ბიზნესიგანათლებამეღვინეობასაზოგადოებატრენინგ ცენტრებიქართული წარმოება

“ქართული ღვინის გილდია” – საგანმანათლებლო – საკონსულტაციო ორგანიზაცია

0
გაზიარება

ქართული ღვინის გილდია“ საქართველოს მევენახეობა-მეღვინეობის დარგში მოქმედი ორგანიზაციაა, რომლის საქმიანობა მეწარმეთა კონსულტაციას, ტრენინგებისა და სახელმწიფოს მიერ აღიარებული, მეღვინოებისა და დეგუსტაციის შემსწავლელი პროფესიული გადამზადების პროგრამების განხორციელებას მოიცავს.

სასწავლო პროგრამები და ტრენინგები განკუთვნილია, ღვინის წარმოების სექტორში, ღვინის ბიზნესში დასაქმებულ და ჩართულ პირთათვის და სტარტაპერებისათვის. სასწავლო და საკონსულტაციო საქმიანობაში ჩართულნი არიან დარგის ცნობადი და ღირსეული წარმომადგენლები, რომელთაც აქვთ როგორც სასწავლო-სამეცნიერო, ისე პრაქტიკული საქმიანობის გამოცდილება.

2018 წლის ნოემბრიდან დღემდე აღნიშნულმა ორგანიზაციამ განახორციელა მეღვინეობა-მევანახეობის მიმართულებით 8 სასწავლო კურსი და 12 მოკლევადიანი ტრენინგი, მათ შორის ბიომეღვინეობის, მევენახეობის, მეღვინეობის რეგულაცია და სერტიფიცირებისა და ღვინის მარკეტინგის შემსწავლელი ტრენინგ-კურსები, ასევე ამ ორგანიზაციის მიერ ჩატარებული დეგუსტაციის, ,,მეღვინეობა I“ და ,,მეღვინეობა II“ სასწავლო კურსები ძირითადად ღვინის ორგანოლეპტიკური შეფასების სწავლებას ემსახურებოდა. დეტალური ინფორმაცია წარმოდგენილია ვებგვერდსა www.studywine.ge და ფეისბუქ გვერდზე. ამ მოკლე პერიოდში მეღვინეობა-მევანახეობის შემსწავლელ კურსებზე მსმენელთა საერთო რაოდენობამ შეადგინა 347ს.

ქართული ღვინის გილდიის” კვალიფიციური გუნდი მეწარმეებს მუდმივად აწვდის ინფორმაციას წარმოების თანამედროვე ტექნოლოგიების, მეცნიერული მიდგომების, ბაზრის მოთხოვნებისა და მსოფლიოს სხვადასხვა ქვეყანაში დაგეგმილი საერთაშორისო კონკურსების შესახებ. ორგანიზაციის საქმიანობა ასევე ითვალისწინებს, ღვინისა და ალკოჰოლური სასმელების მომხმარებელთა ინფორმირებას, გემოვნების განვითარებასა და ხარისხის იდენტიფიკაციისათვის საჭირო ცოდნის გადაცემას.

საკონსულტაციო საქმიანობით მოპოვებული ნდობის საფუძველზე, 2019 წლიდან მიმდინარეობს პროექტი ,,საქართველოს საუკეთესო ღვინოები“. პროექტის ფარგლებში, პროდუქციის ხარისხის მონიტორინგის მიზნით, ტარდება ქართველი მწარმოებლების მიერ წარმოდგენილი ღვინისა და ყურძნისეული წარმოშობის ალკოჰოლური სასმელების ბრმა დეგუსტაციები. ვებგვერდზე www.topgeorgian.wine, განთავსებულია ალკოჰოლური სასმელები, რომლებსაც 100 ქულიანი შეფასების სისტემით, მინიჭებული აქვთ 80 ქულაზე მაღალი შეფასება.

2020 წლის 10 აპრილის პროფესიული მომზადების/პროფესიული გადამზადების პროგრამების განხორციელების უფლების მიმნიჭებელი საბჭოს გადაწყვეტილებებით მიენიჭა პროფესიული გადამზადების პროგრამების „ღვინისა და ყურძნისეული წარმოშობის ალკოჰოლური სასმელების დეგუსტაციია“ და „ღვინის წარმოების ქართული ტრადიციული ტექნოლოგიები“ განხორციელების უფლება.

პროგრამები შემუშავებულია ვაზისა და ღვინის საერთაშორისო ორგანიზაციის მიერ მიღებული დოკუმენტების გათვალისწინებით, საქართველო ამ ორგანიზაციის წევრი ქვეყანაა. პროგრამის შინაარსი, სტრუქტურა, გამოყენებული სწავლების მეთოდები მიზანმიმართულია ისეთი დეგუსტატორებისა და მეღვინე-ტექნოლოგების მოსამზადებლად, რომლებიც კონკურენტუნარიანები იქნებიან როგორ ადგილობრივ, ისე საერთაშორისო შრომის ბაზარზე და შეეძლებათ დასაქმდნენ როგორც სახელმწიფო, ასევე კერძო სექტორში.

აღნიშნულ პროგრამებზე სწავლება გრძელდება 2020 წლის 26 ოქტომბრიდან დღემდე. ქვეყანაში შექმნილი ეპიდვითარებიდან გამომდინარე, „ღვინისა და ყურძნისეული წარმოშბის ალკოჰოლური სასმელების დეგუსტაციია“ განხორციელდა მხოლოდ ოთხჯერ (4 ჯგუფი), ხოლო „ღვინის წარმოების ქართული ტრადიციული ტექნოლოგიები“ ორჯერ (2 ჯგუფი). კურსდამთავრებულთა რაოდენობა შეადგენს 101-ს. სწავლების დაწყებამდე დაფინანსების მოთხოვნის მიზნით წარდგენილი განცხადებების საფუძველზე, ორივე პროგრამის პირველ ჯგუფზე პედაგოგებისა და პროგრამის განმახორციელებელი დამხმარე პერსონალის ხელფასები დაფინანსდა საქართველოს განათლების სამინისტროს მიერ, ხოლო მეორე ჯგუფზე – გაეროს განვითარების პროგრამის (UNDP) მიერ.

უნდა აღინიშნოს, რომ 2021 წელს ორგანიზაცია მონაწილეობდა პროექტში „პროფესიული განათლების სისტემების მოდერნიზაცია საქართველოს სოფლის მეურნეობის სფეროში – სამუშაოზე დაფუძნებული სწავლება“, რომელიც ხორციელდებოდა შვეიცარიის განვითარებისა და თანამშრომლობის სააგენტოს (SDC), გაეროს განვითარების პროგრამის (UNDP), საქართველოს განათლებისა და მეცნიერების სამინისტროს, დარგობრივი უნარების ორგანიზაციის (აგრო დუო) მხარდაჭერით და საქართველოს ფერმერთა ასოციაციის (GFA) კოორდინაციით. პროექტის ფარგლებში მოვიპოვეთ გრანტი ახალი პროფესიული გადამზადების პროგრამის „მევენახეობა“ განხორციელებისთვის.

ამასთანავე, 2022 წლის 28 მაისიდან ქვემო ქართლში სახელმწიფო რწმუნებულის გიორგი დოხტურიშვილის ინიციატივით და ბოლნისის მუნიციპალიტეტის მხარდაჭერით ქართული ღვინის გილდია“, ფერმერთა და მცირე საოჯახო მეურნეობების წარმომადგენელთა მხარდაჭერისა და საქამიანობისათვის საჭირო ცოდნის გაღრმავების მიზნით, ახორციელებს პროექტს „სპეციფიური ცოდნა სოფლის მეურნეობისა და აგრო-მეწარმეობის განვითარებისათვის“. მიმდინარე პროექტის ფარგლებში ტრენინგ-კურსები ჩატარდა გარდაბნისა და ბოლნისის მუნიციპალიტეტებში. ამ ეტაპისთვის კიდევ იგეგმება კურსების გახნორციელება ქვემო ქართლის მასშტაბით.

მსგავსი სიახლეები

მოიპოვე გერმანული უნივერსიტეტის დიპლომი საქართველოში – შტაინბაისის სამაგისტრო პროგრამა ალტერბრიჯში

პროგრამის აღწერა: ალტერბრიჯში იწყება მიღება საერთაშორისო სამაგისტრო პროგრამაზე: “The Master of Arts In General Management”. პროგრამის უმთავრესი მიზანია, სტუდენტებმა (ამ შემთხვევაში თქვენ მიერ შერჩეულმა თანამშრომლებმა)…

MiniBoss ბიზნეს სკოლა თბილისი წარმატებული ქართული ბიზნესის ასოციაციის (SGBA) წევრი კომპანია გახდა

სასიამოვნო სიახლე Tourist card Georgia - ისა და SuccessCard.ge -ს  მომხმარებლებისთვის MiniBoss ბიზნეს სკოლა თბილისი   წარმატებული ქართული ბიზნესის ასოციაციის (SGBA) წევრი კომპანია გახდა, შესაბამისად ბარათის მფლობელებს გაქვთ…

კერძო სკოლა თამარიონი – ბრენდად ქცეული ისტორია და ხარისხი

სკოლა „თამარიონი“ 25 წლის ისტორიის მანძილზე გორში განსხვავებულ საგანმანათლებლო სივრცეს ქმნის, რომელიც სრულად არის თავისუფალი რუტინული, ერთფეროვანი და მოსაბეზრებელი გაკვეთილებისგან. „თამარიონის“ შიდასასკოლო ცხოვრება…

შატო დე ვერე – საოცარი კერძები, განსაკუთრებული ინტერიერი და მრავალფეროვანი სივრცეები ერთ დიდ თავგადასავალს ქმნის

თბილისიდან რამდენიმე წუთში, კოჯრისკენ მიმავალ გზაზე, შინდისში გამორიცხულია თქვენი ყურადღება არ მიიქციოს განსაკუთრებული არქიტექტურის მქონე კომპლექსმა „შატო დე ვერემ“ ყველაფერი მარტივი გენიალურია… სწორედ ამ გამონათქვამს…

თემის მარანი – ტრადიციული ვაზის ჯიშებისგან დამზადებული 3 სახეობის ორგანული, ბიო ღვინოები

1991 წელს ყვარლის მუნიციპალიტეტის სოფ. გრემში დაფუძნდა საქველმოქმედო კავშირი თემი, ხოლო ორგანიზაციის მიზნების მისაღწევად სოციალური საწარმო "თემის მარანი", ვენახი გაშენებულია 6,7 ჰექტარზე, დარგულია ტრადიციული ვაზის…

მეტის ჩატვირთვა იტვირთება...პოსტები აღარ მოიძებნა
error: Content is protected !!