დღის სიახლეებიRSS კატეგორიაფინანსები

რუსული ნავთობისთვის ევროკავშირის ემბარგოს მოლოდინის პარალელურად, საერთაშორისო ბირჟებზე ნავთობის ფასები იზრდება

0
გაზიარება

ევროკომისიის მიერ წარდგენილ ინიციატივას რუსული ნავთობის იმპორტისა და შესყიდვის სრულად აკრძალვის შესახებ საერთაშორისო ბირჟაზე ნავთობის ფასების მკვეთრი ზრდა მოჰყვა. ბოლო 24 საათში, ბარელი WTI Crude-ის ღირებულება თითქმის 6%-ით, 108.5 დოლარამდე გაიზარდა; Brent-ის ფასმა კი 111 დოლარამდე მოიმატა.

კომისიის პრეზიდენტის ურსულა ფონ დერ ლაიენის განცხადებით, იმპორტის სრულად აკრძალვა არ იქნება მარტივი, რადგან ევროკავშირის ზოგიერთი წევრი სახელმწიფო მნიშვნელოვნადაა დამოკიდებული რუსულ ნავთობზე, თუმცა ამ მიმართულებით ნაბიჯები მაინც აუცილებლად უნდა გადაიდგას.

აღსანიშნავია, რომ სანქციების რიგით მეექვსე პაკეტის დამტკიცებას წევრი სახელმწიფოების მიერ ერთსულოვანი თანხმობა სჭირდება, თუმცა უნგრეთისა და სლოვაკეთის მთავრობების წარმომადგენლები აცხადებენ, რომ ისინი მხარს არ უჭერენ იმპორტის მყისიერ აკრძალვას, რადგან მათი ენერგოსისტემა პრაქტიკულად სრულადაა დამოკიდებული რუსეთზე.

ექსპერტების შეფასებით, სანქციების მეექვსე პაკეტის დამტკიცებისა და რუსული ნავთობის იმპორტის აკრძალვის შემთხვევაში, ევროკავშირი პოტენციურად მწვავე ენერგეტიკული დეფიციტის წინაშე აღმოჩნდება, რაც საერთაშორისო ბაზარზე ნავთობის ფასების ზრდას გამოიწვევს.

ცნობისათვის, რუსეთის ფედერაცია ნედლი ნავთობის ერთ-ერთი უმსხვილესი ექსპორტიორია, მისი ბაზრიდან გამოთიშვა კი მიწოდების ალტერნატიულ წყაროებზე მოთხოვნის მკვეთრ ზრდას გამოიწვევს. ნავთობის მიწოდების საკითხში ყველაზე დიდი მნიშვნელობა OPEC-ის გადაწყვეტილებას ენიჭება, რომელიც უახლოეს მომავალში ნედლი ნავთობის მიწოდების დაგეგმილზე მეტად გაზრდას არ აპირებს, რაც კიდევ უფრო მეტად ამწვავებს ფასებზე ზეწოლას.

უახლოეს მომავალში ბაზრის დამბალანსებელ ფაქტორად ექსპერტები ჩინეთს მიიჩნევენ, სადაც COVID-19-ის გავრცელება და ე.წ. ლოკდაუნების დაწესება საგრძნობლად ამცირებს მობილობას და, შესაბამისად, მოთხოვნას საწვავზე. ამასთანავე, საშუალოვადიან პერსპექტივაში, ჩინეთში ინფიცირების შემთხვევების კლება და ეკონომიკური აქტივობის აღდგენა, სავარაუდოდ, კიდევ უფრო მეტად გააძლიერებს ენერგეტიკულ ბაზარზე არსებულ აღმასვლის ტენდენციას.

საერთაშორისო ბაზარზე ნავთობის ფასის ზრდას, ბუნებრივია, გავლენა ექნება ქართულ ბაზარზეც, სადაც ბენზინის ტიპის საწვავის ფასი ისედაც 4 ლარიან ნიშნულამდეა, ხოლო დიზელის – 4 ლარიანს გადასცდა.

მსგავსი სიახლეები

ნომრის ამოცნობა თბილისსა და სხვა რეგიონებში 2,300 კამერას შეუძლია 

შინაგან საქმეთა სამინისტროს სტატისტიკის თანახმად, ქვეყნის მასშტაბით, სულ 7,379 ვიდეომეთვალყურეობის კამერა არის განთავსებული, საიდანაც 5,079 კამერა არის ზოგადი ხედვის, ხოლო მათ შორის ნომრის ამოცნობის შესაძლებლობა 2,300 კამერას…

საქართველოში ბიზნესის 67% კვალიფიციური კადრების დეფიციტს განიცდის

2024 წლის პირველ კვარტალში, სპეციალისტების ნაკლებობის პრობლემა ასოციაციის წევრი კომპანიების მიერ ყველაზე მნიშვნელოვან გამოწვევად სახელდება - გამოკითხული ბიზნესის 67% სწორედ კვალიფიციური კადრების დეფიციტზე საუბრობს -…

19 სამოტივაციო ფრაზა – ცნობილი ადა­მი­ა­ნე­ბის წარ­მა­ტე­ბის გა­სა­ღე­ბი

1.მო­მა­ვა­ლი მი­სია, ვინც რის­კავს და არა მისი, ვინც უსაფრ­თხო­ე­ბა­სა და გა­რან­ტი­ებს ეძებს - ბრა­ი­ან თრე­ი­სი, სპი­კე­რი, ბიზ­ნეს­ლი­ტე­რა­ტუ­რის ავ­ტო­რი  2. წინსვლის სა­ი­დუმ­ლო და­წყე­ბა­შია - მარკ ტვე­ნი,…

OneRepublic-ის კონცერტის ბილეთების ფასი 145 ლარიდან 550 ლარამდე მერყეობს

Black Sea Arena-ს ცნობით, OneRepublic-ის კონცერტზე დასასწრები ბილეთების ყიდვა ვებ-გვერდზე TKT.ge და BSA.ge უკვე ხელმისაწვდომია. მათი ფასი კი, 145 ლარიდან 550 ლარამდე მერყეობს, თუმცა Starring Georgia -ს, TBC-სა და VISA-ს…

საქართველოს ეკონომიკა 7,7%-ით გაიზარდა

საქსტატის მიერ გავრცელებული ინფორმაციის თანახმად, წინასწარი შეფასებით, 2024 წლის თებერვალში, წინა წლის შესაბამის პერიოდთან შედარებით, რეალური მთლიანი შიდა პროდუქტის (მშპ) ზრდამ 9.5% შეადგინა, ხოლო იანვარი-თებერვლის საშუალო…

მეტის ჩატვირთვა იტვირთება...პოსტები აღარ მოიძებნა
error: Content is protected !!