ილონ მასკის Neuralink-მა შეერთებული შტატების საკვებისა და მედიკამენტების ადმინისტრაციისგან (FDA) მიიღო ნებართვა, დაიწყოს „ადამიანის პირველი კლინიკური კვლევა“. ეს მთავარი ნაბიჯია კომპანიისთვის, რომელიც ცდილობს განავითაროს პირდაპირი კავშირი ადამიანის ტვინსა და კომპიუტერებს შორის. Twitter-ზე გამოქვეყნებული განცხადების თანახმად, ნებართვის მიღება კომპანიის ჯგუფის FDA-სთან ახლო მუშაობით მიღწეული შედეგია.კლინიკური კვლევებისთვის დაქირავება ჯერ არ არის ნებადართული.
Neuralink-ის ტვინი-კომპიუტერის ინტერფეისი იყენებს ტვინში ჩაშენებულ ათასობით პატარა ელექტროდს, რათა წაიკითხოს ნეირონების სიგნალები და გადასცეს ისინი კომპიუტერს.
ეს გადაწყვეტილება ნიშნავს, რომ Neuralink-მა აღმოფხვრა უსაფრთხოებასთან დაკავშირებული პრობლემები, რის გამოც FDA-მ კომპანიას ადამიანებზე კვლევების ჩატარება აუკრძალა.
გასული წლის დეკემბერში მასკმა განაცხადა, რომ კომპანია ექვს თვეში შეძლებდა ადამიანში პირველი ტვინის ჩიპის ჩანერგვას. ღონისძიებაზე მასკმა და Neuralink-ის გუნდმა აჩვენეს, როგორ შეიძლება ტვინის ჩიპების გამოყენება მაიმუნებსა და ღორებზე. პრეზენტაციის დროს მასკმა განაცხადა, რომ ჩიპების ერთ-ერთი პირველი რეალური შესაძლებლობა შეიძლება იყოს მხედველობის აღდგენა. თუმცა მილიარდერის საბოლოო მიზანი არის იმგვარი ტვინის ჩიპების შექმნა, რომლებიც ადამიანის ინტელექტს საშუალებას მისცემს, უშუალოდ დაუკავშირდეს და საბოლოოდ შეერწყას ხელოვნურ ინტელექტს.
