1-ლი მარტიდან კანადის მთავრობა სამთავრობო მობილურ მოწყობილობებზე ჩინურ სოციალურ ქსელ TikTok-ის გამოყენებას უსაფრთხოების მიზნით აკრძალავს. ინფორმაციას გაზეთ The National Post-ის ელექტრონულ ვერსია ავრცელებს.
ოფიციალური ოტავა ამის შესახებ დღეს გამოაცხადებს, რის შემდეგაც საჯარო მოხელეთა ოფიციალურ მობილურ მოწყობილობებზე ჩინური სოციალური ქსელის აპლიკაციები მოიხსნება. კანადის მთავრობის ინფორმაციული უსაფრთხოების ექსპერტების აზრით, TikTok-ის აპლიკაციის მონაცემთა შეგროვების ფუნქციამ მომხმარებლები შესაძლოა, კიბერშეტევებისგან დაუცველი გახადოს.
გუშინვე ქვეყნის პრემიერ-მინისტრ ჯასტინ ტრუდომ ჟურნალისტებს განუცხადა, რომ ოფიციალური პირების მობილური მოწყობილობებიდან TikTok-ის ამოღებაზე გადაწყვეტილება „კანადელების უსაფრთხოების ინტერესებიდან გამომდინარე“ იქნა მიღებული. ამასთან, პრემიერმა მოუწოდა კანადელებსა და ქვეყნის ბიზნესს, რომ ასეთი სამთავრობო სიგნალის შემდეგ ჩინური სოციალური ქსელის გამოყენებაზე საკუთარი გადაწყვეტილება მიიღონ.
თეთრმა სახლმა აშშ-ის სამთავრობო უწყებებს სამუშაო მოწყობილობებიდან და სისტემებიდან აპლიკაცია TikTok-ის დეინსტალაციისთვის 30-დღიანი ვადა მისცა. ამის შესახებ თეთრი სახლის ადმინისტრაციულ-საბიუჯეტო ოფისის ხელმძღვანელის, შალანდა იანგის მიერ უწყებებისთვის დაგზავნილ წერილში წერია, რომელიც Reuters-მა მოიპოვა. თუმცა ახალი წესები მხოლოდ სამუშაო ტექნიკას ეხება და ოფიციალური პირების პერსონალურ მოწყობილობებზე TikTok-ის დაყენება კვლავ ნებადართულია.
