თურქეთში სამომხმარებლო ფასების ზრდის ტემპი, თებერვალში მაქსიმალურად დაჩქარდა და 2022 წლის ნოემბრის მაჩვენებელს გადააჭარბა.
ქვეყნის სტატისტიკური ინსტიტუტის, Turkstat-ის მონაცემებით, ინფლაციის მაჩვენებელმა 67.1% შეადგინა, სურსათზე ფასები 71.2%-ით გაიზარდა, ხოლო კაფეებსა და რესტორნებში ფასების 94.8%-იანი ზრდა დაფიქსირდა. ტანსაცმელი და ფეხსაცმელი 43.4%-ით გაძვირდა. ამასთან, სამომხმარებლო ფასები თებერვალში 4.5%-ით გაიზარდა იანვართან შედარებით.
თებერვალში კომუნალური გადასახადები 49.1%-ით გაიზარდა, სატრანსპორტო მომსახურება კი 78%-ით.
ინფლაცია არ ითვალისწინებს სურსათის, ენერგიის, თამბაქოს და ოქროს ღირებულებებს. მწარმოებელთა ფასები, იგივე PPI, თებერვალში წლიურად 47.3%-ით გაიზარდა, ხოლო 3.7%-ით იანვართან შედარებით.
