ხილისა და ბოსტნეულის ნაწილი მიუხედავად სასარგებლო თვისებებისა, შესაძლოა, ადამიანების ჯანმრთელობისთვის საფრთხეს წარმოადგენდეს. EastFruit-მა სტატია მოამზადა 12 ხილისა და ბოსტნეულის შესახებ, რომელთა მოხმარებამაც შესაძლოა, ფატალური შედეგი მოიტანოს.
მანჩინელი – ცნობილი როგორც „სიკვდილის ვაშლი“ კარიბის ზღვის კუნძულებზე ხარობს. ის სუნითა და გარეგნობით ვაშლს ჰგავს. მიუხედავად უვნებელი გარეგნობისა, მანჩინელის ნაყოფი უამრავ ტოქსინს შეიცავს და ხელის ერთმა შეხებამაც კი შესაძლოა, რესპირატორული პრობლემები გამოიწვიოს. განსაკუთრებით საზიანოა მისი წვენი, რომელზე შეხებაც კანის ძლიერ დამწვრობას, კუჭ-ნაწლავის პრობლემებსა და რიგ შემთხვევებში გარდაცვალება იწვევს.
აკე – გავრცელებულია იამაიკაში და ხშირად ტრადიციული კერძების მოსამზადებლად გამოიყენება. მისი გამოყენება მწიფე მდგომარეობაში უსაფრთხოა, თუმცა დაუმწიფებელი აკე ტოქსიკურ ჰიპოგლიცინ A-ს შეიცავს, რაც პირღებინებას, ჰიპოგლიკემიას, კომატოზურ მდგომარეობასა და განსაკუთრებით მძიმე შემთხვევაში, გარდაცვალებას იწვევს. მიუხედავად იმისა, რომ აკეს საფრთხეს წარმოადგენს, იგი მაინც რჩება იამაიკელი ხალხის კულტურული მემკვიდრეობისა და ეროვნული იდენტობის განუყოფელი ნაწილად.
ჯატროფა – ესაა მცენარე, რომელიც ხარობს მსოფლიოს ტროპიკულ და სუბტროპიკულ რეგიონებში. მისი ნაყოფი და წვენი ძლიერ ტოქსინებს შეიცავს და მისმა დაგემოვნებამ შესაძლოა, გამოიწვიოს შემდეგი პრობლემები: კუჭ-ნაწლავის პრობლემა, წვის შეგრძნება პირის ღრუსა და ყელის მიდამოებში, მწვავე დეჰიდრატაცია, გასტროენტერიტი, ასევე ცენტრალური ნერვული სისტემის და გულ-სისხლძარღვთა სისტემის დარღვევა. მცენარესთან კონტაქტმა ასევე შეიძლება გამოიწვიოს დერმატიტი. მიუხედავად ტოქსიკურობისა, აღნიშნულ ხილს მნიშვნელოვანი ეკონომიკური ღირებულება გააჩნია, კერძოდ, მისი ზეთი, რომელიც მცენარის თესლისგან მზადდება, ბიოსაწვავის წარმოების პირველად წყაროს წარმოადგენს.
სტრიქნინი – სტრიქნინის ხე ტროპიკული მცენარეა, რომელსაც ნარინჯისფერი ან მწვანე ნაყოფი აქვს. აღნიშნული ხილი შეიცავს ძლიერ და მომაკვდინებელ ტოქსინს – სტრიქნინს. სტრიქნინის მცირე რაოდენობით მიღებაც კი იწვევს სიცოცხლისთვის საშიშ სიმპტომებს.
Abrus precatorius – რამდენიმე სახლით არის ცნობილი, მას ხშირად უწოდებენ „წითელ ბარდას“. ის პარკოსანი მცენარეების ოჯახს მიეკუთვნება. მისი თესლი შეიცავს აბრინის ტოქსინს. ეს ტოქსინი არღვევს ცილების სინთეზს და ერთი მარცვლის მიღებაც კი, შესაძლოა, საბედისწერო აღმოჩნდეს.
ალუბლის კურკები – ის სახიფათოა სიცოცხლისთვის, რადგან ის შეიცავს ციანიდს. მიუხედავად ამისა, კურკაში ციანიდის რაოდენობა მცირეა და დიდი რაოდენობით მოხმარების შემთხვევაში შეიძლება ზიანი მიაყენოს ადამიანის სიცოცხლეს.
მწვანე კარტოფილი – დიდი რაოდენობით მიღების შემთხვევაში საფრთხეს წარმოადგენს მწვანე კარტოფილიც. კარტოფილის მწვანე შეფერილობა განპირობებულია ქლოროფილის არსებობით, რომელიც უვნებელია. მიუხედავად ამისა, მწვანე შეფერილობა მიუთითებს სოლანინის არსებობაზე – ეს ტოქსინი საფრთხეს წარმოადგენს ჯანმრთელობისთვის.
მწვანე ნუში – ის შეიცავს ციანიდს. ეს არის ტოქსიკური ნივთიერება, რომელსაც ფატალური შედეგის მოტანა შეუძლია. იმისთვის, რომ მწარე ნუშის გამოყენება სხვადასხვა ინდუსტრიაში შესაძლებელი იყოს, გადის საფუძვლიან თერმულ დამუშავებას, რათა ტოქსიკური ნივთიერებებისგან გათავისუფლდეს. ამრიგად, მაღაზიებში არსებული ნუშის პროდუქტი დამუშავებული და უსაფრთხოა.
რევანდი – ვარდისფერი და მწვანე შეფერილობის მრავალწლოვანი ბალახოვანი მცენარეა. ის შეიცავს ოქსილის მჟავას. ეს არის ტოქსიკური ნივთიერება, რომელსაც შეუძლია ჯანმრთელობის სერიოზული პრობლემების გამოწვევა.
კასავა – ეს არის ბუჩქოვანი მცენარე, რომელსაც მთელ მსოფლიოში 800 მილიონ ადამიანზე მეტი მოიხმარს. მიუხედავად მისი პოპულარობისა, ნედლი კასავას გამოყენება სახიფათოა იქიდან გამომდინარე, რომ ის შეიცავს ციანოგენურ გლიკოზიდებს, რომლებიც შესაძლოა, ციანიდად გარდაიქმნას.
სატაცური – ეს მცენარე მსოფლიოში დიდი პოპულარობით სარგებლობს. იზრდება მისი წარმოებაც. როგორც წესი, საკვებად გამოყენება ღეროები. სატაცურის მცენარეს გააჩნია წითელი მარცვლები, რომელიც შეიცავს ტოქსინს, რომელსაც შეუძლია მოწამვლა, დიარეის გამოწვევა ან შეხების შემთხვევაში კანის გაღიზიანება.
კარამბოლა – ვარსკვლავის ფორმის ეგზოტიკური მცენარეა, სწორედ ამიტომ, მას ვარსკვლავის ხილსაც უწოდებენ. კარამბოლა აქვს არაერთი სასარგებლო მახასიათებელი, მაგალითად დაბალკალორიულია და შეიცავს დიდი რაოდენობით C ვიტამინს. თუმცა, ის შეიცავს ოქსალატებს, რაც საშიშია თირკმელების დაავადების მქონე პირებისთვის. ჭარბი რაოდენობით გამოყენებამ შესაძლოა, თირკმელების დაზიანება, კრუნჩხვები და გარდაცვალებაც კი გამოიწვიოს.
