2023 წლის იანვარ-თებერვალში საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 2,898 მლრდ აშშ დოლარი შეადგინა, რაც წინა წლის შესაბამის პერიოდთან შედარებით 12.3 პროცენტით მეტია.მონაცემებს სტატისტიკის ეროვნული სამსახური აქვეყნებს.
ექსპორტი 914.8 მლნ აშშ დოლარს (გაიზარდა 20.3 პროცენტით), ხოლო იმპორტი 1,983 მლრდ აშშ დოლარს შეადგენს (გაიზარდა 9.0 პროცენტით).
2023 წლის იანვარ-თებერვალში ათი უმსხვილესი საექსპორტო პარტნიორი ქვეყნის წილმა საქართველოს მთლიან ექსპორტში 81.5 პროცენტი შეადგინა.
საანგარიშო პერიოდში მთავარი საექსპორტო ქვეყანა სომხეთი გახდა 133.1 მლნ. აშშ დოლარით. ეს მაჩვენებელი 2022 წლის იანვარ-თებერვალთან შედარებით, სომხეთში 191.7%-ით არის გაზრდილი. კერძოდ, გასული წლის 1-ელ ორ თვეში საქართველოდან სომხეთში ექსპორტმა 45.620 მლნ აშშ დოლარი შეადგინა.
