Fertimo მაღალტექნოლოგიური ქართული სტარტაპია, რომელიც ფიტნეს და ველნეს ბიზნესსექტორში არსებულ კომპანიებს ეხმარება ციფრულ ტრანსფორმაციაში.
სტარტაპის კომერციული დირექტორის, ნათია ჯულუხაძის თქმით, ისინი დაახლოებით 4 წელია საქართველოს ბაზარზე ოპერირებენ და თბილისში, ბათუმში, ქუთაისსა და რუსთავში 20-მდე კომპანიასთან თანამშრომლობენ.
“Fertimo არის ქლაუდ ERP ტექნოლოგია ფიტნესის/ველნესის ბიზნესოპერაციების სამართავად. ჩვენი გადაწტყეტის მეშვეობით ბიზნესებს ვეხმარებით წლიური მოგების, საშუალოდ, 14%-იან ზრდაში, რომელიც მიიღწევა პროგრამული უზრუნველყოფის ინსტრუმენტებით. როგორიცაა: მომხმარებელთა ჩართულობა (SMS/ელ.ფოსტა), ბიზნეს ანალიტიკური პანელი, გაყიდვების/მარკეტინგის მართვა და ა.შ. ამასთან პროგრამული უზრუნველყოფა ამცირებს ბიზნესის ხარჯების/საოპერაციო დანაკრგებს, რომელიც მიიღწევა აბონიმენტების სრული მონიტორინგისა და საწყობის დანაკარგების თავიდან აცილებით.
ვინაიდან, ბაზარზე კომპანიების მოთხოვნები განსხვავებულია, ჩვენ მათ სხვადსხვა სერვის პაკეტეს ვთავაზობთ. ჩვენი ბიზნესმოდელი ყოველთვიურ სააბონენტო გადასახადს ეფუძნება, რომლის ღირებულება 180 ლარიდან იწყება და საშუალოდ 450 ლარამდე მერყეობს. ჩვენ მოვახერხეთ შეგვექმნა მარკეტფელისი fertimo.com, სადაც საბოლოო მომხმარებლებს შეუძლიათ შეიძინონ არსებული ფიტნეს/ველნეს კომპანიების სერვისები, პროდუქტები, გააკონტროლონ აქტივობის ისტორია, დაგეგმონ ვიზიტები, ჩაეწერონ პირად კონსლულტაციებზე ფსიქოლოგებთან/ქოუჩებთან და ა.შ.”-აღნიშნავს ნათია ჯულუხაძე.
სტარტაპი ერთი ფანჯრის პრინციპით სრულიად აკავშირებს ერთმანეთს არსებული მომსახურების ყველა რგოლს: ბიზნესს, მარკეტფლეისსა და საბოლოო მომხმარებელს. დღეისათვის Fertimo-ს სისტემაში 52 500 უნიკალური მომხამრებელია დარეგისტრირებული და 1.4 მლნ ვიზიტია განხორციელებული. ასევე, კომპანია საქარველოში ქმნის და აწარმოებს დაშვების სისტემის მოწყობილობებს, რომლითაც მარტივდება სივრცის ზონების მართვა და სხვადასხვა ლოგიკით ნებისმიერი მომსახურების დანერგვა.
“სტარტაპის საინვესტიციო ღირებულება უკვე რამდნეიმე მილიონი დოლარია, ამ ეტაპზეც ინვესტორებთან აქატიურად მიმდინარეობს მოლაპარაკება. შეგვიძლია ვთქვათ, რომ სტარტაპმა საქართველოს ბაზარი თითქმის სრულად აითვისა და დადგა საჭიროება არსებული სიახლე გავიტანოთ გლობალურ მასშტაბებზე. პირველ სამიზნედ მოვიაზრებთ აღმოსავლთ ევროპას, კერძოდ, პოლონეთსა და ჩეხეთს, სადაც უკვე დავიწყეთ ბაზრის მოკვლევა და პირველი კომუნიკაციის დამყარება არსებულ კომპანიებთან. ასევე, საინტერესო ბაზარს წარმოადგენს სამხრეთ კავკასია და ცენტრალური აზრია, რომელებიც უკვე ნელი ნაბიჯებით იწყებენ მომწიფებას ჯანსაღი ცხოვრების სტილის დასანერგად. თამამად შეგვიძლია ვთქვათ, რომ 2023 წელს Fertimo საქართველოს ფარგლებს გარეთ აქტიურად იქნება წარმოდგენილი.”- აცხადებს სტარტაპის კომერციული დირექტორი
მისივე თქმით, ამ ეტაპზე სისტემა გამართულად მუშაობს და ყოველდღიურ რეჟიმში მიმდინარეობს პროექტის განვითარებაზე ზრუნვა.
წლის ბოლოსკენ Fertimo მობაილ აპლიკაციასაც წარადგენს, რომლის საშაულებითაც მომხმარებელს საშუალება ექნება ნახოს თავისი აქტივობების სრული ისტორია: შეძენილი მომსახურებები, არსებული ტრანზაქციები, განახორციელი ვიზიტები და ა.შ. აპლიკაციის მეშვეობით შესაძლებელი ხდება აპლიკაციიდანვე დაფიქსირდეს ობირქტზე შესვლა-გასვლები და მომსახურებების ონლაინ რეჟიმში შეძენა.
წყარო : ბიზნეს პარტნიორი
