მონპელიე საფრანგეთის უდიდესი მეტროპოლია ხდება, სადაც საზოგადოებრივი ტრანსპორტი უფასო იქნება. „ევროპულსის“ მიერ გავრცელებული ინფორმაციით გადასახადი მიმდინარე წლის 21 დეკემბრიდან მთლიანად გაუქმდება.
ინოვაციის მთავარი მიზანი ქალაქში კერძო ავტომობილების რაოდენობის შემცირებაა, რომ საცობებმა და ნახშირორჟანგის გამონაბოლქვმა მოიკლოს. მონპელიე უფასო ტრანსპორტის ექპერიმენტს დიდი ხანია, ატარებს: ხელისუფლების გადაწყვეტილებით, 2020 წლის სექტემბრიდან საზოგადოებრივი ტრანსპორტით უფასო მგზავრობა შაბათ-კვირას გახდა შესაძლებელი, ხოლო 2021 წელს ფასიანი მგზავრობა 18 წლამდე ახალგაზრდებისთვის და 65 წლამდე მოხუცებისთვის გაუქმდა. ამჯერად ტრანსპორტი ყველასთვის უფასო იქნება, რითიც როგორც ადგილობრივი მცხოვრებლები, ასევე, ტურისტები ისარგებლებენ.
ანალოგიური სქემა საფრანგეთის 39 რეგიონში მოქმედებს.
„ევროპულსის“ ცნობით, ჰაერის დაბინძურებასთან, კლიმატის ცვლილებასთან და საცობებთან საბრძოლველად საზოგადოებრივ ტრანსპორტზე ტარიფებს ევროპის სხვა ქალაქებშიც აუქმებენ. კერძოდ, პრაღაში ავტობუსებითა და მეტროთი მგზავრობა იმ დღეებში არის უფასო, როცა ქალაქში სმოგი, ანუ შავი სქელი ნისლია, რომელიც ბოლისა და ჭვარტლისაგან
პარიზში საზოგადოებრივი ტრანსპორტი უფასო 18 წლამდე ბავშვებისთვის გახდა. ამ გადაწყვეტილებით ხელისფლება, სხვა საკითხებთან ერთად, ცდილობს, შეამციროს მშობლების ავტოგარბენი, რომლებსაც სკოლებში ბავშვები მანქანებით დაჰყავთ. ბრიუსელში უფასო მგზავრობით 25 წლამდე ახალგაზრდები სარგებლობენ, ხოლო ლუქსემბურგში სამგზავრო ტარიფები მთლიანად გაუქმდა.
