საზოგადოებაRSS კატეგორიავაჭრობის სფეროსხვა

მომხმარებლის უფლებების დაცვის შესახებ კანონი ძალაში შევიდა

0
გაზიარება

დღეიდან, „მომხმარებლის უფლებების დაცვის შესახებ“ კანონი ძალაში შევიდა, თუმცა კანონის აღსრულების ნაწილში კონკურენციის სააგენტო 1 ნოემბრიდან ჩაერთვება. კერძოდ, ფიზიკური პირის განაცხადის განხილვას სააგენტო ნოემბრიდან დაიწყებს.

„დღეიდან, კონკურენციის ეროვნულ სააგენტოში შესაბამისი დეპარტამენტის ფორმირება იწყება. საქმის შესწავლის წესისა და პროცედურის თაობაზე კანონქვემდებარე აქტი შემუშავდება. ასევე, საერთაშორისო პრაქტიკის გაცნობისა და დანერგვის მიზნით, თანამშრომელთა გადამზადებაც იგეგმება. უკვე სექტემბრიდან კი, კანონით განსაზღვრული ძირითადი უფლებების და სხვადასხვა საოპერაციო საკითხების განსახილველად, ბიზნეს სექტორთან და მომხმარებელთან აქტიური შეხვედრები დაიწყება“, – განაცხადა სააგენტოს ხელმძღვანელმა ირაკლი ლექვინაძემ.

კანონი მომხმარებელსა და საქონლის მიმწოდებელს შორის ურთიერთობას არეგულირებს.

მაგალითად, მყიდველს შესაძლებლობა ექნება, ონლაინ შეძენილი ნივთები 2 კვირის ვადაში ყოველგვარი არგუმენტაციის გარეშე უკან დააბრუნოს. მოვაჭრე ვალდებულია, სრულად დაუბრუნოს მომხმარებელს გადახდილი თანხა გარდა მიწოდების ხარჯებისა. რეგულაციამ მომხმარებელი შეცდომაში შემყვანი რეკლამისგანაც უნდა დაიცვას, ამიტომ ბიზნესსუბიექტებს ევალებათ, მყიდველს ამა თუ იმ პროდუქტსა და მის ფასზე ზუსტი ინფორმაცია მიაწოდონ.

ბიზნესსუბიექტი ასევე ვალდებული იქნება, პროდუქტზე მიუთითოს მის შესახებ ინფორმაცია: დასახელება, იურიდიული და ფაქტობრივი მისამართი, აქვს თუ არა ნივთს გარანტია, მითითებული ფასი მხოლოდ პროდუქტისაა თუ მასში მოიაზრება მონტაჟი ან გადაზიდვა და ა.შ.

კანონის თანახმადვე, მოვაჭრე ვალდებულია, მომხმარებელს მიაწოდოს საქონელი დაყოვნების გარეშე, მაგრამ ხელშეკრულების დადებიდან არაუგვიანეს 30 კალენდარული დღისა თუ ხელშეკრულებით სხვა რამ არ არის გათვალისწინებული.

თუ კომპანიამ დადგენილ ვადაში არ შეასრულა ნაკისრი ვალდებულება, მომხმარებელმა მოვაჭრეს უნდა განუსაზღვროს გონივრული დამატებითი ვადა ვალდებულების შესასრულებლად. დამატებითი ვადის გასვლის შემდეგ ვალდებულების შეუსრულებლობის შემთხვევაში, მომხმარებელს უფლება აქვს, უარი თქვას ხელშეკრულებაზე და მოითხოვოს ზიანის ანაზღაურება სამოქალაქო კანონმდებლობით დადგენილი წესით.

ვაჭრობისას თუ მომხმარებელმა საქონლის ნაკლი მის მფლობელობაში აღმოაჩინა, მაშინ ამ ნაკლის შესახებ მტკიცების ტვირთი ან დადასტურებას მას ეკისრება. კანონით ამისთვის 6 თვეა განსაზღვრული. 

დარღვევის აღმოჩენის შემთხვევაში, ბიზნესსუბიექტებს ჯერ გააფრთხილებენ, შემდეგი ნაბიჯი კი ჯარიმაა, რომლის ოდენობა არ უნდა აღემატებოდეს კომპანიის წინა ფინანსური წლის ბრუნვის 2%-ს. თუ დაჯარიმებული მოვაჭრის დაფუძნების თარიღიდან გამომდინარე, წინა ფინანსური წლის განმავლობაში მისი წლიური ბრუნვის დაანგარიშება შეუძლებელია, ამ შემთხვევაში, ჯარიმის ოდენობა კომპანიის დაფუძნებიდან მის დაჯარიმებამდე გასული პერიოდის მიხედვით გამოანგარიშებული ბრუნვიდან განისაზღვრება. აღსანიშნავია, რომ ჯარიმის ოდენობის განსაზღვრისას გათვალისწინებული უნდა იყოს დარღვევის სიმძიმე. 

ამ კანონით გათვალისწინებული პირობების დარღვევის შემთხვევაში, მომხმარებელს უფლება აქვს, კონკურენციის ეროვნულ სააგენტოს მიმართოს ამის შემდეგ სააგენტო შეისწავლის მომხმარებლის ამ კანონით დადგენილი უფლების შესაძლო დარღვევის ფაქტს. საქმის შესწავლის მიზნით, სააგენტო განმცხადებლისგან ან/და მოვაჭრისგან გამოითხოვს ინფორმაციას (მათ შორის, კონფიდენციალურ ინფორმაციას). თუ კომპანიამ შესაბამისი ინფორმაცია არ გადასცა სააგენტოს, მას შეუძლია სასამართლოს მიმართოს.

მსგავსი სიახლეები

ყოველთვის ინოვაციების ეპიცენტრში – ესთეტიკური მედიცინის ევროპული ცენტრის დელეგაცია Dubai Derma-ს საერთაშორისო კონფერენციას დაესწრო

#EUAESTHETIC-ის დელეგაცია სამუშაო ვიზიტით დუბაიში იმყოფებოდა, სადაც ესთეტიკურ მედიცინაში-კანის მოვლის მსოფლიოს საუკეთესო სპეციალისტებთან და ინდუსტრიის ლიდერებთან ერთად, გლობალურ- დერმატოლოგიურ ლანდშაფტში მნიშვნელოვანი…

12 მარტის ვალუტის კურსი

საქართველოს ეროვნულმა ბანკმა ლარის კურსი აშშ დოლარის მიმართ 2,6573 GEL/$1 ნიშნულზე დაადგინა. წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0003 ლარით გამყარდა ევრო - 2.9068 ლარი აშშ დოლარი -…

4 მარტის ვალუტის კურსი

საქართველოს ეროვნულმა ბანკმა ლარის კურსი აშშ დოლარის მიმართ 2,6596 GEL/$1 ნიშნულზე დაადგინა. წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0003 ლარით გამყარდა. ევრო - 2.8745 ლარი აშშ დოლარი -…

150 ათასზე მეტ პენსიონერს, ვისაც 2023 წლამდე აქვთ აღებული სესხი, პროცენტი შეუმცირდებათ

პრემიერ-მინისტრთან კონსულტაციითა და ამ პროცესში ეროვნული ბანკის ინტენსიური ჩართულობით, „ლიბერთი ბანკმა" ძალიან მნიშვნელოვანი გადაწყვეტილება მიიღო - 150 ათასზე მეტ პენსიონერს, ვისაც 2023 წლამდე აქვთ აღებული სესხი,…

SGBA Business meeting 2024-ის პარტნიორია, კომპანია – ტეგ ლიფტი

წარმატებული ქართული ბიზნესის ასოციაციის (SGBA) ორგანიზებით 2 თებერვალს Chateau De Vere შატო დე ვერე-ში Business meeting 2024 გაიმართება, რომლის მიზანიც არის: ✔️ასოციაციის წევრ კომპანიებს შორის თანამშრომლობისა და ურთიერთობების…

მეტის ჩატვირთვა იტვირთება...პოსტები აღარ მოიძებნა
error: Content is protected !!