ვაჭრობის სფეროRSS კატეგორიადღის სიახლეებისხვა

თამბაქოს იმპორტიორები სექტემბრამდე შეღავათით ისარგებლებენ

0
გაზიარება

თამბაქოს იმპორტიორები და მწარმოებლები 2022 წლის სექტემბრამდე გარკვეული შეღავათით ისარგებლებენ. ცვლილებას “თამბაქოს კონტროლის შესახებ” კანონპროექტი ითვალისწინებს, რომელიც პარლამენტშია ინიცირებული. ინიციატორი საქართველოს მთავრობაა. 

ცვლილება ეხება თამბაქოს ნაწარმის შეფუთვას. სექტემბრამდე შესაძლებელი იქნება, თამბაქოს ნაწარმზე სამედიცინო გაფრთხილება გარე გამჭვირვალე შეფუთვაზე სტიკერის სახით დაკვრა. მიზეზი უკრაინაში მიმდინარე საომარი მოქმედებებია. 2021 წლის მონაცემებით კი, უკრაინიდან იმპორტირებული სიგარეტი, ჯამში, საქართველოში იმპორტირებული სიგარეტის დაახლოებით 80%-ს შეადგენს. როგორც მთავრობაში განმარტავენ, ომის გამო, უკრაინის ტერიტორიაზე განთავსებულ ქარხნებში შეუძლებელია პროდუქციის წარმოება და მასზე სამედიცინო გაფრთხილების განთავსება/დაბეჭვდა. 

მოქმედი კანონმდებლობით, თამბაქოს ნაწარმის შეფუთვაზე დაბეჭდილი უნდა იყოს სამედიცინო გაფრთხილება, რომელიც არ უნდა იყოს დაფარული, დამახინჯებული, შეფუთვის გახსნისას არ უნდა დაზიანდეს. კანონში ჩნდება გარდამავალი დებულება, რომლის მიხედვითაც, 2022 წლის სექტემბრამდე კომპანიას შესაძლებლობა ექნება, ეს მოთხოვნა არ დააკმაყოფილოს. მათ შორის, უფლება ექნებათ, თამბაქოს ნაწარმის შეფუთვაზე დაბეჭდვის ნაცვლად, სტიკერის სახით დაკრული იყოს გარე გამჭვირვალე შეფუთვაზე. ამასთან, სტიკერების დაკვრა შესაძლებელია განხორციელდეს საბაჟო მოწყობის ტერიტორიაზე. 

გარდა ამისა, კანონპროექტით, თამბაქოს ნაწარმის მწარმოებელს და იმპორტიორს ექნება შესაძლებლობა ჯანდაცვის სამინისტროს ინფორმაცია ფილტრიანი და უფილტრო სიგარეტებისგან გამოფრქვეული ნივთიერებების (ნიკოტინი, კუპრი, მხუთავი გაზი), თამბაქოს ნაწარმის ინგრედიენტების (კერძოდ, ინგრედიენტების ჩამონათვალის, რაოდენობისა და წონის), სამედიცინო გაფრთხილების სახისა და ნიმუშის როტაციის შესახებ, ასევე, გასახურებელთამბაქოს ან თამბაქოს ახალ ნაწარმის შემთხვევაში ყოველი ახალი პროდუქციის განთავსებაზე ინფორმაცია წარუდგინოს განსხვავებული წესით და პირობებით.

წყარო : ბიზნეს პარტნიორი

მსგავსი სიახლეები

გასულ წელს საქართველოში 22 ათასი ქორწინება და 13 ათასი განქორწინება დარეგისტრირდა

2023 წელს საქართველოში 22,275 ქორწინება დარეგისტრირდა -ინფორმაცია ამის შესახებ საქსტატის მიერ გამოქვეყნებული სტატისტიკიდან ხდება ცნობილი. ანგარიშის მიხედვით, 2022 წელთან შედარებით საქართველოში ქორწინებების რაოდენობა 14.5%-ით…

საქართველოში One republic, Scorpions და Jungle ჩამოდიან

Starring Georgia-ს ფარგლებში, მიმდინარე წელს ქვეყანაში One republic, Scorpions, Jungle ჩამოვლენ - ინფორმაციას Black Sea Arena სოციალურ ქსელში ავრცელებს. ბილეთების გაყიდვა 29 მარტიდან ეტაპობრივად დაიწყება.29 მარტიდან, 10:00…

28 მარტის ვალუტის კურსი

საქართველოს ეროვნულმა ბანკმა ლარის კურსი აშშ დოლარის მიმართ 2,7084 GEL/$1 ნიშნულზე დაადგინა. წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0029 ლარით გაუფასურდა ევრო - 2.9337 ლარი აშშ დოლარი -…

გაიზარდა იმ ადამიანების რაოდენობა, რომლებიც 9 600 ლარს ან მეტ თვიურ ხელფასს იღებდნენ

pmcg-ს კვლევის მიხედვით, 2024 წლის თებერვალში, იმ ადამიანების რაოდენობა, რომლებიც იღებდნენ თვიურ ხელფასს გაიზარდა. pmcg-ს კვლევის მიხედვით, 2024 წლის თებერვალში, იმ ადამიანების რაოდენობა, რომლებიც იღებდნენ თვიურ ხელფასს, 2023…

2024 წლის თებერვალში უნაღდო ტრანზაქციები და დანახარჯები გაიზარდა

2024 წლის თებერვალში, როგორც ჯამური უნაღდო დანახარჯების მოცულობა, ასევე უნაღდო ტრანზაქციების რაოდენობა, წლიურად გაზრდილია. ინფორმაცია ამის შესახებ „თიბისი კაპიტალის“ კვლევაშია აღნიშნული. სასტუმროებში უნაღდო დანახარჯები წლიურ…

მეტის ჩატვირთვა იტვირთება...პოსტები აღარ მოიძებნა
error: Content is protected !!