სს „ნიკორამ“, თიბისი კაპიტალის და გალტ & თაგარტის დახმარებით, საჯარო ემისიის სახით, 35 მილიონი ლარის ოდენობის, 3-წლიანი ობლიგაციები წარმატებით განათავსა.ობლიგაციების ტრანზაქცია „ნიკორა ჯგუფის“ რიგით მე-6 წარმატებული განთავსებაა ადგილობრივი კაპიტალის ბაზარზე, საიდანაც ოთხი უკვე წარმატებით ჩაიხურა და ორი დადგენილ გრაფიკს მიყვება. ჯამურად, 2016 წლიდან, „ნიკორა ჯგუფს“ ლარში, 123 მილიონი ლარის ოდენობის, ხოლო დოლარში, 15 მილიონი აშშ დოლარის ოდენობის ობლიგაციები აქვს გამოშვებული.
უკანასკნელ ემისიაში ინვესტიცია საპენსიო სააგენტომ განახორციელა, რაც მის მიერ შეძენილი პირველი ადგილობრივი კორპორაციული ფასიანი ქაღალდებია.
„ობლიგაციები ეროვნულ ვალუტაში განთავსდა, რაც საშუალებას გვაძლევს, თავიდან იქნეს არიდებული სავალუტო რისკები. ობლიგაციები ნომინალური ღირებულების 100%-ით, სრულად განთავსდა. მათი წლიური საპროცენტო განაკვეთი კი თბილისის ბანკთაშორის 3-თვიან საპროცენტო განაკვეთს (TIBR3M) დამატებული 3.5%-ით განისაზღვრა.აღნიშნული ობლიგაციების ტრანზაქცია „ნიკორა ჯგუფის“ რიგით მე-6 წარმატებული განთავსებაა ადგილობრივ კაპიტალის ბაზარზე. ობლიგაციების მიმართ, ფინანსური ინსტიტუტების მხრიდან, მაღალი ინტერესი დაფიქსირდა, განთავსება კი მოკლე დროში დასრულდა. ლარის სხვა საჯარო ობლიგაციების მსგავსად, ეს ობლიგაციებიც საქართველოს ეროვნულ ბანკში იქნება დაგირავებადი, რაც ინვესტორ კომერციულ ბანკებს ლარის დამატებითი რესურსის ხელმისაწვდომ ფასში მოზიდვის შესაძლებლობას მისცემს.„ნიკორა“ პარტნიორებთან ერთად, აქტიურად მუშაობს ფინანსური რესურსების მოზიდვის დივერსიფიცირებული წყაროების განვითარებაზე და წარმატებით ახორციელებს ფასიან ქაღალდებთან დაკავშირებულ ოპერაციებს. ყოველ ჯერზე დაინტერესება ძალიან მაღალია. ფასიანი ქაღალდების გამოშვება საშუალებას გვაძლევს მოზიდული რესურსი ისევ კომპანიის განვითარებას მოვახმაროთ, რაც ახალი სამუშაო ადგილების შექმნის მნიშვნელოვანი წინაპირობაა. მადლობას ვუხდით ყველა მონაწილეს ჩართულობისა და წარმატებული საქმიანობისთვის“-სს „ნიკორას“ გენერალური დირექტორი ირაკლი ბოქოლიშვილი
ობლიგაციების განთავსების შედეგად მიღებულ სახსრებს არსებული ვალდებულებების რეფინანსირებისთვის და კომპანიის სამომავლო განვითარების გეგმების დასაფინანსებლად გამოიყენებს.ახალ წარმოებაში ჩადებული ინვესტიცია საკმაოდ მასშტაბურია და ის 30 მილიონ ლარს უტოლდება. საწარმო 6 000 კვ.მ. ფართზე განთავსდება. ეს იქნება არა მხოლოდ ქვეყნის, არამედ რეგიონის ყველაზე მაღალი დონის და მაღალტექნოლოგიური საწარმო. შედეგად, წარმოების მასშტაბი მინიმუმ 40%-ით გაიზრდება. დაგეგმილია ახალი და განსხვავებული პროდუქტების წარმოება, რის საშუალებასაც ჩვენი დღევანდელი საწარმო არ იძლევა. გაიზრდება დასაქმებული ადამიანების რაოდენობაც.
