მთავრობის ადმინისტრაციის ინფორმაციით, საქართველოში ბოლო 6 თვეში საერთაშორისო ვიზიტორთა რაოდენობამ 1 209 272 შეადგინა, ეს მაჩვენებელი გასული წლის ანალოგიურ მაჩვენებელთან შედარებით 186.3%-ით მეტია.
როგორც ადმინისტრაციაში განაცხადეს, ტურიზმის ზრდასთან დაკავშირებულ საკითხებზე ეკონომიკური საბჭოს სხდომაზე ისაუბრეს.
„ტურიზმზე საუბრისას ხაზი გაესვა იმას, რომ იანვარ-მაისში მოგზაურობიდან მიღებული შემოსავლების აღდგენის დონე 75.3%-ია და შემოსავლებმა 840.9 მლნ აშშ დოლარი შეადგინა.
ტურიზმის აღდგენის დინამიკაზე საუბრისას აღინიშნა, რომ მიმდინარე წლის ივნისში საქართველოში 445 894 საერთაშორისო მოგზაურის ვიზიტი განხორციელდა და ზრდა 2021 წლის ივნისის თვესთან შედარებით 185.5%-ია“, – ნათქვამია ადმინისტრაციის მიერ გავრცელებულ პრესრელიზში.
