წარმატებული ქართული ბიზნესის ასოციაციის (SGBA) ორგანიზებით 15 ოქტომბერს ბიზნეს სამიტი 2023 გაიმართება, რომელსაც 400 დელეგატი დაესწრება. სამიტი მთელი დღის განმავლობაში დატვირთული იქნება საინტერესო და მრავალფეროვანი აქტივობებით.
ღონისძიება 5 სპიკერს უმასპინძლებს, რომლებიც მასტერკლას ჩაატარებენ ბიზნესის კუთხით აქტუალურ თემებზე, ხოლო სამიტის მეორე ნაწილში წარმოდგენილი იქნება 15 ბიზნეს კომპანია, რომლებიც თავიანთ ისტორიასა და ამ კუთხით არსებულ სიახლეებს გაგვიზიარებენ.
SGBA-ს ბიზნეს სამიტი 2023 პარტნიორია ბიზნეს ინფორმაციის სააგენტო “ბია”, რომელიც წამყვანი კომპანიაა ადგილობრივი და უცხოელი ინვესტორებისთვის ბიზნეს პროფილების, მარკეტინგული სიების და დარგობრივი ბაზრების შესახებ ანალიტიკური მასალების მიწოდებაში.
სს. “ბია” მართავს საქართველოში დარეგისტრირებული ყველა კომპანიის შესახებ ბიზნეს ინფორმაციის ყველაზე დიდ და მუდმივად განახლებად მონაცემთა ბაზებს, რომლის მეშვეობითაც უცხოელი ინვესტორებს აცნობს საქართველოში არსებულ ხელსაყრელ საინვესტიციო შესაძლებლობებს და უზრუნველყოფს მათ ნებისმიერი ქვეყნის ბიზნესკლიმატის, ბაზრების ცალკეული სეგმენტებისა და კომპანიების შესახებ ინფორმაციით.
BIA საქართველოში წარმოადგენს მსოფლიოში წამყვანი კომპანიების პარტნიორს გლობალური ბიზნეს ინფორმაციის მონაცემთა ბაზების განვითარების სფეროში. BIA -ს ასევე გააჩნია მუდმივად განახლებადი ინფორმაცია მსოფლიოს 165 -ზე მეტ ქვეყანაში 300 მილიონ კომპანიაზე: კომპანიების პროფილები, მარკეტინგული სიები, კორპორატიული შტო და კავშირები. BIA -ს მეშვეობით შეგიძლიათ იპოვოთ, შეაფასოთ და გადაამოწმოთ თქვენი პოტენციური და არსებული პარტნიორები, გააანალიზოთ თქვენი ბიზნესის რისკები მათთან მიმართებაში და გააფართოვოთ ბიზნესი.
