დაბადების მაჩვენებელმა გარდაცვალებას მხოლოდ 3 რეგიონში – თბილისში, აჭარაში და ქვემო ქართლში გადააჭარბა, სხვა ყველა რეგიონში სხვაობა უარყოფითია- პაატა შავიშვილი, საქსტატის აღმასრულებელი დირექტორის მოადგილე
„სხვაობა დაბადებისა და გარდაცვალების მაჩვენებლებს შორის, ერთ-ერთი ყველაზე მნიშვნელოვანი კომპონენტია მოსახლეობის ზრდის მიმართულებით. სხვაობა დაბადებასა და გარდაცვალებას შორის არის უარყოფითი, 6 900 ერთეულია, რაც პირდაპირ აისახა რეგიონულ ჭრილში მოსახლეობის შემცირებაზე. ბუნებრივ მატებას რეგიონულ ჭრილში რომ შევხედოთ, მხოლოდ 3 რეგიონია გამოყოფილი, დადებითი არის მხოლოდ ქალაქ თბილისში, აჭარის ავტონომიურ რესპუბლიკაში და ქვემო ქართლის რეგიონში. შესაბამისად, დაბადებამ გარდაცვალებას მხოლოდ 3 რეგიონში გადააჭარბა.
პიკური პერიოდი იყო 2014 წელი, რა დროსაც 60 000 ბავშვი დაიბადა ეს იყო ბოლო პერიოდში ყველაზე მაღალი მაჩვენებელი. ამ წლის შემდეგ, დინამიკას თუ შევხედავთ, დაბადებულ ბავშვთა რაოდენობა მცირდება. წინა წელთან შედარებით, უკვე 7-8%-ით შემცირებაც კი გვაქვს“,- განაცხადა პაატა შავიშვილმა.
