ევროკავშირში ყოველწლიურად 153 მილიონი ტონა საკვები იყრება, რაც იმპორტირებულ სურსათს ბევრად აღემატება. ინფორმაციას The Guardian ევროპული ორგანიზაცია FeedBackEU-ის ანგარიშზე დაყრდნობით ავრცელებს.
კვლევა დაფუძნებულია გაეროს გარემოს დაცვის პროგრამისა და ველური ბუნების მსოფლიო ფონდის მონაცემებზე. FeedBackEU-ის შეფასებით, ევროკავშირში ყოველწლიურად, დაახლოებით, 153 მილიონი ტონა საკვები იყრება, რაც წინა შეფასებაზე ორჯერ მეტია. ხოლო, რაც შეეხება გადაყრილი საკვების ოდენობას იმპორტირებულ სურსათზე 15 მილიონი ტონით მეტია. 2021 წელს ევროკავშირისთვის სურსათის მიწოდებამ, თითქმის, 138 მილიონი ტონა შეადგინა.
ანგარიშში ასევე წერია, რომ პროდუქციის არარაციონალური მოხმარება გარემოზეც უარყოფითად მოქმედებს და ევროკავშირში სითბური გაზის გამონაბოლქვის, მინიმუმ, 6%-ს შეადგენს. საერთო ჯამში, ევროკავშირში წარმოებული პროდუქციის, დაახლოებით, 20% ნადგურდება. ნარჩენების ეს მასშტაბი კიდევ უფრო შემაშფოთებელია, მაშინ, როცა, FeedBackEU-ის მონაცემებით, „ბლოკის 33 მილიონ ადამიანს ხარისხიანი კვება ყოველ მეორე დღეს შეუძლია.“
ევროკავშირის ქვეყნები 2030 წლისთვის საკვები ნარჩენების 50%-ით შემცირების შესახებ წინადადებებს, სავარაუდოდ, წელს წარადგენენ. ამის შესახებ ინფორმაციას კი The Guardian ავრცელებს
