1.Shazam-ის კოსტიუმი – 1 მლნ დოლარი
შაზამის კოსტუმის ფასი კურიოზულია: ეკიპირება ერთ-ერთი ყველაზე ძვირია DCEU-ში, ხოლო ფილმს ყველაზე მცირე ბიუჯეტი აქვს. ფილმის კოსტიუმების დიზაინერის განცხადებით, ფილმისთვის შექმნილი 10 კოსტიუმიდან თითოეული დაახლოებით 1 მლნ ღირს.
2. რკინის კაცის წითელი და ოქროსფერი კოსტიუმი – 325 000 დოლარი
Iron Man-ის პირველი ფილმის საკულტო წითელი და ოქროსფერი კოსტუმი ლოს-ანჯელესში მდებარე საცავიდან მოიპარეს, სადაც განთავსებულია ფილმის რეკვიზიტები. პოლიციის დეპარტამენტის მიერ შედგენილი ოფიციალური დასკვნის მიხედვით, მოპარული ნივთი დაახლოებით 325 000 დოლარად არის შეფასებული. ეს კი ორჯერ მეტია იმ ფასზე, რაც აუქციონზე Autopsy ჯავშანტექნიკისთვის გადაიხადეს, რომელიც Iron Man 2-ში ჩანს.
3. შავი ავაზას კოსტიუმი – 300 000 დოლარი
შავი ავაზას კოსტუმი ყველაზე ძვირია მარველის სამყაროში. ვაკანდა არის ყველაზე მდიდარი სამეფო MCU-ში, ამიტომ სწორია, რომ ვაკანდას მეფე ტ’ჩალა ატარებს საუკეთესო სამოსს. რუთ კარტერმა, Black Panther-ის კოსტიუმების დიზაინერმა Coveteur-თან ინტერვიუში ტანსაცმლის ხარჯები გაამხილა: „შავ ავაზას ოცამდე კოსტუმი უნდა ჰქონოდა, თუმცა, ისინი საკმაოდ ძვირია, ერთი კოსტუმი 300 000 დოლარამდე ღირს. ჩვენ მხოლოდ ექვსი გვქონდა”.
4. ბნელი რაინდის კოსტიუმი – 250 000 დოლარი
კრისტიან ბეილის მიერ განსახიერებული ბნელი რაინდი საკულტო ბეტმენი გახდა სუპერგმირის ისტორიაში. როდესაც ბნელი რაინდის კოსტუმის აუქციონზე გამოტანის დრო დადგა, ბუნებრივი იყო, რომ მნიშვნელოვან თანხაზე იქნებოდა საუბარი. Bloomberg-ის ცნობით, კერძო კოლექციონერმა ბეილის ოფიციალურ ტანსაცმელში 250 000 დოლარი გადაიხადა.
5. კაპიტან ამერიკას კოსტიუმი – 228 000 დოლარი
2012 წლის აპრილში, ჩიკაგოს კომიქსებისა და გასართობ ექსპოზე, კოსტუმი, რომელიც კაპიტან ამერიკას ეცვა ფილმში „პირველი შურისმაძიებელი “, აუქციონზე გაიტანეს. ლოტმა გასაოცარ ფასს – 228 000 დოლარს მიაღწია. ეს იყო 30 000 დოლარით მეტი, ვიდრე მოსალოდნელი იყო.
