეებიბანკებიეკონომიკამთავარი ამბებიმომსახურების სფერო

საქართველოს მთავრობა პენსიების და სოციალური შემწეობების დარიგების მიზნით ახალ პარტნიორ ბანკს ეძებს

0
გაზიარება

საქართველოს მთავრობა პენსიების და სოციალური შემწეობების დარიგების მიზნით ახალ პარტნიორ ბანკს ეძებს. ამისთვის ჯანდაცვის სამინისტრომ 105 მილიონი ლარის 7-წლიანი ტენდერი გამოაცხადა. დღეს ამ ტენდერში წინადადებების მიღება ამოიწურა, რის შემდეგაც ავტომატურად წინადადებათა რიგითობით გასაჯაროება დაიწყო. ამჟამად სისტემაში მხოლოდ “ლიბერთი ბანკის” წინადადება ჩანს, რომელიც სახელმწიფოს ამ სერვისის მიწოდებას 105 მილიონ ლარად სთავაზობს.

ეს არ ნიშნავს, რომ ტენდერში მონაწილეობა მხოლოდ “ლიბერთი ბანკმა” მიიღო. ორეტაპიანი ელექტრონული ტენდერის წესების თანახმად, ფასის და შეთავაზებული პირობების მიხედვით რიგითობით იხსნება კანდიდატების წინადადებები. ანუ ამჟამად უცნობია, აქვთ თუ არა ტენდერში წინადადება წარდგენილი “ლიბერთი ბანკის” გარდა სხვა ბანკებსაც. როგორც ცნობილია ამ ტენდერში მონაწილეობის მიღების ინტერესი ჰქონდა “საქართველოს ბანკსაც”.

“ლიბერთი ბანკი” აღნიშნავს, რომ სოციალური გასაცემლების დარიგებისთვის კონკურენტული უპირატესობა სწორედ მას გააჩნია, რადგანაც ბანკი 2001 წლიდან არიგებს პენსიებს და ქვეყნის მასშტაბით ამისთვის ყველაზე ფართო ქსელიც აქვს – რაც ფილიალებს, მობილურ სერვისცენტრებს და ბანკომატებს აერთიანებს.

მნიშვნელოვანია გარემოება, რომ სატენდერო პირობების თანახმად, ბანკების წინადადების შეფასება ორი ძირითადი კრიტერიუმით უნდა მომხდარიყო. ერთი იყო პენსიის დარიგების ღირებულება, რაც მთავრობას წელიწადში 15 მილიონი ლარით (7 წელზე 105 მილიონი ლარით) აქვს განსაზღვრული. ამ კრიტერიუმს მთლიან შეფასების წონაში 30%-იანი წილი უჭირავს.

მეორე და უფრო მნიშვნელოვანი კრიტერიუმი (შეფასების 70%-იანი წილი), რომლითაც პენსიის გამცემი ბანკი შეირჩევა, არის საპროცენტო განაკვეთი, რითიც ის ხანდაზმულებსა და სოცდაუცველებზე გასცემს სესხებს. განაკვეთების საწყისი წერტილის ათვლა იწყება ბანკთაშორისი საპროცენტო განაკვეთების ინდექსიდან, რომელიც ამჟამად 10.6%-ს შეადგენს. მაქსიმალური განაკვეთი რომლიდანაც ტენდერში ვაჭრობაა დაშვებული არის 15% ანუ, საუბარია მაქსიმუმ 10.6%+15%=25.6%-ის საპროცენტო განაკვეთზე.

წარდგენილი წინადადების ეს ნაწილი არ არის საჯარო, რადგანაც ბანკების მიერ წარდგენილი წინადადებების “ფასების ცხრილი” საპენსიო სესხის საპროცენტო განაკვეთის მითითების ველს არ ითვალისწინებს. შესაბამისად, საჯაროდ გამოქვეყნებულ დოკუმენტში მითითებულია, რომ “ლიბერთი ბანკი” სახელმწიფოს ამ სერვისის მიწოდებას წელიწადში 15 მილიონ ლარად, ანუ 7 წელში 105 მილიონ ლარად შესთავაზებს, ხოლო წინასწარ განსაზღვრული საპროცენტო განაკვეთი, რითიც ბანკი სახელმწიფოს საპენსიო სესხების გაცემას სთავაზობს საჯარო არაა.

შეგახსენებთ, რომ ამჟამად უცნობია მიიღეს თუ არა ტენდერში მონაწილეობა “ლიბერთი ბანკის” გარდა სხვა კომერციულმა ბანკებმაც.

მსგავსი სიახლეები

ლარი დოლართან და ევროსთან მიმართებით გამყარდა

31 მარტის ვაჭრობის შედეგად ქართული ეროვნული ვალუტა აშშ დოლართან მიმართებაში გამყარდა. დოლარის მიმართ კურსის ცვლილებამ 0.41 თეთრი შეადგინა, რის შემდეგაც დოლარის ოფიციალური ღირებულება 2.5563 ლარი გახდა. საქართველოს ეროვნული…

საქართველოში ზეთისხილის პირველი სანერგე იხსნება

„საქართველოში გაიხსნება პირველი სანერგე, რომელსაც ზეთისხილი გამოჰყავს კალმით და დამყნობით. მე უკვე თამამად შემიძლია გითხრათ, რომ ყოველ წელს ვაწარმოებთ, ნახევარ მილიონ ნერგს, მომავალი 2 წლის განმავლობაში - 1 მილიონს“,- ამის…

ილონ მასკმა Twitter-ზე 133 მილიონზე მეტი გამომწერი დააგროვა და ბარაკ ობამას გადაუსწრო

მსოფლიოს ერთ-ერთმა უმდიდრესმა ადამიანმა, ილონ მასკმა Twitter-ზე 133 მილიონზე მეტი გამომწერი დააგროვა და ამ პარამეტრით აშშ-ის 44-ე პრეზიდენტს, ბარაკ ობამას გადაუსწრო, - ამის შესახებ ავტორიტეტული ამერიკული გამოცემა, The Verge-ი…

მსოფლიო ბრინჯის კრიზისის წინაშეა

The Economist-ის ინფორმაციით მსოფლიო ბრინჯის კრიზისში შედის,რადგან გლობალური მოთხოვნა მკვეთრად იზრდება, მოსავლიანობა სტაგნაციაშია, წარმოებისთვის საჭირო მიწა, წყალი და მუშახელი სულ უფრო მწირი ხდება, კლიმატის ცვლილება და…

„ჩიკატაის“ სათამაშოები ავსტრალიაში ექსპორტზე გავიდა

ხელნაკეთი სათამაშოების მწარმოებელმა ადგილობრივმა კომპანია „ჩიკატაიმ“ გასულ კვირას საკუთარი პროდუქცია ექსპორტზე ავსტრალიაში გააგზავნა. ამის შესახებ კომპანიის დამფუძნებელმა თამარ ბუიღლიშვილმა განაცხადა. ბუიღლიშვილის თქმით…

მეტის ჩატვირთვა იტვირთება...პოსტები აღარ მოიძებნა
error: Content is protected !!