დღის სიახლეებიეკონომიკაზოგადი განათლებასაინტერესო სიახლეებისიახლეებიფინანსები

,,უცხოელი ტურისტები საერთოდ არ გვყავს“ – Hotel Mountain Mestia ისევ იყიდება

0
გაზიარება

„ბანკმა ვალი მეორედ აღარ გადაგვივადა. გვიწევდა გადახდა და ბოლო თვე ვეღარ გადავიხადეთ. ერთი თვის გამო, არ მგონია, რამე ისეთი ზომები მიიღონ, მაგრამ თუ კიდევ ვერ გადავიხადეთ, არ ვიცი, რა იქნება. ჯერჯერობით კარგი მოლოდინი არ გვაქვს“,- ამის შესახებ Hotel Mountain Mestia-ს მეპატრონემ ნათია ნაცარიშვილმა „ბიზნესპრესნიუსს“ განუცხადა. საუბარია ობიექტზე, რომელიც, უკვე ერთ წელზე მეტია ინვესტორის მოლოდინშია, მყიდველის გამოჩენამდე კი, საკუთარი ძალებით მუშაობის გაგრძელებას ცდილობს.

თუმცა, როგორც ნათია ნაცარიშვილი აღნიშნავს, სავარაუდოდ, რუსეთ-უკრაინის ომის გამო, უცხოელი ტურისტები ჯერ კიდევ არ ჩანან. ამასთან, მიუხედავად იმისა, რომ ნომრის ფასი განახევრდა, ადგილობრივების სტუმრობაც იშვიათი მოვლენა გახდა.

ცნობისთვის, Hotel Mountain Mestia-ს გაყიდვის მიზეზი პანდემიით მიყენებული ზარალია. როგორც ნათია ნაცარიშვილი ამბობს, ბანკის ვალი ერთხელ უკვე გადავადდა, რის გამოც, სესხი 60 ათასი ლარით გაუძვირდა. შესაბამისად, სულ უფრო იზრდება რისკი, რომ სასტუმროსთან ერთად, მთელი ქონება დაკარგოს.

„თუ გაიყიდება, ვალებიდან ამოვალ. ჩვენსკენ ტურისტებიც არ არიან. ამ დროს უკვე პიკი იყო, სანამ კოვიდი დაიწყებოდა. 1-2 ადამიანი თუ მოვა, ისინიც ქართველები არიან. ახლა უკვე სასტუმრო თავის შენახვასაც ვერ ახერხებს. ძალიან შევამცირეთ ფასები, 100 ლარად გვაქვს 2-ადგილიანი ნომერი, საუზმით, მაშინ, როცა მანამდე 200 ლარად გვქონდა. რაც ჯავშნებია, ტურისტული კომპანიებისგან, როგორც კი ვიზიტის დრო მოდის, უქმდება. მე ვფიქრობ, ეს ომმა განაპირობა, ამის მერე დაიწყო ისევ ჩავარდნები. არ ვიცი, რისკ ქვეყნად ვართ დასახელებული, თუ რა ხდება, უცხოეთიდან ჩამოსვლა ძალიან უჭირთ, ფაქტია, უცხოელი ტურისტები საერთოდ არ გვყავს.

რაც შეეხება სასტუმროს გაყიდვას, ინვესტორების მხრიდან ინტერესი სულ არის, მაგრამ არ ვიცი, მათაც თანხის რაღაც ნაწილის დამატება ალბათ, ბანკიდან უწევთ და იქ ექმნებათ ისევე პრობლემა, თუ რა არის მიზეზი, საბოლოოდ, მაინც თავს იკავებენ. ფასსაც ვერ დავწევთ. რომ დავაკლოთ, ვალიდანაც ვერ ამოვალთ. ბანკმა სესხი მეორედ აღარ გადაგვივადა. გვიწევდა გადახდა და ბოლო თვე ვეღარ გადავიხადეთ. ერთი თვის გამო, არ მგონია, რამე ისეთი ზომები მიიღონ, მაგრამ თუ კიდევ ვერ გადავიხადეთ, არ ვიცი, რა იქნება. ჯერჯერობით კარგი მოლოდინი არ გვაქვს“,- აცხადებს ნათია ნაცარიშვილი.

შეგახსენებთ, რომ Hotel Mountain Mestia 2,9 მლნ ლარად იყიდება. სასტუმრო 3-სართულიანია და 21 ნომერია განთავსებული. დასაქმებული კი 14 ადგილობრივია.

მსგავსი სიახლეები

პროდუქტები, რომლებიც მაისში ყველაზე მეტად გაძვირდა

2023 წლის მაისში წინა თვესთან შედარებით ინფლაციის დონემ საქართველოში -0.1 პროცენტი, ხოლო წლიური ინფლაციის დონემ 1.5 პროცენტი შეადგინა, მონაცემებს სტატისტიკის ეროვნული სამსახური ავრცელებს. 10 საკვები პროდუქტი, რომელიც 2023…

ევროკავშირში თურქული თხილის ალტერნატიულ მიმწოდებლად საქართველოს ანიჭებენ უპირატესობას

აგროპორტალ EastFruit-ის შეფასებით, თურქეთს, რომელიც მსოფლიოში თხილის წამყვანი მწარმოებელია, სერიოზული პრობლემები შეექმნა, რადგან ევროკავშირის ბევრი მყიდველი უკვე ალტერნატიულ მიმწოდებლებს, მათ შორის საქართველოს ანიჭებს…

უძრავი ქონების ქირაზე ფასი შემცირდა

უძრავი ქონების ქირაზე ფასის შემცირების ფონზე, სამომხმარებლო და იპოთეკური სესხების გაცემისას, რომელიც ქირის შემოსავლის საფუძველზე გაიცემა, ეროვნული ბანკი რისკებს ხედავს. სებ-ი კომერციულ ბანკებს რეკომენდაციას აძლევს…

მაისში ბუნებრივი აირი 42.5%-ით გაიაფდა

2023 წლის მაისში ბუნებრივი აირის ფასი თვიურად 42.5%-ით შემცირდა. GALT & TAGGART-ის თანახმად, 2022 წელს ფასმა რეკორდულ მაჩვენებელს მიაღწია რუსეთის მიწოდების შემცირებისა და პანდემიის შემდგომი ეკონომიკის გაჯანსაღების გამო.…

2 ივნისის ვალუტის კურსი

საქართველოს ეროვნულმა ბანკმა ლარის გაცვლითი კურსი დოლართან მიმართებით დღეისათვის 2,6396 GEL/$1 ნიშნულზე დაადგინა. წინა ნიშნულთან შედარებით, ქართული ეროვნული ვალუტის კურსი 0,0424 ლარით გაუფასურდა. ევრო : 2, 8287 ლარი აშშ…

მეტის ჩატვირთვა იტვირთება...პოსტები აღარ მოიძებნა
error: Content is protected !!