Sky News-ის მიერ გავრცელებული ინფორმაციით, NASA-ს ორი ასტრონავტი, ბარი “ბუჩ” ვილმორი და სუნიტა “სუნი” უილიამსი, Boeing-ის კოსმოსური ხომალდის, Starliner-ის ტექნიკური პრობლემების გამო კოსმოსში გაიჭედნენ
ასტრონავტები დედამიწიდან 5 ივნისს გაფრინდნენ, მათი მისია საერთაშორისო კოსმოსურ სადგურზე (ISS) 8 დღიანი უნდა ყოფილიყო თუმცა, კოსმოსური ხომალდის გაუმართაობამ, მათი დაბრუნება განუსაზღვრელი ვადით გადადო.
Starliner-მა ჰელიუმის გაჟონვის ხუთი, მანევრირების რამდენიმე და საწვავის სარქველის დახურვის ერთი პრობლემური შემთხვევა დააფიქსირა. ამ საკითხებმა ასტრონავტების დაბრუნების თარიღი არაერთხელ გადადო, ამ ეტაპისთვის კი NASA-ს მიერ, დაბრუნების თარიღად 6 ივლისია მოხსენიებული. უპირველესი საზრუნავი Starliner-ის მამოძრავებელი სისტემის გამართულობის უზრუნველყოფაა, რომელიც ISS-დან უსაფრთხოდ დაბრუნებისა და დედამიწის ატმოსფეროში ხელახლა შესვლისთვის პროცესში გადამწყვეტ როლს თამაშობს.
მიუხედავად ამ პრობლემებისა, უილმორი და უილიამსი ISS-ის ბორტზე ჩვეულ რეჟიმში აგრძელებდნენ საქმიანობას, ასრულებდნენ ტექნიკურ დავალებებსა და ამოწმებდნენ Starliner-ის სისტემას. მიუხედავად იმისა, რომ Starliner-ს აქვს შესაძლებლობა 45 დღემდე იყოს ასეთ მდგომარეობაში, NASA-მ საგანგებო გეგმა შეიმუშავა, რომელიც SpaceX-ის Crew Dragon-ს გამოყენებას გულისხმობს( რომელიც ამჟამად ISS-ზეა განლაგებული), რომელსაც საგანგებო სიტუაციის შემთხვევაში შეუძლია ასტრონავტების დაბრუნება უზრუნველყოს. თუმცა ეს მისიის წარმატებულობისა თუ წარუმატებლობის გარშემო კიდევ უფრო ბევრ კითხვის ნიშანს აჩენს. 8 დღიანი მისია Starliner-ის ისეთი სახით ჩამოყალიბებას ისახავდა მიზნად, როგორც SpaceX-ის Crew Dragon-ის საიმედო ალტერნატივა(ასტრონავტების გადასაყვანად), თუმცა Boeing-ის პროგრამა საწყის ეტაპზევე მნიშვნელოვანი გამოწვევების წინაშე დადგა.
