რეგიონული განვითარებისა და ინფრასტრუქტურის მინისტრ ირაკლი ქარსელაძის განცხადებით, 2024 წელს რიკოთის გზა მთლიანად გაიხსნება.
„მთლიანობაში, 27-კილომეტრიანი მონაკვეთი გაიხსნა, დანარჩენ მონაკვეთებზე სამუშაოები გრძელდება. გეგმის შესაბამისად, 2024 წლის ბოლომდე გაიხსნება მთლიანად რიკოთი. ვადებს რაც შეეხება, მე ჯერ კიდევ 2018 წელს ვამბობდი, რომ რიკოთის ვადებთან დაკავშირებით 2020 წელს რიკოთის აღმოსავლეთ-დასავლეთ გზის დასრულება იყო ზედმეტად ოპტიმისტური.
ვადები არის იმ სახელშეკრულებო პირობებში, რომლებიც გაფორმებულია. საუბარი იმაზე, რომ რაღაცა უფრო ადრე, ან გვიან განხორციელდა, არის არარელევანტური, ყველაფერი გაწერილია შესაბამისი სახელშეკრულებო მუხლებით. ყველა გარემოება, რომელიც ხელშემწყობი, ან ხელშემშლელია, გათვალისწინებულია და ამდაგვარად ხდება ვადის ჩამოყალიბება“, – განაცხადა ქარსელაძემ.
