„სალამი მეგობრებო, 4 თვის წინ ჩვენ შევქმენით ზიარი, ამ მცირე დროის განმავლობაში ბევრი დადებითი ემოცია გაზიარდა ჩვენს სივრცეში თქვენთან ერთად,რისთვისაც ძალიან დიდ მადლობას გიხდით თითოეულ თქვენგანს.
ჩვენი ყოველდღიურობა არ იყო მარტივი, მაგრამ თქვენ იყავით და ხართ მთავარი ძალა და მოტივატორი ჩვენთვის. ჩვენ სხვა სივრცეში გადავდივართ. ეს ყველაფერი ჩვენთვის ძალიან რთულია, რადგან ამ კედლებში მთელი სული და გული გვაქვს ჩადებული, ეს ყველაფერი თქვენმა ნაწილმა უკვე იცის.ახლა კი დროა ეს ყველაფერი დავტოვოთ და შევქმნათ ახალი ისტორია ისევ თქვენთან ერთად „ – ვკითხულობთ Ziari Bar-ის ოფიციალურ გვერდზე.
როგორც უკვე მიხვდით ქუთაისის გამორჩეულმა და თქვენმა საყვარელმა ბარმა ლოკაცია შეიცვალა და ახლა უკვე რუსთაველის 6 ნომერში გიმასპინძლებთ. ადგილმდებარეობის შეცვლასთან ერთად შეიცვლება კონცეფციაც და სხვადასხვა მუსიკალური ბენდების დახმარებით იზრუნებენ თქვენი განწყობის ამაღლებაზე. ცვლილებების მიუხედავად, ზიარი ბარი კიდევ უფრო მეტ სიახლესა და გასართობს გპირდებათ.
ზიარი ბარი მხოლოდ დადებით ემოციებს გაგიზიარებთ.
