2024 წლის მონაცემებით, ამერიკის ძირძველი ინდიელების ტომების ქონება გაიზარდა.
სემინოლის ტომი – 764 მილიონი დოლარი
ფლორიდაში მცხოვრები “სემინოლის ტომი“ აკონტროლებს Seminole Hard Rock Hotel & Casino-ების ქსელების 72%-ს. ტომი 4000-ზე მეტი ადამიანისგან შედგება და 700 მილიონ დოლარზე მეტს ფლობენ. სათამაშო ბიზნესის აყვავებასთან ერთად, მოსალოდნელია, რომ ტომის ფინანსები გაიზრდება.
სქუამის ტომი – 780 მილიონი დოლარი
სქუამის ტომი ამჟამად ფლობს მიწებს ქვედა მატერიკზე. აღნიშნული ტერიტორიები მოიცავს პროვინციაში მდებარე ყველაზე ძვირფასი უძრავი ქონების დიდ ნაწილს. ეს მიწები და ქონება იჯარით არის გაცემული, გამომუშავებული შემოსავალი კი სქუამის ტომთან მიემართება. გარდა ამისა, ისინი დამატებით შემოსავალს გამოიმუშავებენ სხვადასხვა ბიზნეს წამოწყების საშუალებით, მათ შორის, ბენზინგასამართი სადგურების, სატრანსპორტო საშუალებების და კაზინოების ჩათვლით.
ტომი ასევე აქტიურად არის ჩართული კერძო ჰიდროენერგეტიკულ პროექტებში.
ჰანავილის ინდიელთა საზოგადოება – 803 მილიონი დოლარი
ჰანავილის ინდიელთა საზოგადოება ამაყობს შემოსავლის სხვადასხვა წყაროებით. სხვა ტომების მსგავსად, მათი სიმდიდრის მნიშვნელოვანი ნაწილი კაზინოებიდან მიღებული ფულია. მდებარეობს მიჩიგანის ზემო ნახევარკუნძულზე არსებული გასართობი სექტორი ინდიელთა საზოგადოების შემოსავლის მნიშვნელოვანი წყაროა. მათი კაზინოს გარდა, ჰანავილის ინდური საზოგადოება ფლობს მრავალ სამშენებლო საწარმოს.
ინდიელთა პეჩანგა ჯგუფი (ლუისენო) – 853 მილიონი დოლარი
ინდიელთა პეჩანგა ჯგუფი დასავლეთ სანაპიროზე ყველაზე გამორჩეულ ტომებს შორისაა. ისინი გამორჩეული რეპუტაციით სარგებლობენ. მათი სიმდიდრე მომდინარეობს მაღალი დონის კაზინოებისა და კურორტების ქსელიდან. გარდა ამისა, ისინი ფლობენ რესტორნების სხვადასხვა ქსელებს. ამ დაწესებულებებში შედის Bamboo, Blazing Noodles, Blends Coffee & Wine Bar, The Buffet და სხვები.
სოლთ რივერის პიმა-მარიკოპას თემი – 946 მილიონი დოლარი
არიზონაში დაფუძნებულმა პიმასა და მარიკოპას ტომებმა ქონება და ბიზნეს ინტერესები გააერთიანეს. მათი საერთო შემოსავალი 1 მილიარდ დოლარს უახლოვდება. ორმა ტომმა კონტროლი მათ მიწაზე მდებარე ორ კაზინოზე მე-20 საუკუნის ბოლო პერიოდიდან მიიღო. საერთო ჯამში, ტომების საზოგადოება ფლობს 50 000 ჰექტარ მიწას არიზონაში.
ონეიდას ტომი – 1 მილიარდი დოლარი
ონეიდას ტომმა დააგროვა 1 მილიარდი დოლარი სხვადასხვა ბიზნეს საწარმოების მეშვეობით, რომელიც ცენტრალურ ნიუ-იორკის რეგიონში მდებარეობს. ტომმა თავისი ბიზნესი ბენზინგასამართი სადგურის დაარსებით, რომელიც ცნობილია როგორც SavOn, 1990-იანი წლების დასაწყისში წამოიწყო. SavOn-ის საწვავის კონკურენტულმა ფასებმა საშუალება მისცა ბიზნესს გაფართოებულიყო. შემდგომში, ტომი გავიდა კაზინოებისა და კურორტების სფეროში და 1993 წელს გახსნა Turning Stone Casino & Resort.
მდინარე გილას ინდიელთა საზოგადოება – 2,15 მილიარდი დოლარი
მდინარე გილას ინდიელთა საზოგადოებამ დიდძალი ქონება მილიარდი კაზინოსა და საკურორტო ინდუსტრიის მეშვეობით გამოიმუშავა. საზოგადოება შედგება ორი განსხვავებული ტომისგან, პი პოშისა და აკიმელ ო’ოდჰამისგან.
კურ დ’ალენი (Coeur d’Alene) ტომი – 2,27 მილიარდი დოლარი
კურ დ’ალენი ცნობილია თავისი დივერსიფიცირებული ინვესტიციებით მრავალ ინდუსტრიაში; საწარმოებიდან რამდენიმე განლაგებულია სამხრეთ-დასავლეთ კოტენაის ოლქის რეგიონში, რომელიც მოიცავს კაზინოს, სასტუმროს და გოლფის კლუბს. საწარმოებში დასაქმებულია მინიმუმ 500 ადგილობრივი მცხოვრები და ყოველწლიურად 20 მილიონ დოლარამდე გამოიმუშავებენ.
ნავახოს ტომი – 2,5 მილიარდი დოლარი
ნავახოს ტომმა თავისი სიმდიდრე ტურიზმის და ბუნებრივი რესურსების გამოყენების შედეგად დააგროვა. ისინი მილიარდებს ძირითადი ბუნებრივი რესურსებიდან გამოიმუშავებენ, როგორიცაა ნავთობი, გაზი და ქვანახშირი.
შაკოპი მდევაკანტონის ტომი (Shakopee Mdewakanton) – 2,7 მილიარდი დოლარი
ტომი არის ყველაზე მდიდარი ძირძველი ამერიკული ტომი. 480 ადამიანისგან შემდგარი საზგადოების თითოეული წევრი თვეში, დაახლოებით 84000 დოლარს გამოიმუშავებს. როგორც Daily Mail იტყობინება, ტომის შემოსავლის ძირითადი წყარო ორი ძირითადი კაზინოდან მოდის, რომლებიც ათიათასობით აზარტულ მოთამაშეს იზიდავს მთელი შტატიდან.
