დღის სიახლეებიეკონომიკაზოგადი განათლებასაინტერესო სიახლეებისიახლეებიფინანსები

კომუნიკაციაში თვეში ყველაზე მეტს “მაგთის”, ყველაზე ნაკლებს კი “ბილაინის” აბონენტები ხარჯავენ

0
გაზიარება

საქართველოში მობილურის სულ 5.16 მილიონი აბონენტია, მათ 2022 წლის 4 თვეში მობილურ მომსახურებაში სულ 198 მილიონი ლარი გადაიხადეს. კომუნიკაციების კომისიის თანახმად, წინა წელთან შედარებით ეს თანხა 20%-ით მეტია.

ოპერატორებს შორის როგორც აბონენტების რაოდენობით, ასევე ჯამური შემოსავლებით პირველ ადგილზეა “მაგთი”, რომელმაც აბონენტებისგან 96 მილიონი ლარის შემოსავალი მიიღო. კომპანიას აპრილის მდგომარეობით 2.16 მილიონი აბონენტი ჰყავდა.

კომპანიების შემოსავლები ასე ნაწილდება:

● მაგთი – 2.16 მილიონო აბონენტი, მიღებული შემოსავალი 96.2 მილიონი ლარი, მატება 26%;
● სილქნეტი – 1.71 მილიონი აბონენტი, მიღებული შემოსავალი 68.2 მილიონი ლარი, მატება 17%;
● ვიონი საქართველო – 1.29 მილიონი აბონენტი, მიღებული შემოსავალი 33.5 მილიონი ლარი, მატება 10%.

როგორც ანგარიშიდან ჩანს ყველაზე მეტს მობილურ სერვისში მაგთის აბონენტები ხარჯავენ. კომუნიკაციების კომისიის თანახმად, აბონენტის მიერ თვის განმავლობაში გაწეული ხარჯი ARPU არის ერთ-ერთი მთავარი ინდიკატორი, რომლითაც კომპანიები ფასდებიან. აპრილის მდგომარეობით ის ასე ნაწილდებოდა:

● მაგთი – საშუალოდ ერთი აბონენტისგან მიღებული შემოსავალი 11.74 ლარი;
● სილქნეტი – საშუალოდ ერთი აბონენტისგან მიღებული შემოსავალი 10.94 ლარი;
● ვიონი საქართველო – საშუალოდ ერთი აბონენტისგან მიღებული შემოსავალი 6.82 ლარი.

კომუნიკაციების კომისიის მონაცემებით, მობილური ოპერატორები მნიშვნელოვან ტრანსოფრმაციას გადიან – თუკი წარსულში მათი შემოსავლის მთავარი წყარო ხმოვანი მომსახურება იყო, დღეს ისინი შემოსავლის ყველაზე დიდ ნაწილს მობილური ინტერნეტიდან იღებენ. აპრილში მოხმარებული მობილური ინტერნეტ ტრაფიკი 42%-ით გაზრდილია და 2022 წლის აპრილის თვეში 32 პეტაბაიტი შეადგინა.

სექტორის შემოსავლები აპრილში ასე ნაწილდებოდა:

● მობილური ინტერნეტი – 45%, 23.8 მილიონი ლარი;
● ხმოვანი მომსახურება – 41%, 21.7 მილიონი ლარი;
● სმს – 3%, 1.6 მილიონი ლარი;
● სხვა სერვისები – 11%, 5.8 მილიონი ლარი.

სტატისტიკის თანახმად, საშუალოდ ყველაზე მეტ ინტერნეტს “მაგთის” აბონენტები მოიხმარენ, ყველაზე ნაკლებს კი “ბილაინის”.

უფრო დეტალურად, მაგთის ერთი აბონენტი თვეში 15.1 გიგაბაიტ ინტერნეტს იყენებს, სილქნეტის 8 გიგაბაიტს, ვიონის კი 6 გიგაბაიტს.

მსგავსი სიახლეები

ნომრის ამოცნობა თბილისსა და სხვა რეგიონებში 2,300 კამერას შეუძლია 

შინაგან საქმეთა სამინისტროს სტატისტიკის თანახმად, ქვეყნის მასშტაბით, სულ 7,379 ვიდეომეთვალყურეობის კამერა არის განთავსებული, საიდანაც 5,079 კამერა არის ზოგადი ხედვის, ხოლო მათ შორის ნომრის ამოცნობის შესაძლებლობა 2,300 კამერას…

საქართველოში ბიზნესის 67% კვალიფიციური კადრების დეფიციტს განიცდის

2024 წლის პირველ კვარტალში, სპეციალისტების ნაკლებობის პრობლემა ასოციაციის წევრი კომპანიების მიერ ყველაზე მნიშვნელოვან გამოწვევად სახელდება - გამოკითხული ბიზნესის 67% სწორედ კვალიფიციური კადრების დეფიციტზე საუბრობს -…

19 სამოტივაციო ფრაზა – ცნობილი ადა­მი­ა­ნე­ბის წარ­მა­ტე­ბის გა­სა­ღე­ბი

1.მო­მა­ვა­ლი მი­სია, ვინც რის­კავს და არა მისი, ვინც უსაფრ­თხო­ე­ბა­სა და გა­რან­ტი­ებს ეძებს - ბრა­ი­ან თრე­ი­სი, სპი­კე­რი, ბიზ­ნეს­ლი­ტე­რა­ტუ­რის ავ­ტო­რი  2. წინსვლის სა­ი­დუმ­ლო და­წყე­ბა­შია - მარკ ტვე­ნი,…

OneRepublic-ის კონცერტის ბილეთების ფასი 145 ლარიდან 550 ლარამდე მერყეობს

Black Sea Arena-ს ცნობით, OneRepublic-ის კონცერტზე დასასწრები ბილეთების ყიდვა ვებ-გვერდზე TKT.ge და BSA.ge უკვე ხელმისაწვდომია. მათი ფასი კი, 145 ლარიდან 550 ლარამდე მერყეობს, თუმცა Starring Georgia -ს, TBC-სა და VISA-ს…

საქართველოს ეკონომიკა 7,7%-ით გაიზარდა

საქსტატის მიერ გავრცელებული ინფორმაციის თანახმად, წინასწარი შეფასებით, 2024 წლის თებერვალში, წინა წლის შესაბამის პერიოდთან შედარებით, რეალური მთლიანი შიდა პროდუქტის (მშპ) ზრდამ 9.5% შეადგინა, ხოლო იანვარი-თებერვლის საშუალო…

მეტის ჩატვირთვა იტვირთება...პოსტები აღარ მოიძებნა
error: Content is protected !!