დღის სიახლეებისიახლეები

22 მაისიდან ტაქსით მგზავრობის საფასურის გადახდა უნაღდო ანგარიშსწორებით, QR კოდის გამოყენებითაც იქნება შესაძლებელი

0
გაზიარება

22 მაისიდან მოქალაქეებს ტაქსით მგზავრობისას გადაადგილების საფასურის გადახდა QR კოდის დასკანერებით შეეძლებათ. ინფორმაცია დედაქალაქის მერმა, კახა კალაძემ დედაქალაქის მთავრობის სხდომაზე განაცხადა.

დედაქალაქის მერიის მიერ წარმოდგენილი გადახდის ალტერნატიული საშუალებით სარგებლობა ლიცენზიის მქონე ყველა ტაქსის მძღოლს შეუძლია.QR კოდი შესაძლებელია მიებას ნებისმიერი ტიპის ანგარიშის ნომერს. კალაძის ინფორმაციით, QR კოდი შეიძლება განთავსდეს სავარძლის უკანა მხარეს.

„როგორც იცით, ტაქსით მგზავრობისას შესაძლებელია მხოლოდ ნაღდი ფულით გადახდა, მათ არ აქვთ შესაძლებლობა, რომ შეიძინონ საბანკო ტერმინალები. შესაძლოა, რომ მგზავრს ნაღდი ფული არ ჰქონდეს და ვერ გადაიხადოს.

ასევე, შესაძლოა ტურისტს არ ჰქონდეს ლარი და ვერ გადაიხადოს. ჩვენ კომპანია „ბი ქეი ენ 301 ჯორჯიამ“ შემოგვთავაზა ძალიან საინტერესო წინადადება. ვფიქრობ, ეს გადახდების მიღების ინოვაციური და სწრაფი მეთოდია. მათ შეიმუშავეს QR კოდები, რომელიც წარმოდგენილი იქნება. აღნიშნული QR კოდი შესაძლებელია მიებას ნებისმიერი ტიპის ანგარიშის ნომერს. ტაქსის მძღოლს შესაძლებლობა აქვს მიიღოს აღნიშნული QR კოდი. ეს შეუძლია მიაბას ნებისმიერი პირის ანგარიშის ნომერს, შეზღუდული არ არის. ტელეფონის ვიდეოკამერით QR კოდს დააფიქსირებ, მიუთითებ გადასახდელ თანხას და მაშინვე აესახება ტაქსის მძღოლს. ტელეფონის ნომერზე მიუვა ინფორმაცია, რომ თანხა დაირიცხა, რაც მგზავრმა გადაადგილებისთვის უნდა გადაიხადოს. ეს QR კოდი შეიძლება განთავსდეს სავარძლის უკანა მხარეს, რათა მოსახერხებელი იყოს. ეს ნებაყოფლობითი იქნება. ვფიქრობ, ბევრი დაინტერესდება QR კოდებით. 22 მაისიდან ლიცენზიის მქონე ყველა ტაქსის მძღოლს შეუძლია აღნიშნული პროგრამით სარგებლობა.

მობრძანდნენ სერვის ცენტრებში და ჩვენი თანამშრომლები მიაწვდიან ინფორმაციას. იქვე მათი თანხმობის შემთხვევაში ამოუბეჭდავენ საკუთარ QR კოდებს, რომელიც შეუძლიათ ავტომობილში განათავსონ“, – განაცხადა კალაძემ.

მსგავსი სიახლეები

ქორწინების საშუალო ასაკი ქალებისთვის 29.7 წლამდე, კაცებისთვის კი 32.1 წლამდე გაიზარდა

საქართველოში ქორწინების საშუალო ასაკი ყოველწლიურად ფაიზრდება - ამას ადასტურებს 2023 წლის დემოგრაფიული ანგარიში, რომელიც საქსტატმა გამოაქვეყნა.  დოკუმენტის თანახმად, 2023 წელს საქართველოში 22,275 ქორწინება დარეგისტრირდა, რაც…

ბანანის რეექსპორტი თითქმის 1300%-ით გაიზარდა, ხოლო იმპორტის ზრდამ 85% შეადგინა

საქსტატის მონაცემებით, წელს 2 თვეში ქვეყნიდან 1 632 ტონა (1,416 მლნ აშშ დოლარის) პროდუქტი გავიდა, წინა წლის ანალოგიურ პერიოდში კი მხოლოდ 117.3 (124.5 ათასი აშშ დოლარის). სტატისტიკის მიხედვით, 2024 წელს საქართველომ 1 კგ ბანანი…

გურიაში პირველი ეროვნული პარკი იქმნება

გარემოს დაცვისა და ბუნებრივი რესურსების კომიტეტმა პირველი მოსმენით განიხილა და მხარი დაუჭირა კანონპროექტს „გურიის ეროვნული პარკის შექმნისა და მართვის შესახებ“, რომლის მიღების შედეგად ჩოხატაურისა და ოზურგეთის მუნიციპალიტეტების…

გასულ წელს საქართველოში 22 ათასი ქორწინება და 13 ათასი განქორწინება დარეგისტრირდა

2023 წელს საქართველოში 22,275 ქორწინება დარეგისტრირდა -ინფორმაცია ამის შესახებ საქსტატის მიერ გამოქვეყნებული სტატისტიკიდან ხდება ცნობილი. ანგარიშის მიხედვით, 2022 წელთან შედარებით საქართველოში ქორწინებების რაოდენობა 14.5%-ით…

საქართველოში One republic, Scorpions და Jungle ჩამოდიან

Starring Georgia-ს ფარგლებში, მიმდინარე წელს ქვეყანაში One republic, Scorpions, Jungle ჩამოვლენ - ინფორმაციას Black Sea Arena სოციალურ ქსელში ავრცელებს. ბილეთების გაყიდვა 29 მარტიდან ეტაპობრივად დაიწყება.29 მარტიდან, 10:00…

მეტის ჩატვირთვა იტვირთება...პოსტები აღარ მოიძებნა
error: Content is protected !!