გასული წლის მძარცველების მოპარული ნივთების სია შთამბეჭდავია რთულია იმის წარმოდგენაც, რომ მათი მოპარვა ვინმეს თავში აზრად მოუვიდა.
გამოცემა Bloomberg ამგვარი ნივთების ვრცელ სიას აქვეყნებსი მათგან ყველაზე გამორჩეულებია :
50,000 დოლარზე მეტის ღირებულების ბოტოქსი და სხვა კოსმეტიკა – ეს ფაქტი ავსტრალიაში, ბულესტონში მოხდა. მძარცველი კამერამ დააფიქსირა და მოგვიანებით ის დამნაშავედ ცნეს.
სანტა კლაუსის ქანდაკება – მოპარული ქანდაკება, რომელიც გრინჩისგან ამზადებდა კერძს, მძარცველმა მოგვიანებით ვარდებთან ერთად დააბრუნდა და პატიება ითხოვა.
1.5 მილიონი დოლარის ღირებულების 11,000 ყუთზე მეტი ქათმის ფრთები – დანაშაული ილიონისის ერთ-ერთი სკოლის ადმინისტრატორმა ჩაიდინა. პროდუქტებს ის 9 თვის განმავლობაში სკოლის ფულით ყიდულობდა, შემდეგ კი სხვებზე ჰყიდდა. ამის შესახებ მხოლოდ აუდიტის ჩატარების შემდეგ გაიგეს.
კაშალოტის 4-მეტრიანი ჩონჩხი – მოიპარეს ედენ ქილერის ვეშაპების მუზეუმიდან ავსტრალიაში, ედენში.
ხარის სპერმის 60 კონტეინერი – გერმანიაში მათი პოვნა დღემდე ვერ მოხერხდა. პოლიციის თანახმად, ისინი ხელოვნური განაყოფიერებისთვის იყო განკუთვნილი და მის შესანახად თხევადი აზოტით -196 ცელსიუს გრადუსამდე გაციებული სივრცეა საჭირო.
კატაფალკა გვამთან ერთად – ჩიკაგოში მძარცველი კატაფალკის მოპარვისთვის დააკავეს, რომელშიც 47 წლის ადამიანის გვამიც იყო.
42,500 დოლარის ღირებულების კალკულატორები – ეს დანაშაული ახალგაზრდების ჯგუფმა ჩაიდინა, რომლებიც 6 სკოლაში, სულ მცირე, 9-ჯერ შეიპარნენ. მათგან ერთ-ერთი, 18 წლის ახალგაზრდა დაიჭირეს.
1.2 მილიონი სამხრეთ აფრიკული რანდის (დაახლოებით, 60,000 ამერიკული დოლარი) ღირებულების Simba-ს კარტოფილის ჩიფსები – კაცმა დანაშაული სამხრეთ აფრიკაში, ეკურჰულენში ჩაიდინა ორ თანამზრახველთან ერთად, რომლებიც კვლავ ძებნაში არიან.
732,000 დოლარის ღირებულების 1,240 ყუთი კიბორჩხალა – ეს ვაშინგტონელი მძარცველი წარსულში ციხეში იჯდა საკრუიზო ხაზის მყიდველის განსახიერებისა და კრევეტების მოპარვის მცდელობის ბრალდებით.
1 მილიონი დოლარის ღირებულების კობი ბრაიანტის ხელმოწერილი ფეხსაცმელები, პოკემონის კარტი და სხვა საკოლექციო ნივთები – ლოს-ანჯელესში სამი მამაკაცი სატვირთო მანქანით შეეჯახა მაღაზიას და შვიდ წუთზე ნაკლებ დროში გაიქცა.
9 მილიონი დოლარის ღირებულების გაყინული საქონლისა და ღორის ხორცით სავსე სატვირთო მანქანები – სამი მამაკაცი აშშ-ის 6 შტატში 45 ძარცვისთვის გასამართლდა.
17.5 ტონა ზეთისხილი – ექვსი ფერმის ძარცვისთვის ესპანეთში 16 ადამიანი დააკავეს.
