მეცნიერების მტკიცებით, მთებში დაჩქარდა დნობის პროცესი, ხოლო მუდმივი ყინულის ფართობი სულ უფრო მცირდება. ამ პროცესის შედეგად კი შესაძლოა, შემცირდეს მტკნარი წყლის ოდენობა, ხოლო აზიაში მეწყრული პროცესები განვითარდეს. როგორც Bloomberg-ი წერს, საფრთხე ემუქრება 2 მილიარდი ადამიანის სიცოცხლეს, რომლებიც იმ მდინარეების სანაპიროებთან ცხოვრობენ, რომლებიც სათავეს სწორედ ჰიმალაიზე იღებენ. ჰინდუ კუში – მთათა სისტემაა ცენტრალურ აზიაში, რომელიც ავღანეთისა და პაკისტანის ტერიტორიაზე მდებარეობს. რამდენიმე მთის მწვერვალი აქ 7 ათას მეტრს აღწევს. სწორედ ჰინდუკუშის მთათა სისტემას განეკუთვნება ჰიმალაიც.
2011-დან 2022 წლებში ყინული ამ რაიონში 65%-ით აქტიურად დნება, ვიდრე ათწლეულებით ადრე. ამის მიზეზად ადამიანების მის საქმიანობების შედეგად წარმოქმნილი გამონაბოლქვი სახელდება. თუ ის არ შემცირდება, საუკუნის ბოლომდე ეს ტემპი 80%-ს მიაღწევს. ეს კი იმას ნიშნავს, რომ რეგიონის 16 ქვეყნის 12 მდინარეში მტკნარი წყლის მოცულობა მკვეთრად შემცირდება.
1979 წლის შემდეგ, ანტარქტიდის ირგვლივ ყინულის არეალი რეკორდულად დაბალ ნიშნულამდე, 1,79 მილიონ კვადრატულ მეტრამდე შემცირდა. მეცნიერები შიშობენ, რომ იქ გამდნარ ყინულს შეუძლია ოკეანეების დონე რამდენიმე მეტრით აწიოს.
ექსპერტების ერთ-ერთი მთავარი საზრუნავია ამუნდსენის ზღვაში მდებარე ტვაიტის მყინვარი, რომელიც ცნობილია როგორც “განკითხვის დღის მყინვარი”. ის შეიცავს იმ რაოდენობის წყალს, რომელსაც შეუძლია მყინვარის დნობის შემთხვევაში ზღვის დონე ნახევარი მეტრით აწიოს.
