დღის სიახლეებისიახლეები

საქართველოს რეგიონებში ტურისტულ ობიექტებზე მოთხოვნა გაიზარდა

0
გაზიარება

“საქმიან დილასთან” საუბრისას სექტორის წამორმადგენლებმა აღნიშნეს, რომ ზრდის ტენდენცია პანდემიური ფონის შესუსტებამ და ტურისტების მატებამ გამოიწვია. ტურიზმის გამოცოცხლების მაგალითია “კასს ლენდ დაიმონდ რეზორტი”, ცნობილ წალკის კანიონზე.

“კასს ლენდ დაიმონდ რეზორტის” საზოგადოებასთან ურთიერთობის მენეჯერი ეთი ბეკურაშვილი აღნიშნავს, რომ 240 მეტრი სიგრძის მინის ხიდი როგორც უცხოელი, ასევე ადგილობრივი ტურისტების ინტერესის საგანია, რაც მათ რაოდენობას ზრდის.

“გასულ წელს 100 000 ვიზიტორზე მეტს ვუმასპინძლეთ და წელს უკეთესი მოლოდინი გვაქვს. ზუსტ რიცხვებზე საუბარს მოგვიანებით შევძლებთ, თუმცა მანამ გეყვით, რომ უცხოელი ტურისტების ჩამონათვალი წინასწარი მონაცემებით, საკმაოდ მრავალფეროვანია. ურთიერთობა სხვადასხვა ტურისტულ კომპანიებთან გვაქვს. წელს აქტიურობას ისეთი ქვეყნებიდან ველოდებით, როგორიცაა, ინდოეთი, ჩინეთი, ტაილანდი, ისრაელი და რაღა თქმა უნდა, საქართველოს მოქალაქეები. ამ ეტაპზე ფასები ქართველებისთვის 19 ლარიდან 29 ლარამდე მერყეობს, ხოლო უცხო ქვეყნის მოქალაქეებისთვის 34-დან 49 ლარამდე”, – აღნიშნა ეთი ბეკურაშვილმა.

ტურისტების გააქტიურებას პანდემიის დასრულებას უკავშირებს “ახალციხის ციხის” (რაბათი) დირექტორი ზაზა თამარაშვილი, მისი თქმით, გასული წლის ოთხ თვესთან შედარებით წელს ტურისტების რაოდენობა 33%-ით გაეზარდათ.

“თუ ტურისტულ სივრცეს გასულ წელს 91 000 ვიზიტორი ესტუმრა, წელს ეს მაჩვენებელი მინიმალური გათვლებით 100 000-იან ნიშნულს გადააჭარბებს. ახალციხის ციხის კომპლექსში შესვლა უცხოეთის მოქალაქეებისთვის 18 ლარი ღირს, ხოლო საქართველოს მოქალაქეებისთვის 7ლარი”, – განაცხადა თამარაშვილმა.

დაცული ტერიტორიების სააგენტოს ცნობით, 2023 წლის 4 თვეში, საქართველოს 4 დაცულ ტერიტორიას თითქმის 50 000 ვიზიტორი ეწვია. დაცული ტერიტორიების სააგენტოს ინფორმაციით, ეს რიცხვი 2019 წლის მონაცემებთან შედარებით, 34%-ით არის გაზრდილი.  სააგენტოში განმარტავენ,რომ 2023 წლის 4 თვეში, სათაფლიას 94%-ით, ოკაცეს კანიონს 44%-ით, მარტვილის კანიონს 30%-ით, ხოლო პრომეთეს მღვიმეს 21%-ით მეტი ვიზიტორი სტუმრობდა, ვიდრე 2019 წლის ანალოგიურ პერიოდში.

მსგავსი სიახლეები

ქორწინების საშუალო ასაკი ქალებისთვის 29.7 წლამდე, კაცებისთვის კი 32.1 წლამდე გაიზარდა

საქართველოში ქორწინების საშუალო ასაკი ყოველწლიურად ფაიზრდება - ამას ადასტურებს 2023 წლის დემოგრაფიული ანგარიში, რომელიც საქსტატმა გამოაქვეყნა.  დოკუმენტის თანახმად, 2023 წელს საქართველოში 22,275 ქორწინება დარეგისტრირდა, რაც…

ბანანის რეექსპორტი თითქმის 1300%-ით გაიზარდა, ხოლო იმპორტის ზრდამ 85% შეადგინა

საქსტატის მონაცემებით, წელს 2 თვეში ქვეყნიდან 1 632 ტონა (1,416 მლნ აშშ დოლარის) პროდუქტი გავიდა, წინა წლის ანალოგიურ პერიოდში კი მხოლოდ 117.3 (124.5 ათასი აშშ დოლარის). სტატისტიკის მიხედვით, 2024 წელს საქართველომ 1 კგ ბანანი…

გურიაში პირველი ეროვნული პარკი იქმნება

გარემოს დაცვისა და ბუნებრივი რესურსების კომიტეტმა პირველი მოსმენით განიხილა და მხარი დაუჭირა კანონპროექტს „გურიის ეროვნული პარკის შექმნისა და მართვის შესახებ“, რომლის მიღების შედეგად ჩოხატაურისა და ოზურგეთის მუნიციპალიტეტების…

გასულ წელს საქართველოში 22 ათასი ქორწინება და 13 ათასი განქორწინება დარეგისტრირდა

2023 წელს საქართველოში 22,275 ქორწინება დარეგისტრირდა -ინფორმაცია ამის შესახებ საქსტატის მიერ გამოქვეყნებული სტატისტიკიდან ხდება ცნობილი. ანგარიშის მიხედვით, 2022 წელთან შედარებით საქართველოში ქორწინებების რაოდენობა 14.5%-ით…

საქართველოში One republic, Scorpions და Jungle ჩამოდიან

Starring Georgia-ს ფარგლებში, მიმდინარე წელს ქვეყანაში One republic, Scorpions, Jungle ჩამოვლენ - ინფორმაციას Black Sea Arena სოციალურ ქსელში ავრცელებს. ბილეთების გაყიდვა 29 მარტიდან ეტაპობრივად დაიწყება.29 მარტიდან, 10:00…

მეტის ჩატვირთვა იტვირთება...პოსტები აღარ მოიძებნა
error: Content is protected !!