კომპანია Meta-ს ხელმძღვანელობის გადაწყვეტილებით, მომხმარებლებს აღარ ექნებათ სოციალურ ქსელებში საკუთარი NFT კოლექციების გამოფენის შესაძლებლობა. გადაწყვეტილების მიღების მიზეზად მსხვილი კრიპტოკომპანიების გაკოტრება და ამერიკის შეერთებული შტატების მარეგულირებლის მიერ მასშტაბური გამოძიების დაწყება სახელდება. რეპუტაციაშელახულ ინდუსტრიასთან ასოცირება კი მარკ ცუკერბერგის კომპანიას აღარ სურს.
Meta-ს წარმომადგენლობის განმარტებით, Facebook-ისა და Instagram-ის გუნდი აქტიურად მუშაობს უახლესი ინოვაციების დანერგვაზე და ამჟამად კომპანიის მთავარი ფოკუსი მისი ფლაგმანური პროექტის – მეტავერსის განვითარებაა.
