სტომატოლოგების შიშის დაძლევაში მცხეთის მოსახლეობას მეექვსე წელია KF Dental ეხმარება. კლინიკაში ფუნქციონირებს ყველა საჭირო სტომატოლოგიური მომსახურება : თერაპია, ქირურგია, ბავშვთა სტომატოლოგია, ორთოპედია, ორთოდონტია, იმპლანტაცია.
კლინიკა გამოირჩევა მაღალკვალიფიციური სტომატოლოგების გუნდით. კლინიკაში მისული პაციენტი მარტივად უმკლავდება შიშს, რომელიც დაკავშირებულია სტომატოლოგიასთან.
მნიშნელოვანია აღინიშნოს, რომ პაციენტი რომელიც კლინიკას სტომატოლოგიური პრობლემით მიმართავს, სრულყოფილი ანამნეზის საფუძველზე, საჭიროებისამებრ ხდება მისი გადამისამართება შესაბამისი პროფილის ექიმთან.
„ჩვენს კლინიკაში ძალიან დიდი ყურადღება ექცევა დეზინფექცია -სტერილიზაციის სწორად ჩატარებას. ამ მიზნით კლინიკის პერსონალი მუდმივად ცდილობს სიახლეებს გაეცნოს და მიიღოს საჭირო ცოდნა. კლინიკაში გამოიყენება ჯანდაცვის სამინისტროს მიერ რეგისტრირებული სადეზინფექციო ხსნარები ინსტრუმენტების , ზედაპირების , იატაკის და კედლების დეზინფექციისათვის“ – განაცხადა კლინიკის დამფუძნებელმა.
სტომატოლოგიური კლინიკა KF Dental ჯანდაცვის განვითარებისა და უფლებათა დაცვის ლიგის წევრია, ხოლო მისი დამფუძნებელი შორენა ფერხული ვიცე-პრეზიდენტი.
ჯანდაცვის განვითარებისა და უფლებათა დაცვის ლიგა 2020 წლიდან ზრუნავს საქართველოში სტომატოლოგებისა და პაციენტების უფლებათა დაცვისთვის. ლიგა უკვე ათასზე მეტ სტომატოლოგსა და სტომატოლოგიურ კლინიკას აერთიანებს.
ჯანდაცვის განვითარებისა და უფლებათა დაცვის ლიგის გუნდის პირველი და მთავარი მიზანია, რომ სტომატოლოგიური კლინიკები არსებულ კანონმდებლობას, რეგულაციებს მოერგოს და თითოეული მოქალაქისთვის მაქსიმალურად მაღალი ხარისხის, უსაფრთხო სამედიცინო/სტომატოლოგიური სერვისის მიღება ხელმისაწვდომი გახდოს .სტომატოლოგებსა და კლინიკებს, რომელთაც არ გააჩნიათ წვდომა საქართველოში კანონმდებლობით მოთხოვნილი სტანდარტების და არსებული რეგულაციების შესახებ, ჯანდაცვის ლიგა აწვდის ინფორმაციას და ეხმარება მათ კლინიკების მოწესრიგებაში, რათა მოხდეს პაციენტების მიღება მოწესრიგებულ, უსაფრთხო გარემოში.
კლინიკა წარმატებული ქართული ბიზნესის ასოციაციის პარტნიორი კომპანიაც გახდა და როგორც ქალბატონი შორენა Geobusinessnews-თან საუბრის დროს აღნიშნავს ეს მისთვის სიახლეებთან და წარმატებასთან ასოცირდება.
