შვეიცარიამ 2022 წლის იანვარ-ოქტომბერში საერთაშორისო რეზერვებიდან ფულადი თვალსაზრისით 226,6 მლრდ დოლარი „დაკარგა,“ რაც ყველაზე დიდი კლებაა,რამაც ქვეყანის ტრილიონერთა სიიდან გასვლა გამოიწვია. მსოფლიოს ეროვნული ცენტრალური ბანკების მონაცემებს „რია ნოვოსტი“ ავრცელებს.
ამ პერიოდში მსოფლიოს ვერცერთმა ქვეყანამ თავისი რეზერვები 10 მლრდ დოლარზე მეტად ვერ გაზარდა.
საერთაშორისო რეზერვების კლების მიხედვით ქვეყნების სია ასეთია:
- შვეიცარია – 226,6 მლრდ დოლარით
- ჩინეთი – 211,5 მლრდ დოლარით
- იაპონია – 211,2 მლრდ დოლარით
- სინგაპური – 135,6 მლრდ დოლარით
- ინდოეთი – 102,5 მლრდ დოლარით
- რუსეთი – 83,4 მლრდ დოლარით
- ჰონგ კონგი – 79,7 მლრდ დოლარით
- სამხრეთ კორეა – 49,1 მლრდ დოლარით
- ტაილანდი – 44,1 მლრდ დოლარით
- დიდი ბრიტანეთი – 42,9 მლრდ დოლარით
- ჩეხეთი – 41,7 მლრდ დოლარით, რაც მისი რეზერვების მეოთხედია
- ბრაზილია – 36,7 მლრდ დოლარით
- ისრაელი – 24,4 მლრდ დოლარით
- გერმანია – 23,9 მლრდ დოლარით
- იტალია – 20 ,8 მლრდ დოლარით
- საფრანგეთი – 19,2 მლრდ დოლარით
- აშშ – 18,7 მლრდ დოლარით
პროცენტული თვალსაზრისით, რეზერვები 2022 წლის პირველ 10 თვეში ყველაზე მეტად შრი-ლანკას 46%-ით და პაკისტანს 43%-ით შეუმცირდა. ახალი ზელანდიის აქტივების ღირებულება 38%-ით, მონღოლეთის 36%-ით, სინგაპურის 32%-ით, ხოლო პანამის 31%-ით შემცირდა. ჩილეს რეზერვებმა 26%-ით, ხოლო ჩეხეთის, საბერძნეთისა და მავრიკიის – სათითაოდ 24%-ით იკლო. „ფულადი ანტირეიტინგის“ ლიდერმა, შვეიცარიამ პროცენტული თვალსაზრისით რეზერვების 20% დაკარგა, ჩინეთმა – 6%, იაპონიამ – 15%, ხოლო რუსეთის ოქროსა და სავალუტო რეზერვები ათი თვის განმავლობაში 13%-ით შემცირდა.
2022 წელს რეზერვების გაზრდა შეძლო:
- საუდის არაბეთი – 7,8 მლრდ დოლარით
- თურქეთი – 2,3 მლრდ დოლარით
- კატარი – 1,9 მლრდ დოლარით
- სამხრეთ აფრიკა – 1,1 მლრდ დოლარით
კვლევა მსოფლიოს ასი ეკონომიკის ეროვნული ცენტრალური ბანკების ინფორმაციაზე დაყრდნობით ჩატარდა.
