საინტერესო სიახლეებიდღის სიახლეებიზოგადი განათლებასიახლეებიფინანსები

რატომ იაფდება კრიპტოვალუტები?

0
გაზიარება

კომპანია Ambry-ში, რომელიც კრიპტოვალუტების მიმართულებით მუშაობს, ამბობენ, რომ ვირტუალური ფულის გაუფასურებას ეკონომიკური ფაქტორები, მაღალი ინფლაცია და რუსეთ-უკრაინის კონფლიქტი განაპირობებს.

“თავის დროზე კრიპტოვალუტების ფასების ზრდა განაპირობა ისეთი კომპანიების მხარდაჭერამ, როგორებიცაა Mastercard, Visa, რომლებმაც ერთგვარი მხარდაჭერა გამოუცხადეს კრიპტოსამყაროს – დაიწყო კრიპტოვალუტებში გადახდების მიღება და ა.შ. ამ ყველაფერმა შექმნა ის ეკოსისტემა, რომელმაც იმუშავა ბიტკოინის სასარგებლოდ”,- ამბობს Ambry-ს დამფუძნებელი ლუკა ლომსაძე.

მისი თქმით, 2021 წელს კრიპტოვალუტების ფასმა პიკს მიაღწია, რასაც შემდეგ მოჰყვა მორიგი ლოქდაუნები კორონავირუსის ომიკრონის შტამის გამო, შემდეგ კი რუსეთ-უკრაინის კონფლიქტი.

“კრიპტოვალუტების ფასის შემცირების მთავარ მიზეზად შეიძლება სწორედ ამ კონფლიქტის გამო გამოწვეული კრიზისი დავასახელოთ: შექმნილი არასტაბილური გარემო, მათ შორის ფინანსურ სექტორში”- აცხადებს ლუკა ლომსაძე.

კრიპტობირჟა GEX-ის დამფუძნებელი სოსო ბოლქვაძე კრიპტოვალუტების ფასების შემცირებას აშშ-ის ფედერალური სისტემის გადაწყვეტილებებს უკავშირებს, რომელმაც პანდემიურ გარემოში ბაზარზე ფულის მიწოდება გაზარდა, ბოლო თვეებში დაფიქსირებული მაღალი ინფლაციის გამო კი მონეტარული პოლიტიკის გამკაცრების გზას ადგას.

“2020 წლიდან პანდემიის გამო შექმნილი კრიზისის დასაძლევად ფედერალურმა სარეზერვო სისტემამ გაზარდა ფულის მიწოდება ბაზრისთვის, რამაც გამოიწვია როგორც მაღალტექნოლოგიური კომპანიების აქციების ფასის რეკორდულად ზრდა, ასევე ისეთი ინდექსების ზრდა, როგორებიცაა S&P 500 და Nasdaq – მათ ყველა დროის საუკეთესო შედეგები დააფიქსირეს.

ეს ყველაფერი შეიცვალა 2022 წლისთვის, ფედერალურმა სარეზერვო სისტემამ ჩათვალა, რომ პანდემიით გამოწვეული კრიზისი დაძლეულია და ფულის მიწოდების შემცირების გზით უნდათ ინფლაციის დონის დაწევაც.

ფულადი სახსრების დეფიციტი კი პირველ რიგში იწვევს მაღალრისკიანი, მაღალტექნოლოგიური კომპანიების აქციებისა და კრიპტოვალუტის ფასების შემცირებას. ეს გრძელვადიანი ტრენდი ახლაც გრძელდება”,- აცხადებს სოსო ბოლქვაძე. მისივე თქმით, ბოლო პერიოდში მკვეთრად არის შემცირებული ისეთი მაღალტექნოლოგიური კომპანიების აქციების ღირებულება, როგორებიცაა Tesla, Google და ა.შ. შესაბამისად, ამას გადადინების ეფექტი აქვს კრიპტოვალუტებზეც.

რაც შეეხება მომავალს, პროგნოზების გაკეთება კრიპტოვალუტების სპეციალისტებს უჭირთ, თუმცა ლუკა ლომსაძე ამბობს, რომ 2024 წლიდან დაგეგმილია ბიტკოინის მაინინგის შეზღუდვა. მისი განცხადებით, შესაძლებელი იმის ნახევარის გამომუშავება, რაც ახლა იწარმოება, შედეგად მისი ფასი უნდა გაიზარდოს.

მსგავსი სიახლეები

ნომრის ამოცნობა თბილისსა და სხვა რეგიონებში 2,300 კამერას შეუძლია 

შინაგან საქმეთა სამინისტროს სტატისტიკის თანახმად, ქვეყნის მასშტაბით, სულ 7,379 ვიდეომეთვალყურეობის კამერა არის განთავსებული, საიდანაც 5,079 კამერა არის ზოგადი ხედვის, ხოლო მათ შორის ნომრის ამოცნობის შესაძლებლობა 2,300 კამერას…

საქართველოში ბიზნესის 67% კვალიფიციური კადრების დეფიციტს განიცდის

2024 წლის პირველ კვარტალში, სპეციალისტების ნაკლებობის პრობლემა ასოციაციის წევრი კომპანიების მიერ ყველაზე მნიშვნელოვან გამოწვევად სახელდება - გამოკითხული ბიზნესის 67% სწორედ კვალიფიციური კადრების დეფიციტზე საუბრობს -…

19 სამოტივაციო ფრაზა – ცნობილი ადა­მი­ა­ნე­ბის წარ­მა­ტე­ბის გა­სა­ღე­ბი

1.მო­მა­ვა­ლი მი­სია, ვინც რის­კავს და არა მისი, ვინც უსაფრ­თხო­ე­ბა­სა და გა­რან­ტი­ებს ეძებს - ბრა­ი­ან თრე­ი­სი, სპი­კე­რი, ბიზ­ნეს­ლი­ტე­რა­ტუ­რის ავ­ტო­რი  2. წინსვლის სა­ი­დუმ­ლო და­წყე­ბა­შია - მარკ ტვე­ნი,…

OneRepublic-ის კონცერტის ბილეთების ფასი 145 ლარიდან 550 ლარამდე მერყეობს

Black Sea Arena-ს ცნობით, OneRepublic-ის კონცერტზე დასასწრები ბილეთების ყიდვა ვებ-გვერდზე TKT.ge და BSA.ge უკვე ხელმისაწვდომია. მათი ფასი კი, 145 ლარიდან 550 ლარამდე მერყეობს, თუმცა Starring Georgia -ს, TBC-სა და VISA-ს…

საქართველოს ეკონომიკა 7,7%-ით გაიზარდა

საქსტატის მიერ გავრცელებული ინფორმაციის თანახმად, წინასწარი შეფასებით, 2024 წლის თებერვალში, წინა წლის შესაბამის პერიოდთან შედარებით, რეალური მთლიანი შიდა პროდუქტის (მშპ) ზრდამ 9.5% შეადგინა, ხოლო იანვარი-თებერვლის საშუალო…

მეტის ჩატვირთვა იტვირთება...პოსტები აღარ მოიძებნა
error: Content is protected !!