შვილთან ყოფნის სურვილისა და საკუთარი შემოსავლის არსებობის ფონზე შეიქმნა ჩანთებისა და საფულეების ონლაინ პლატფორმა „EverLady“, რომელმაც პოპულარობა მალევე მოიპოვა. თოკით, სილიკონითა და სხვადასხვა ქსოვილებით შექმნილი, დახვეწილი გემოვნებით შესრულებული ორიგინალური ნამუშევრები მომხმარებლებმა 
მალევე შეიყვარა.
„EverLady“– ის დამფუძნებელი, მარიამ მახარობლიძე პლატფორმის შექმნაზე და მისი განვითარების ხელმშემწყობ ფაქტორებზე GeobussinessNews.com- თან საუბრობს
„EverLady“-ს დაარსების იდეა გამიჩნდა, მაშინ როდესაც დედა გავხდი, რადგან მინდოდა დიდი დრო ჩემს შვილთან გამეტარებინა, მაგრამ ამისთვის მხოლოდ დედის სტატუსი არ იყო საკმარისი. „Everlady“-ს ბიზნესად ჩამოყალიბებაში დიდი როლი პანდემიამ ითამაშა, რადგან ამ პერიოდში გაყიდვების დიდმა ნაწილმა ონლაინ პლათფორმებზე გადაინაცვლა. ნამუშევრებმა მალე მოიპოვა მომხმარებლის სიყვარული და ონლაინ გაყიდვების დაწყების პირველივე წელი წარმატებული აღმოჩნდა.
სახელწოდებაც შესაბამისი შევარჩიე, რადგან ძალიან ახლოს არის იმ იდეასთან, რასაც მინდა მოიცავდეს ჩემი ნამუშევრები – ყველა ასაკის ქალბატონს მინდა, რომ ჰქონდეს, შესაბამისად „EverLady“ მარატლაც ყველა ასაკს მოიცავს სხვადასხვა მოდელი. მაქვს სხვადასხვა ფორმის და ზომის მხარჩანთა, წელჩანთა , ხელჩანთა. გამონაკლისების სახით მომხმარებლის სურვილსაც ვითვალისწინებ ზომებთან დაკავშირებით.
ვფიქრობ „EverLady“ წარმატება განაპირობა იმ ფაქტორმა , რომ ჩემი ყველა ნამუშევარი არის საავტორო. რეალიზაციას ვახდენ მხოლოდ ონლაინ პლათფორმებზე, რადგან მაღაზიებში ნამუშევრების განთავსებისას დიდი ფასნამატი აქვს და ამიტომ თავს ვიკავებ . ფასი სრულად არის მორგებული ქართველ მომხმარებელზე„ – მარიამ მახარობლიძე
ატარე ქართული, ატარაე „EverLady“ და იყავი განსხვავებული !
