ქართული კოსმეტიკის ბრენდი „მასკინი“ რამდენიმე თვეა, რაც საქართველოს ბაზარზე გამოჩნდა და მომხმარებელს პროფილაქტიკურ კოსმეტიკას სთავაზობს.
ბრენდის თანადამფუძნებლის თეონა ზაქრაძის თქმით, პროდუქტმა უკვე დიდი მოწონება დაიმსახურა, მიზეზი კი ბრენდის ორგანულობა და ხარისხია.
„საქართველოში მრავალი უცხოური ბრენდის პროდუქციაა შემოტანილი და ამ სფეროში უზარმაზარი კონკურენციაა, სწორედ ამიტომ ვცდილობთ მომხმარებლისთვის ვაწარმოოთ ქართული, ნატურალური პროდუქტი. ჩვენი პროდუქტი ყველანაირი ქიმიური ნარევების გარეშე მზადდება. ბალახები, რომელსაც ვიყენებთ, ალპური ზონიდანაა მოწოდებული“, – განმარტავს დამფუძნებელი.რამდენიმე უცხოელმა მოიხმარა ჩვენი პროდუქტი და დიდი მოწონებაც დაიმსახურა, სამომავლოდ ექსპორტზე გასვლა ბუნებრივად მოხდება, ჯერ მხოლოდ პირველი პარტია ვაწარმოვეთ, შემდეგი პარტიის დამზადებაზე აქტიურად ვმუშაობთ, ზუსტად ვიცით რა მიმართულებით წავიდეთ და რა შევთავაზოთ მომხმარებელს, გეგმები დიდია“, – ამბობს თეონა ზაქრაძე.
„მასკინი“ ამჟამად მომხმარებელს ექვსი სახის პროდუქტს სთავაზობს, რომლის ფასიც 28-76 ლარამდეა, პროდუქციის შეძენა ონლაინ პლატფორმებზე, ბრენდის ვებ-გვერდსა და სხვადასხვა კოსმეტოლოგიურ კაბინეტშია შესაძლებელი, ამასთან, ბრენდი 10-მდე ადამიანს ასაქმებს.
