2024 წლის იანვრის მდგომარეობით, საქართველოში საარსებო შემწეობას 647 479 ადამიანი იღებს, რაც 20 189 ადამიანით ნაკლებია წინა წლის მაჩვენებელზე. 2023 წლის ანალოგიურ პერიოდში სოციალურ დახმარებას 667 668 პირი იღებდა.
2024 წლის იანვარში საარსებო შემწეობის მიმღები 647 479 პირიდან, 208 085-ს საზოგადოებრივი დასაქმების ხელშეწყობის სახელმწიფო პროგრამის ფარგლებში, სოციალურად დაუცველის პაკეტი 4 წლის განმავლობაში უნარჩუნდება.
2024 წლის მონაცემებით, ყველაზე მეტი სოციალური დახმარების მიმღები თბილისში ცხოვრობს, (საერთო რაოდენობის თითქმის 21%) რომელსაც ქვემო ქართლი (14,2%) და სამეგრელო-ზემო სვანეთი (12,1%) მოსდევს.
2024 წლის იანვრის მდგომარეობით, საარსებო შემწეობის მიმღები პირები რეგიონების მიხედვით:
- თბილისი – 136 564 ადამიანი
- ქვემო ქართლი – 92 054 ადამიანი
- იმერეთი – 79 100 ადამიანი
- სამეგრელო ზემო სვანეთი – 78 429 ადამიანი
- კახეთი – 63 447 ადამიანი
- აჭარის ავტონომიური რესპუბლიკა – 67 418 ადამიანი
- შიდა ქართლი – 54 266 ადამიანი
- გურია – 26 001 ადამიანი
- სამცხე ჯავახეთი – 19 240 ადამიანი
- მცხეთა მთიანეთი – 17 689 ადამიანი
- რაჭა ლეჩხუმი და ქვემო სვანეთი – 13 271 ადამიანი
