საინტერესო სიახლეებიდღის სიახლეებიზოგადი განათლებამეღვინეობასიახლეებიქართული წარმოება

5 ყველაზე ძვირადღირებული ქართული ღვინო

0
გაზიარება

1. უსახელოური

ყველაზე ძვირადღირებული ქართული ღვინო დღეს უსახელოურია. ბიო სერტიფიკატის ქონის შემთხვევაში მისი ფასი შიდა ბაზარზე 850 ლარამდეც კი ადის. თუმცა, 2012 წლის უსახელოური უკვე 3000 ლარი ღირს უცხოურ ბაზარზე და თანაც ეს ყველაფერი იმ პირობებში, როცა ღვინის საერთაშორისო ექსპერტები უსახელოურს კარგად ვერც კი იცნობენ. ეს ღვინო პრაქტიკულად სრულად თავისით იკაფავს გზას, რაც ძალიან დიდი იშვიათობაა.

არადა, უსახელოური პრაქტიკულად თითქმის გადაშენებული იყო საბჭოთა კავშირში. წარმოიდგინეთ, როგორ უნდა გძულდეს ქვეყანა, ერი და ვაზი, რომ ეს აბსოლუტურად უნიკალური და გასაოცარი ჯიში გადაშენებამდე მიიყვანო.

მაგრამ საბედნიეროდ უსახელოური გადარჩა და როცა მსოფლიო კარგად გაიცნობს, ის სამყაროს ნამდვილი სენსაცია გახდება.

2. ქისი

ეს ჯიშიც ანალოგიურად მიივიწყეს საბჭოთა კავშირში და უსახელოურის მსგავსად თითქმის გადაშენდა. მაგრამ ბოლო წლებია, მაღრანის და კახეთის ნამდვილი სიამაყე გახლავთ. მისი ფასი სხვადასხვა წლების მიხედვით 60-70 ლარამდეა, თუმცა ამ თეთრი ღვინის ისტორია მხოლოდ ახლა იწყება და მისი ღირებულებაც დროთა განმავლობაში აუცილებლად გაიზრდება.

3. ხვანჭკარა

მიუხედავად იმისა, რომ ალექსანდროულის და მუჯურეთულის ჯიშის ვაზები, საიდანაც ეს უგემრიელესი ღვინო მიიღება, რაჭაში ყველგან ხარობს, ხვანჭკარა იმდენად პოპულარული ღვინოა, რომ მოთხოვნის შესაბამისად მისი ერთი ბოთლის ფასი ხშირად 60 ლარსაც კი აღწევს. ის ხვანჭკარის მიკროზონაში მზადდება და მისი სახელწოდება ჯიშს კი არა, მიკროზონის დასახელებას აღნიშნავს.

4. ტვიში

ამ უნიკალური ღვინის მომავალიც უდავოდ გამორჩეული იქნება და მისი ფასიც გაიზრდება. ის ლეჩხუმში, მევენახეობის სპეციფიკურ ზონა “ტვიშში” მოყვანილი ცოლიკოურის ჯიშის ყურძნისგან მზადდება. გამოირჩევა ნახევრად ტკბილი გემოთი და უნიკალური ჯიშური არომატებით.

5. ქინძმარაული

მიუხედავად იმისა, რომ ყველაზე უხვად საქართველოში სწორედ ის იწარმოება, ყველაზე ძვირადღირებულ ქართულ ღვინოებშიც შედის. მისი ფასი საშუალოდ 20-25 ლარია. ის დაცული ადგილწარმოშობის დასახელებაა და ყვარლის მუნიციპალიტეტის ტერიტორიის უმეტეს ნაწილზე გახარებული საფერავის ჯიშის ყურძნისგან მზადდება. ეს არის უმაღლესი დონის წითელი ბუნებრივად ნახევრად ტკბილი ღვინო, რომელსაც მოიისფრო-ბროწეულისფერი შეფერილობა, ჰარმონიული, სრული, დახვეწილი და ხავერდოვანი გემო და ხილის სასიამოვნო ტონები აქვს.

მსგავსი სიახლეები

ნომრის ამოცნობა თბილისსა და სხვა რეგიონებში 2,300 კამერას შეუძლია 

შინაგან საქმეთა სამინისტროს სტატისტიკის თანახმად, ქვეყნის მასშტაბით, სულ 7,379 ვიდეომეთვალყურეობის კამერა არის განთავსებული, საიდანაც 5,079 კამერა არის ზოგადი ხედვის, ხოლო მათ შორის ნომრის ამოცნობის შესაძლებლობა 2,300 კამერას…

საქართველოში ბიზნესის 67% კვალიფიციური კადრების დეფიციტს განიცდის

2024 წლის პირველ კვარტალში, სპეციალისტების ნაკლებობის პრობლემა ასოციაციის წევრი კომპანიების მიერ ყველაზე მნიშვნელოვან გამოწვევად სახელდება - გამოკითხული ბიზნესის 67% სწორედ კვალიფიციური კადრების დეფიციტზე საუბრობს -…

19 სამოტივაციო ფრაზა – ცნობილი ადა­მი­ა­ნე­ბის წარ­მა­ტე­ბის გა­სა­ღე­ბი

1.მო­მა­ვა­ლი მი­სია, ვინც რის­კავს და არა მისი, ვინც უსაფრ­თხო­ე­ბა­სა და გა­რან­ტი­ებს ეძებს - ბრა­ი­ან თრე­ი­სი, სპი­კე­რი, ბიზ­ნეს­ლი­ტე­რა­ტუ­რის ავ­ტო­რი  2. წინსვლის სა­ი­დუმ­ლო და­წყე­ბა­შია - მარკ ტვე­ნი,…

OneRepublic-ის კონცერტის ბილეთების ფასი 145 ლარიდან 550 ლარამდე მერყეობს

Black Sea Arena-ს ცნობით, OneRepublic-ის კონცერტზე დასასწრები ბილეთების ყიდვა ვებ-გვერდზე TKT.ge და BSA.ge უკვე ხელმისაწვდომია. მათი ფასი კი, 145 ლარიდან 550 ლარამდე მერყეობს, თუმცა Starring Georgia -ს, TBC-სა და VISA-ს…

საქართველოს ეკონომიკა 7,7%-ით გაიზარდა

საქსტატის მიერ გავრცელებული ინფორმაციის თანახმად, წინასწარი შეფასებით, 2024 წლის თებერვალში, წინა წლის შესაბამის პერიოდთან შედარებით, რეალური მთლიანი შიდა პროდუქტის (მშპ) ზრდამ 9.5% შეადგინა, ხოლო იანვარი-თებერვლის საშუალო…

მეტის ჩატვირთვა იტვირთება...პოსტები აღარ მოიძებნა
error: Content is protected !!