თბილისში, ბარნოვის #53ა-ში კოსმეტიკისა და თავის მოვლის საშუალებების მაღაზია Black Market გაიხსნა. ეს Facebook-ის ამავე დასახელების ჯგუფის საქმიანობის გაგრძელებაა, სადაც უკვე წლებია საერთაშორისო ბრენდების პროდუქცია ონლაინსივრცეში იყიდება.
ჯგუფისა და ახლა უკვე მაღაზიის დამფუძნებელი ანუკი ბიწაძე ამბობს, რომ მაღაზიაში წარმოდგენილია დეკორატიული კოსმეტიკა, თავის მოვლის საშუალებები, პარფიუმერია, აქსესუარები და წვრილი ტექნიკა. მისივე თქმით, მომხმარებლებს შესაძლებლობა აქვთ, შეიძინონ ისეთი „ლუქს“ ბრენდების პროდუქცია, რომლებიც საქართველოს ბაზარზე ოფიციალურად არ არიან წარმოდგენილი.
გადაცემაში „ქალების ნარატივი“ ანუკი ბიწაძე ამბობს, რომ Facebook ჯგუფი Black Market უკვე სამი წელია არსებობს და მაღალი ხარისხის პროდუქციის შეთავაზებით მომხმარებელში ნდობა მოიპოვა. მისი თქმით, 200-მდე ბრენდის პროდუქციის საბაზრო ღირებულებაზე ნაკლებ ფასად შეძენა მომხმარებლებს არა მარტო ონლაინ, არამედ ახლა უკვე რეალურ სივრცეშიც შეუძლიათ.
ანუკი ბიწაძის ინფორმაციით, მომდევნო კვირიდან მაღაზია Black Market-ის პროდუქცია განთავსდება საკურიერო პლატფორმებზეც და მომხმარებლებს მათი შეძენა სახლიდან გაუსვლელად შეეძლებათ.
წყარო : bm.ge
