სამედიცინო და ფარმაცევტული საქმიანობის რეგულირების სააგენტომ Marion Biotech-ის მიერ წარმოებული პრეპარატი, ნოლგრიპ ჯუნიორი (NOLGRIPP Junior) ბაზრიდან გამოითხოვა.
“გადაწყვეტილების მიზეზი ჯანდაცვის მსოფლიო ორგანიზაციის რეკომენდაცია გახდა, რომლის მიხედვითაც, იგივე მწარმოებლის სამკურნალო პრეპარატები – DOK-1 Max და AMBRONOL – მინარევის სახით, დიეთილენ გლიკოლს და/ან ეთილენგლიკოლს შეიცავდა. აღნიშნული ნივთიერებები ტოქსიკურია ადამიანისთვის და მისი მოხმარება შესაძლოა ფატალურიც გახდეს”, – წერია სააგენტოს განცხადებაში.
Marion Biotech-ის მიერ წარმოებული წამლების რეალიზაცია საქართველოს ბაზარზე არ ხდება, თუმცა, რეგულირების სააგენტომ შეაჩერა და ბაზრიდან გამოითხოვა იგივე მწარმოებლის სხვა პრეპარატი. ფარმაცევტული პროდუქტის იმპორტიორებსა და რეალიზატორებს დაევალათ, შეაჩერონ წამლის რეალიზაცია, გამოითხოვონ ბაზრიდან და გატარებული ღონისძიებების შესახებ ინფორმაცია წარუდგინონ სამედიცინო და ფარმაცევტული საქმიანობის რეგულირების სააგენტოს.
Marion Biotech ის კომპანიაა, რომლის მიერ დამზადებულ მედიკამენტებსაც უზბეკეთში 18 ადამიანის გარდაცვალებაში ადანაშაულებენ და მის წინააღმდეგ ამჟამად გამოძიება მიმდინარეობს. Marion Biotech-ს საქმიანობა უკვე შეუჩერა „ფარმექსილმა“, მთავრობასთან დაკავშირებულმა ინდურმა სავაჭრო ჯგუფმა, რომელიც მნიშვნელოვან როლს თამაშობს ინდოეთიდან ფარმაცევტული ნაწარმის ექსპორტში.
