საქართველო ამერიკის ღვინის ეკონომისტთა ასოციაციის (American Association of Wine Economists-AAWE) 2022 წლის რეიტინგში ბოთლის ღვინის მთავარ ექსპორტიორ 50 უმსხვილეს ქვეყნებს შორის მე-15 ადგილს იკავებს. ინფორმაცია რეიტინგთან დაკავშირებით ასოციაციის facebook-გვერდზე ქვეყნდება.
ასოციაციის მონაცემებით, 2022 წელს საქართველოს ღვინის ექსპორტმა 248,16 მლნ დოლარი შეადგინა, ხოლო ქვეყნიდან 99,76 მლნ ლიტრი ღვინო გავიდა. ლიტრი ღვინის საექსპორტო ფასი 2,49 დოლარს შეადგენდა.
AAWE-ის რეიტინგში საქართველო 2019 წელს ღვინის ექსპორტიორ ქვეყნებს შორის მე-16, 2018 წლის ბოლოსთვის მე-17, ხოლო 2017 წელს მე-19 ადგილზე იყო.
ბოთლის ღვინის 2022 წლის მთავარი ექსპორტიორი ქვეყნების ტოპ 10-ეულია:
- საფრანგეთი – ექსპორტის ღირებულება 7,708 მლრდ დოლარი; ექსპორტირებულ იქნა 1,029 მლრდ ლიტრი; ერთი ლიტრის ფასი 7,49 დოლარი.
- იტალია – 5,529 მლრდ დოლარი; 1,235 მლრდ ლიტრი; 4,48 დოლარი
- ესპანეთი – 1,971 მლრდ დოლარი; 712 მლნ ლიტრი; 2,77 დოლარი
- ჩილე – 1,560 მლრდ დოლარი; 485 მლნ ლიტრი; 3,21 დოლარი
- აშშ – 1,227 მლრდ დოლარი; 146 მლნ ლიტრი; 8,43 დოლარი
- ავსტრალია – 1,045 მლრდ დოლარი; 224 მლნ ლიტრი; 4,67 დოლარი
- ახალი ზელანდია – 1,036 მლრდ დოლარი; 169 მლნ ლიტრი; 6,12 დოლარი
- პორტუგალია – 887 მლნ დოლარი; 250 მლნ ლიტრი; 3,55 დოლარი
- გერმანია – 884 მლნ დოლარი; 259 მლნ ლიტრი; 3,42 დოლარი
- არგენტინა – 737 მლნ დოლარი; 191 მლნ ლიტრი; 3,85 დოლარი
