5 ივლისს წარმატებული ქართული ბიზნესის ასოციაციის (SGBA) ორგანიზებით Business Summit 2024 გაიმართა, რომელიც დაინტერესებულ პირებს საშუალებას აძლევდა, სხვადასხვა მიმართულებით სფეროს ლიდერებისგან ინოვაციური პროდუქტების, ახალი გამოწვევების, პირადი გამოცდილებებისა და სიახლეების შესახებ დეტალური ინფორმაცია მიეღოთ, დასწრებოდნენ მასტერკლასებსა და მონაწილეობა მიეღოთ გამოფენა-გაყიდვაში.
Business Summit 2024 -ის ერთ-ერთი გამორჩეული სპიკერი, მარკეტინგის საერთაშორისო ლექტორი – გიორგი
ტუღუში იყო, რომელმაც დელეგატებს მარკეტინგის მიმართულებით, ნეირო მარკეტინგის როლზე ესაუბრა თანამედროვე ბიზნესში, თუ რა გამოწვევებს აწყდებიან კომპანიები მარკეტინგის სტრატეგიების მიმართულებით და ამავე დროს რა საინტერესო სიახლეები იქნება დანერგილი სხვადასხვა დროს. ტუღუშის თქმით მსგავსი შეხვედრები ეხმარება სფეროს წარმომადგენლებს წარმატებული ბიზნესები შექმნასა და ახალი, თანამედროვე ტენდენციების გაცნობაში
ინფორმაციისთვის: Business Summit 2024-ის ერთ-ერთ მთავარ უპირატესობას წარმოადგენდა ის ფაქტი, რომ მოწვეული დელეგატების უმრავლესობას წარმოადგენდა, საქართველოში არსებული მსხვილი, საშუალო და მცირე ბიზნესების დამფუძნებლები და ტოპ მენეჯერები, ხოლო სამიტის მიზანს: ერთიანი სპეციალური საკომუნიკაციო სივრცის შექმნა, ქვეყანაში ახალი/ინოვაციური ბიზნეს კომპანიებთან კომუნიკაცია და მათი წარდგენა ასოციაციის წევრებისთვის.
საქართველოში ერთ-ერთი ყველაზე მასშტაბური ბიზნეს შეხვედრა 4 პანელისგან შედგებოდა:
პირველი პანელი – როგორ შევქმნათ წარმატებული ბრენდი?
მეორე პანელი – ხელოვნური ინეტელექტი ახალი შესაძლებლობა წარმატებული ბრენდის შესაქმენლად;
მესამე პანელი – B2B სივრცეში წარმოდგენილი კომპანიების წარდგენები;
მეოთხე პანელი: პიარი, მარკეტინგი, გაყიდვები, HR, ლიდერობა
