უცხოური ბიზნეს სიახლეებიდღის სიახლეებიეკონომიკაზოგადი განათლებასაინტერესო სიახლეებისიახლეები

უორენ ბაფეტის საინვესტიციო ჰოლდინგმა Apple-ის, Chevron-ის და Occidental-ის აქციები იყიდა

0
გაზიარება

საფონდო ბირჟების დაღმასვლის ტენდენცია Berkshire Hathaway-მ და მისმა ლეგენდარულმა ხელმძღვანელმა უორენ ბაფეტმა საინვესტიციო შესაძლებლობად გამოიყენეს და მიმდინარე წლის პირველ კვარტალში საინვესტიციო პორტფელის მოცულობა მნიშვნელოვნად გაზარდეს.

Berkshire-ის ყურადღების ცენტრში წელს ენერგეტიკული სექტორი აღმოჩნდა, რომელიც მსოფლიოს მასშტაბით ნავთობისა და გაზის გაძვირების ფონზე ზრდის ყველაზე დიდი პოტენციალით გამოირჩევა. ბაფეტის საინვესტიციო ჰოლდინგმა მნიშვნელოვნად გაზარდა Chevron-ისა და Occidental Petroleum-ის აქციების წილი და ამჟამად მათში განხორციელებული ინვესტიციის საერთო მოცულობა 42 მილიარდ დოლარს აჭარბებს.

Berkshire Hathaway ისევ განაგრძობს მსოფლიოს უმსხვილესი ტექნოლოგიური კომპანიის, Apple-ის აქციების შეძენას. 2022 წლის პირველ სამ თვეში Berkshire-მა Apple-ში ინვესტირებული პოზიცია 600 მილიონი დოლარით გაზარდა. ტექნოლოგიური გიგანტი კი ამჟამად ჰოლდინგის საინვესტიციო პორტფელის უდიდეს ნაწილს წარმოადგენს.

გარდა ამისა, წელს Berkshire-მა $1 მილიარდად ვიდეო-თამაშების მწარმოებელი კომპანიის, Activision-Blizzard-ის 9.5%-იანი წილი შეიძინა. $11.6 მილიარდად კი სადაზღვევო კომპანია Alleghany-ს 100%-იანი წილი იყიდა.

საერთო ჯამში, პირველ კვარტალში უორენ ბაფეტის საინვესტიციო ჰოლდინგმა 41 მილიარდი დოლარის აქციები შეიძინა, თუმცა Berkshire მხოლოდ შესყიდვით არ შემოფარგლულა და მან რამდენიმე მნიშვნელოვანი პოზიციის დახურვის გადაწყვეტილებაც მიიღო – აღნიშნულ პერიოდში ჰოლდინგის მიერ გაყიდული აქციების მოცულობა 7 მილიარდ დოლარს შეადგენს.

2022 წელს Berkshire-მა Wells Fargo-ს აქციების გაყიდვის და მისი კონკურენტი ბანკის, Citigroup-ის აქციების $3 მილიარდად შეძენის გადაწყვეტილებაც მიიღო. ამჟამად ბაფეტის ჰოლდინგი Citigroup-ის 2.8%-იან წილს აკონტროლებს.

ექსპერტთა ნაწილის შეფასებით, Berkshire-ის გააქტიურება იმაზე მიუთითებს, რომ აქციების ვარდნის ტენდენცია და საფონდო ბირჟების კორექცია საინტერესო შესაძლებლობებს ქმნის, რომელთაც გონიერი ინვესტორები და ტრეიდერები თავიანთ სასარგებლოდ იყენებენ.

მსგავსი სიახლეები

ქორწინების საშუალო ასაკი ქალებისთვის 29.7 წლამდე, კაცებისთვის კი 32.1 წლამდე გაიზარდა

საქართველოში ქორწინების საშუალო ასაკი ყოველწლიურად ფაიზრდება - ამას ადასტურებს 2023 წლის დემოგრაფიული ანგარიში, რომელიც საქსტატმა გამოაქვეყნა.  დოკუმენტის თანახმად, 2023 წელს საქართველოში 22,275 ქორწინება დარეგისტრირდა, რაც…

ბანანის რეექსპორტი თითქმის 1300%-ით გაიზარდა, ხოლო იმპორტის ზრდამ 85% შეადგინა

საქსტატის მონაცემებით, წელს 2 თვეში ქვეყნიდან 1 632 ტონა (1,416 მლნ აშშ დოლარის) პროდუქტი გავიდა, წინა წლის ანალოგიურ პერიოდში კი მხოლოდ 117.3 (124.5 ათასი აშშ დოლარის). სტატისტიკის მიხედვით, 2024 წელს საქართველომ 1 კგ ბანანი…

გურიაში პირველი ეროვნული პარკი იქმნება

გარემოს დაცვისა და ბუნებრივი რესურსების კომიტეტმა პირველი მოსმენით განიხილა და მხარი დაუჭირა კანონპროექტს „გურიის ეროვნული პარკის შექმნისა და მართვის შესახებ“, რომლის მიღების შედეგად ჩოხატაურისა და ოზურგეთის მუნიციპალიტეტების…

გასულ წელს საქართველოში 22 ათასი ქორწინება და 13 ათასი განქორწინება დარეგისტრირდა

2023 წელს საქართველოში 22,275 ქორწინება დარეგისტრირდა -ინფორმაცია ამის შესახებ საქსტატის მიერ გამოქვეყნებული სტატისტიკიდან ხდება ცნობილი. ანგარიშის მიხედვით, 2022 წელთან შედარებით საქართველოში ქორწინებების რაოდენობა 14.5%-ით…

საქართველოში One republic, Scorpions და Jungle ჩამოდიან

Starring Georgia-ს ფარგლებში, მიმდინარე წელს ქვეყანაში One republic, Scorpions, Jungle ჩამოვლენ - ინფორმაციას Black Sea Arena სოციალურ ქსელში ავრცელებს. ბილეთების გაყიდვა 29 მარტიდან ეტაპობრივად დაიწყება.29 მარტიდან, 10:00…

მეტის ჩატვირთვა იტვირთება...პოსტები აღარ მოიძებნა
error: Content is protected !!