„საქართველოში გაიხსნება პირველი სანერგე, რომელსაც ზეთისხილი გამოჰყავს კალმით და დამყნობით. მე უკვე თამამად შემიძლია გითხრათ, რომ ყოველ წელს ვაწარმოებთ, ნახევარ მილიონ ნერგს, მომავალი 2 წლის განმავლობაში – 1 მილიონს“,- ამის შესახებ ზეთისხილის საერთაშორისო საბჭოს პრეზიდენტმა გიორგი სვანიძემ განაცხადა.
მისივე თქმით, საქართველოში გამოყვანილი ნერგი გაცილებით ძლიერი და ადგილობრივ კლიმატზე მორგებული იქნება, ვიდრე იმპორტირებული. მიზანი კი, იმპორტის სრულად ჩანაცვლებაა.
„საქართველოში გაიხსნება პირველი სანერგე, რომელსაც ზეთისხილი გამოჰყავს კალმით და დამყნობით. მე უკვე თამამად შემიძლია გითხრათ, რომ ყოველ წელს ვაწარმოებთ, ნახევარ მილიონ ნერგს, მომავალი 2 წლის განმავლობაში – 1 მილიონს. აღარ დაგვჭირდება საზღვარგარეთიდან იმპორტი ნერგების. თან, ეს ნერგი, საქართველოში გამოყვანილი, გაცილებით ძლიერი, ამ კლიმატს შეჩვეულია. მეტიც, ზოგ ნერგს თავიდანვე ვსტრესავთ, რომ უფრო ძლიერი გაიზარდოს და ნაკლები მორწყვა დასჭირდეს.
მომავალი 5 წლის განმავლობაში რომ ვაწარმოოთ სადღაც 3-4 მლნ ნერგი და შემდგომი 10 წლის განმავლობაში 7-8 მილიონი, დედოფლისწყაროს, სიღნაღის რაიონს, კახეთს ძირითადად, გადავაქცევთ პატარა ანდალუსიად, სადაც დღეს ბევრი ადგილი მოშიშვლებულია, მაგრამ ის ნერგი, რომელზეც ჩვენ დღეს ვმუშაობთ, მოგვცემს საშუალებას, რომ საქართველოში ვაწარმოოთ უმაღლესი ხარისხის ზეთისხილი. შემდგე უკვე, ეს პროდუქცია, მომავალი 5 წლის განმავლობაში, გვაძლევს იმის საშუალებას, რომ ქართული ნატურალური მაღალი ხარისხის ზეითუნის ზეთით ჩავანაცვლოთ ის იმპორტირებული, რომელიც დღეს ნამდვილად არ ვიცით რომელი ქვეყნიდან შემოდის და რა ხარისხის“,- განაცხადა გიორგი სვანიძემ.
