სამკერვალო საწარმო „ლიდერი“, რომელიც შიდა ქართლში მცხოვრებ სოციალური საჭიროების მქონე ქალების გაძლიერებას, მათთვის ახალი პროფესიების შესწავლასა და ტექსტილის ნარჩენის შემცირებას აქტიურად ახორციელებს, სოციალური მეწარმეობის ფორუმის ფინალისტია. „ ლიდერისთვის“ ფინალისტობა მათი 
საქმიანობის აღიარებაა, რადგან მათი დახმარებით 316 ქალს ახალი პროფესია აქვს და 2022 წელს 10 ტონა ტექსტილის ნარჩენი იქნა გადამუშავებული მათ მიერ
„ჩვენი სოციალური საწარმო გორში მდებარეობს და ორ სოციალურ მიზანს ემსახურება : 1.შიდა ქართლში მაცხოვრებელი სოციალური საჭიროების მქონე ქალების გაძლიერება; 2. ტექსტილის ნარჩენის შემცირება. ორივე მიმართულებით გვაქვს მნიშვნელოვანი რაოდენობრივი ზრდა. 316 ქალი არის ჩვენს მიერ გადამზადებული, რომლებმაც შეიძინეს ახალი პროფესია და 186 მათგანისთვის ერთადერთი შემოსავლის წყარო, სწორედ ჩვენს მიერ მიცემული პროფესიაა. რაც შეეხება მეორე მიზანს 2022 წელს გადავამუშავეთ 10 ტონა ტექსტილის ნარჩენი, რაც ძალიან დიდი რიცხვია და რაც დაგეგმილზე 2-ჯერ მეტია. ჩვენ ტექსტილის ნარჩენი ვაქციეთ ახალ პროდუქტად და მოვახდინეთ მისი რეალიზაცია სხვადასხვა ფორმით.ეს შედეგები არის ჩვენი საქმიანობის აღიარება და იმის ნიშანი, რომ რასაც ჩვენ ვაკეთებთ, ვაკეთებთ სწორად. რამდენიმე წელი დაგვჭირდა იმისთვის, რომ დავრწმუნებულიყავით და დაგვენახა, რომ ე.წ. ნარჩენის სახით ვკარგავდით მნიშვნელოვან რესურს. ამის
დანახვაში დაგვეხმარა გარემოს დაცვითი ორგანიზაცია „CENN“, რომლის მხარდაჭერითაც ბევრი კონსულტაცია გავიარეთ, რომ აქამდე მოვსულიყავით.საქართველოში ტექსტილის ინდუსტრიისთვის არც ერთი ნედლეული არ იწარმოება და სულ არის იმპორტირებული. ჩვენ ვახდენთ ქსოვილის ნარჩენი დაქუცმაცებას, ერთგვაროვან მასად ქცევას და შემდგომში ამის გამოყენებას. ეს არის ძალიან მინიმალური იმისათვის, რომ რაღაცა ნედლეულის წარმოებაზე ვისაუბროთ, მაგრამ ამ სახით მიღებულ პროდუქტსაც კი ვიყენებთ და ნამდვილად მნიშვნელოვან დოვლათს ქმნის. ერთის მხრივ ნარჩენის დაზოგვა, ხელახლად გამოყენება და ნედლეულის რეალიზაციიდან შემოსული თანხა. ჩვენ 35 სამკერვალო საწარმო გვაქვს კონტრაქტი, საიდანაც ხშირად ვიღებთ ქსოვილის ნარჩენს. ჩვენს მიერ გადამუშავებული 10 ტონა ნარჩენი, სწორედ ამ 35 საწარმოდან არის მიღებული“ – ნინო გიორგაძე- სოციალური საწარმო „ლიდერის“ დამფუძნებელი
სამკერვალო საწარმო “ლიდერი”ს გუნდის მიზანია მაქსიმალურად მარტივი, კომფორტული და სწრაფი სამკერვალო სერვისი შესთავაზოს მომხმარებლებს.გუნდი მუშაობს ნებისმიერი სირთულისა და მასშტაბის პროექტზე, რომელიც მოიცავს: კონსულტაციის, აზომვის, დაგეგმვის, კერვის, ქსოვილების შერჩევისა და დიზაინის საფეხურებს.”ლიდერის” მიზანია მაქსიმალურად მარტივი, კომფორტული და სწრაფი სამკერვალო სერვისი შესთავაზოს მომხმარებლებს.
მისამართი : გორი, სუხიშვილის ქუჩა 1
