სტარტაპებიRSS კატეგორიაკვებაქართული წარმოება

ჯანსაღი საკონდიტრო ნაწარმი Healthy Cake-ისგან: წარმატებული ქართული სტარტაპი და განვითარების შესაძლებლობა

0
გაზიარება

თანამედროვე რეალობაში, სადაც ყველაფერი დისტანციურ რეჟიმზეა გადასული, არც ონლაინ საკონდიტროს არსებობა არ უნდა იყოს გასაკვირი, თუმცა ქართული დესერტების სტარტაპი „Healthy Cake“ მომხმარებელს ყველასგან განსხვავებულ და გემრიელ პროდუქციას სთავაზობს. ბრენდი რამდენიმე თვის წინ, დედაქალაქში ამოქმედდა. დამფუძნებლის, ნათელა გოგსაძის განმარტებით, სტარტაპის განსხვავებულობა გამოიხატება იმაში, რომ მათ მიერ წარმოდგენილი პროდუქცია არ შეიცავს შაქარსა და ხორბლის ფქვილს, რაც მის დაბალკალორიულობას უსვამს ხაზს. გოგსაძე აქვე აღნიშნავს, რომ საკონდიტრო ნაწარმიდან მხოლოდ შაქრის ამოღება არ ნიშნავს, რომ ის ჯანსაღია. მნიშვნელოვანია, თანაბრად იყოს გადანაწილებული ნახშირწყლებისა და ცილების რაოდენობა, რაც მისცემს შესაძლებლობას ჯანსაღი ცხოვრების წესის მიმდევარ ადამიანებს, გახდნენ სტარტაპის მომხმარებლები.

„Healthy Cake“-ის უპირატესობა იმაშიცაა, რომ სტარტაპის პროდუქცია ყველასათვისაა ხელმისაწვდომი, განურჩევლად ადამიანის ფინანსური შესაძლებლობისა. საკონდიტრო ნაწარმის ფასები 4-დან 17 ლარამდე მერყეობს, ასევე, წარმოდგენილია ფიქსირებული ღირებულების მქონე ნამცხვრები და ტორტები, სასურველი დიზაინით გაფორმების შესაძლებლობით. ბრენდის ხელმძღვანელი აღნიშნავს, რომ დაბალი ფასი გამოწვეულია სტარტაპის ონლაინ სივრცეში ფუნქციონირების ფაქტით, შესაბამისად, ისეთი ხარჯები როგორიცაა კომერციული ფართის ქირა, კომუნალური სერვისები, შრომითი ანაზღაურება, ნულოვანია.

ცნობილია კომპანიის სამომავლო გეგმები. თუკი ამჟამად ბრენდი თბილისის მასშტაბით ონლაინ გაყიდვებზეა ორიენტირებული, უახლოეს პერიოდში პროექტის ჩაშვება ბათუმშიცაა დაგეგმილი. ჯანსაღი პროდუქციის შეძენა Facebook და Instagram პლატფორმებითაა შესაძლებელი. გარდა ამისა, ბრენდი აქტიურად აწარმოებს მოლაპარაკებებს სხვადასხვა ფიტნეს ცენტრთან და კვების ობიექტთან, რათა წარმოებული პროდუქცია უფრო პოპულარული და მოხმარებადი გახდეს. იმის გათვალისწინებით, რომ საქართველოში ამ მიმართულებით კონკურენცია დიდად მაღალი არაა, „Healthy Cake“-ს წარმატებისა და ბაზარზე აღიარების მოპოვების შესაძლებლობა აქვს.

მსგავსი სიახლეები

12 მარტის ვალუტის კურსი

საქართველოს ეროვნულმა ბანკმა ლარის კურსი აშშ დოლარის მიმართ 2,6573 GEL/$1 ნიშნულზე დაადგინა. წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0003 ლარით გამყარდა ევრო - 2.9068 ლარი აშშ დოლარი -…

4 მარტის ვალუტის კურსი

საქართველოს ეროვნულმა ბანკმა ლარის კურსი აშშ დოლარის მიმართ 2,6596 GEL/$1 ნიშნულზე დაადგინა. წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0003 ლარით გამყარდა. ევრო - 2.8745 ლარი აშშ დოლარი -…

150 ათასზე მეტ პენსიონერს, ვისაც 2023 წლამდე აქვთ აღებული სესხი, პროცენტი შეუმცირდებათ

პრემიერ-მინისტრთან კონსულტაციითა და ამ პროცესში ეროვნული ბანკის ინტენსიური ჩართულობით, „ლიბერთი ბანკმა" ძალიან მნიშვნელოვანი გადაწყვეტილება მიიღო - 150 ათასზე მეტ პენსიონერს, ვისაც 2023 წლამდე აქვთ აღებული სესხი,…

SGBA Business meeting 2024-ის პარტნიორია, კომპანია – ტეგ ლიფტი

წარმატებული ქართული ბიზნესის ასოციაციის (SGBA) ორგანიზებით 2 თებერვალს Chateau De Vere შატო დე ვერე-ში Business meeting 2024 გაიმართება, რომლის მიზანიც არის: ✔️ასოციაციის წევრ კომპანიებს შორის თანამშრომლობისა და ურთიერთობების…

SGBA Business meeting 2023-ის ოფიციალური მხარდამჭერია რესტორანი – ცირკი

წარმატებული ქართული ბიზნესის ასოციაციის (SGBA) ორგანიზებით 15 დეკემბერს Chateau De Vere შატო დე ვერე-ში Business meeting 2023 გაიმართება, რომლის მიზანიც არის: ✔️ასოციაციის წევრ კომპანიებს შორის თანამშრომლობისა და…

მეტის ჩატვირთვა იტვირთება...პოსტები აღარ მოიძებნა
error: Content is protected !!