ბიზნესიდღის სიახლეებიეკონომიკა

Business Insider: ბოლო წლებში საქართველოს ეკონომიკამ მნიშვნელოვანი მდგრადობა აჩვენა

0
გაზიარება

საერთაშორისო გამოცემა Business Insider-ი საქართველოს მიმზიდველ საინვესტიციო გარემოზე სტატიას ავრცელებს და ხაზს უსვამს იმ უპირატესობებს, რასაც საქართველო საერთაშორისო კომპანიებს სთავაზობს.

სტატიაში, რომლის სათაურია – „რატომ ხდება საქართველო პირდაპირი უცხოური ინვესტიციების მიზიდულობის ცენტრი?“ – წერია, რომ საქართველოს ეკონომიკას აქვს მშპ-ის დივერსიფიცირებული სტრუქტურა, რომელიც ხელს უწყობს მდგრად ზრდას.

„პანდემიის შემდეგ ბოლო წლებში საქართველოს ეკონომიკამ აჩვენა მნიშვნელოვანი მდგრადობა და 2021 წელს 10,4%-იანი ზრდის ტემპი დაფიქსირდა. საქართველოს ეკონომიკის ეს დადებითი პროგნოზები განპირობებულია ძლიერი ფუნდამენტით, როგორიცაა სტაბილური ბიზნეს გარემო, ლიბერალური და თავისუფალი საბაზრო ეკონომიკა და საგადასახადო პოლიტიკა, რომლებიც ხელსაყრელია უცხოური ინვესტიციებისთვის. მაგალითად, ბიზნესის დასაწყებად საჭიროა 2 საათი და 2 დოკუმენტის წარდგენა, ხოლო სახელმწიფო სერვისების უმეტესობა ხელმისაწვდომია ციფრულ ფორმატში. ეკონომიკურ წარმატებას ასევე ხელს უწყობს კარგად განვითარებული სატრანსპორტო ინფრასტრუქტურა და მისი იდეალური მდებარეობა. საქართველო განიხილება სტრატეგიულ მიმართულებად განსაკუთრებით ინვესტორებისა და იმ კომპანიებისთვის, რომლებსაც სურთ საქმიანობა აღმოსავლეთ ევროპაში, კავკასიასა და ცენტრალურ აზიაში“, – ნათქვამია სტატიაში.

სტატიის თანახმად, ტრადიციული საინვესტიციო სექტორების გარდა, როგორიცაა სტუმართმოყვარეობა, ლოგისტიკა, ენერგეტიკა, ტრანსპორტი და მშენებლობა, მიმზიდველი საინვესტიციო სფეროებია ფინანსური სექტორი, IT, ბიზნეს პროცესების აუთსორსინგი, ელექტროტექნიკისა და ავტომობილების ნაწილების წარმოება.

„საქართველოს ჰყავს ახალგაზრდა, კონკურენტუნარიანი, კვალიფიციური, ტექნიკური და უცხო ენების ცოდნით შეიარაღებული კადრები. ქვეყანას აქვს საკმარისი რაოდენობით უმაღლესი საგანმანათლებლო დაწესებულებები და პროფესიული საგანმანათლებლო ცენტრები. ასევე გააჩნია მარტივი და სამართლიანი საგადასახადო სისტემა. განსაკუთრებით მიმზიდველია ინვესტორებისა და კომპანიებისთვის: მარტივი, ეფექტური და, ზოგიერთ შემთხვევაში, ევროპასთან შედარებით მნიშვნელოვნად დაბალი გადასახადები. საქართველო არის მესამე ყველაზე დაბალი საგადასახადო ტვირთის მქონე ქვეყანა, რაც განპირობებულია მისი ექვსი ფიქსირებული გადასახადით“, – აღნიშნავს Business Insider-ი.

სტატიაში ასევე ხაზგასმულია საქართველოში მოქმედი თავისუფალი ვაჭრობის შეთანხმებები ჩინეთთან (ჰონკონგის ჩათვლით), დიდ ბრიტანეთთან, თურქეთთან, ევროკავშირისა და EFTA-ს ქვეყნებთან. შესაბამისად, ქვეყანა იდეალური ადგილია მსოფლიოს 2,3 მილიარდ მომხმარებელზე პირდაპირი წვდომით.

„სულ უფრო მეტი ახალი ინვესტორი აცნობიერებს საქართველოში არსებული შესაძლებლობების ფართო სპექტრს და იყენებს შესაძლებლობას მხარი დაუჭიროს ან დაეხმაროს ბიზნესის მშენებლობას ადგილზე. საქართველო კი აქტიურად გვთავაზობს დახმარებას. ესაა ქვეყანა, რომელსაც რეგიონის მიხედვით აქვს სუბტროპიკული, ხმელთაშუა და კონტინენტური კლიმატი, ასევე ითვლება მსოფლიოში უძველეს ღვინის რეგიონად. ყოველივე ეს ქვეყანას აქცევს საინტერესო ტურისტულ ადგილად უზარმაზარი ტურისტული პოტენციალით“, – წერს Business Insider-ი.

მსგავსი სიახლეები

საქართველოში დასაქმებულთა ხელფასი 271 ლარით გაიზარდა და 2 044.5 ლარი შეადგინა

საქსტატის ანგარიშის მიხედვით საქართველოში 2023 წლის IV კვარტალში საშუალო თვიური ნომინალური ხელფასი გასული წლის შესაბამის პერიოდთან შედარებით 15.3 პროცენტით (270.9 ლარით) გაიზარდა და 2 044.5 ლარი შეადგინა საქმიანობის სახეების…

ქართული დაფნისა და სუნელების ექსპორტი ისტორიულ მაქსიმუმზეა

სტატისტიკის ეროვნული სამსახურის მონაცემებით, გასულ წელს ქვეყნიდან 6 260 ტონა (18,367 მლნ აშშ დოლარის) ადგილობრივი წარმოების პროდუქცია გავიდა, რაც გასულ წლებში ყველაზე მაღალი მაჩვენებელია. გასულ წელს ექსპორტირებული 6 260 ტონა…

მსოფლიოს 5 ყველაზე უცნაური ცათამბჯენი

ხუთი ყველაზე ორიგინალური ცათამბჯენი მსოფლიოში: Umeda Sky: ოსაკას საკულტო ღირსშესანიშნაობა ოსაკას ერთ-ერთი ყველაზე ცნობადი შენობა, იაპონელი არქიტექტორის ჰიროში ჰარას Umeda Sky არის. მისი მშენებლობა დასრულდა 1993 წელს და…

საქართველოში პირველი სასურსათო ბანკი იქმნება

ევროკავშირის და ჩეხეთის განვითარების სააგენტოს დაფინანსებით საქართველოში პირველი სასურსათო ბანკი იქმნება. აღნიშნული ბანკი პროექტის “მდგრადი სასურსათო სისტემის დანერგვა საქართველოში სამოქალაქო საზოგადოების ჩართულობით”…

მეტის ჩატვირთვა იტვირთება...პოსტები აღარ მოიძებნა
error: Content is protected !!