სურსათის საერთაშორისო ფასები კლებას განაგრძობს და ორ წელზე მეტი ხნის განმავლობაში ყველაზე დაბალ ნიშნულზეა. მიუხედავად იმისა, რომ ზოგიერთი რეგიონიდან მიწოდების საფრთხეებია, მცენარეული ზეთებისა და რძის პროდუქტების მარაგები უხვადაა.
გაეროს სურსათისა და სოფლის მეურნეობის ორგანიზაციის თანახმად (FAO), სასურსათო საქონლის ხარჯების ინდექსი გასულ თვეში 2.1%-ით დაეცა მცენარეულ ზეთებსა და რძეზე მოთხოვნისა და კარგი წარმოების გამო.
ინდექსის კლებას, დიდწილად, მარცვლეულის ფასების შემცირება განაპირობებს. რუსეთში მოსავალი დამაკმაყოფილებელია, უკრაინიდან ექსპორტი კი მაინც გრძელდება შავი ზღვის მარცვლეულის შეთანხმების შეჩერებისა და უკრაინულ პორტებზე განმეორებითი თავდასხმების მიუხედავად.
მიწოდების მხრივ რისკები კვლავ არსებობს. ინდოეთმა შეზღუდვები დააწესა ბრინჯის ექსპორტზე, რამაც FAO-ის ბრინჯის ინდექსი 15-წლიან მაქსიმუმამდე გაზარდა. ექსტრემალური ამინდი კვლავ მოქმედებს მოსავალზე და მაღალია სასურსათო ინფლაციაც ბევრ ქვეყანაში ენერგორესურსებისა და შრომის გაძვირების ფონზე.
გაეროს სასურსათო ინდექსი საერთაშორისო ფასებს ასახავს და არა საცალოს.
