ფინანსებიRSS კატეგორიადღის სიახლეებიმთავარიმთავარი ამბები

ეროვნულ ბანკსა და მცირე და საშუალო მეწარმეობის განვითარების ასოციაციას შორის ურთიერთთანამშრომლობის მემორანდუმი გაფორმდა

0
გაზიარება

მიკრო, მცირე და საშუალო მეწარმეებში ფინანსური განათლების ხელმისაწვდომობის გაზრდის და ცნობიერების ამაღლების მიზნით, საქართველოს ეროვნულ ბანკსა და მცირე და საშუალო მეწარმეობის განვითარების ასოციაციას (SMEDA) შორის ურთიერთთანამშრომლობის მემორანდუმი გაფორმდა.

ეროვნული ბანკის ინფორმაციით, მემორანდუმს ხელი ეროვნული ბანკის მომხმარებელთა უფლებების დაცვის და ფინანსური განათლების დეპარტამენტის უფროსმა, ლაშა გზირიშვილმა და მცირე და საშუალო მეწარმეობის განვითარების ასოციაციის აღმასრულებელმა დირექტორმა, გრიგოლ ფაიქიძემ მოაწერეს.

ფინანსური განათლება საქართველოს ეროვნული ბანკისთვის ერთ-ერთი პრიორიტეტული მიმართულებაა. ამ კუთხით სებ-ის ინიციატივით არაერთი მნიშვნელოვანი პროექტი და აქტივობა ხორციელდება.

„მეწარმეების ფინანსურ განათლებას, ქვეყნის ეკონომიკის განვითარებისა და ფინანსური სტაბილურობისთვის, განსაკუთრებული მნიშვნელობა ენიჭება. ეკონომიკური თანამშრომლობისა და განვითარების ორგანიზაციის „ფინანსური განათლების საერთაშორისო ქსელის“ მიკრო, მცირე და საშუალო მეწარმეების ფინანსური განათლების 2021 წლის საერთაშორისო კვლევამ აჩვენა, რომ საქართველოში მეწარმეების ფინანსური განათლების დონე გამოკითხვაში მონაწილე სხვა ქვეყნებთან შედარებით საშუალო მაჩვენებელზე დაბალია. ეროვნული ბანკი და ფინედუ, პარტნიორ ორგანიზაციებთან ერთად, ამ მიმართულებით აქტიურ მუშაობას განაგრძობს. SMEDA-სთან გაფორმებული მემორანდუმიც ამის ერთ-ერთი ნათელი დადასტურებაა. ფინანსური განათლების ამაღლება რთული და ხანგრძლივი პროცესია, რომელსაც ეფექტიანობისთვის ბევრი ჩართული მხარე, დრო, შრომა და ძალისხმევა სჭირდება”, – განაცხადა საქართველოს ეროვნული ბანკის მომხმარებელთა უფლებების დაცვის და ფინანსური განათლების დეპარტამენტის უფროსმა, ლაშა გზირიშვილმა.

„ფინანსებზე ხელმისაწვდომობა მცირე და საშუალო მეწარმეებისთვის ერთ-ერთ მთავარ გამოწვევად რჩება. თემა განსაკუთრებით აქტუალურია, რადგან საჭირო დროს და საჭირო მოცულობით დაფინანსების მოძიება ბიზნესის განვითარების მნიშვნელოვან წინაპირობას წარმოადგენს. ვფიქრობ, “მცირე და საშუალო მეწარმეობის განვითარების ასოციაციასა” და საქართველოს ეროვნულ ბანკს შორის გაფორმებული მემორანდუმი სამომავლო მჭიდრო თანამშრომლობისა და პარტნიორობის საფუძველი გახდება და აღნიშნული თანამშრომლობის ფარგლებში შევძლებთ ისეთი ერთობლივი საინფორმაციო თუ სხვა ტიპის აქტივობების დაგეგმვას და განხორციელებას, რომელიც მიკრო, მცირე და საშუალო ბიზნესს პრაქტიკულ სარგებელს მოუტანს”, – განაცხადა მცირე და საშუალო მეწარმეობის განვითარების ასოციაციის აღმასრულებელმა დირექტორმა, გრიგოლ ფაიქიძემ.

მსგავსი სიახლეები

ბათუმში სასმელი წყლის გამწმენდი ნაგებობის რეაბილიტაციისთვის გერმანიის მთავრობა 55 მილიონ ევროს გამოყოფს

გერმანიის მთავრობის დავალებით გერმანიის რეკონსტრუქციის საკრედიტო ბანკი, 7 დეკემბერს, საქართველოს მთავრობასთან, რომელსაც წარმოადგენს საქართველოს ფინანსთა სამინისტრო, ხელს მოაწერს დაფინანსების შეთანხმებას, რომელიც ითვალისწინებს…

ორსულობის,მშობიარობის და ახალშობილის შვილად აყვანის გამო შვებულება სახელმწიფო ბიუჯეტიდან ანაზღაურდება

ორსულობისა და მშობიარობის გამო შვებულება, ბავშვის გამო შვებულება და ახალშობილის შვილად აყვანის გამო შვებულება ანაზღაურდება საქართველოს სახელმწიფო ბიუჯეტიდან ჯანმრთელობის დაცვისა და სოციალურ საკითხთა კომიტეტის სხდომაზე…

2022 წელს ქვეყნიდან 1 301 ტონა 1, 096 მლნ დოლარის ღირებულების ყურძნის ექსპორტი განხორციელდა

ქართული ყურძნის ექსპორტი რეკორდულ მაჩვენებელზეა.2022 წელს ქვეყნიდან 1 301 ტონა 1, 096 მლნ დოლარის ღირებულების ყურძნის ექსპორტი განხორციელდა. ეს კი წინა წლის ანალოგიურ პერიოდთან შედარებით თითქმის 60%-ით მეტია. 2021 წელს…

„საქართველოს დემოგრაფიული პოლიტიკის ანალიზი, პრობლემები და პერსპექტივები“

პრეზენტაცია თემით: „საქართველოს დემოგრაფიული პოლიტიკის ანალიზი, პრობლემები და პერსპექტივები“-პარლამენტში ჯანმრთელობის დაცვისა და სოციალურ საკითხთა კომიტეტის ინიციატივით გაიმართა საქართველოს დემოგრაფიული პოლიტიკის, როგორც…

2022 წლის მე-3 კვარტალში ბიზნეს სექტორის ბრუნვის მოცულობა 47.5 მლრდ ლარამდე გაიზარდა

გასული წლის შესაბამის პერიოდთან შედარებით ბიზნეს სექტორის ბრუნვის მოცულობა 17.4 პროცენტით გაიზარდა.ზრდის ტენდენციით ხასიათდება ბიზნეს სექტორის პროდუქციის გამოშვების მაჩვენებელიც. 2022 წლის მე-3 კვარტალში მისი მოცულობა 18.9…

მეტის ჩატვირთვა იტვირთება...პოსტები აღარ მოიძებნა
error: Content is protected !!