მხატვრული ტანვარჯიშის კლუბი – „პირველები“ – 2019 წელს დაარსდა და მიზნად ისახავს ჯანმრთელი ცხოვრების წესის ჩამოყალიბებას.კლუბი სამი ჯგუფისგან შედგება: მოყვარულთა, პრესპორტული და სპორტული ჯგუფი. დაარსებიდან დღემდე კლუბს არაერთი წარმატება აქვს მოპოვებული და არაერთ საერთაშორისო ტურნირებში აქვთ მონაწილეობა მიღებული. კლუბ „პირველების“ მწვრთნელი, მზეო სამუკაშვილი იმედოვნებს, რომ კლუბის წევრები საქართველოს ნაკლების წევრები გახდებიან და ევროპის საერთაშორისო ტურნირებში მიიღებენ მონაწილეობას
„სპორტის ეს სახეობა ბოლო წლებში ძალიან პოპულარული გახდა, დღეს უკვე საკმაოდ ბევრი გოგონა ვარჯიშობს. მშობლებიც და ბავშვებიც ხვდებიან,რომ ტანვარჯიში ძალიან ეხმარება არა მხოლოდ სხეულის სწორად ჩამოყალიბებასა და კარგ კოორდინაციას, არამედ ჯანმრთელობისთვის კარგია. წელს გვაქვს სიახლე, სექტემბრის თვე ახალი ბავშვებისთვის იქნება უფასო. ჩვენი უპირველესი მიზანია, რომ ბავშვებში ჩამოვაყალიბოთ ჯანმრთელი ცხოვრების წესი. კლუბი დაარსდა 2019 წელს, 4 დან 14 წლამდე გოგონები ვარჯიშობენ. გვაქვს როგორც მხატვრული ტანვარჯიშის გაკვეთილები, ასევე ბალეტის გაკვეთილი, რომელიც მორგებულია ჩვენი სახეობისთვის, საათნახევრის განმავლობაში ხდება ვარჯიში. მხატვრულ ტანვარჯიშში არის სახეობა, სადაც საგნებს ვიყენებთ: ლახტი, ბურთი, ლენტი და ა.შ. საკმაოდ საინტერესო ვარჯიშები გვაქვს. ჩვენთან სამი ჯგუფი არის: მოყვარულთა, პრესპორტული და
სპორტული ჯგუფი. სპორტულ ჯგუფში სწავლება არის უფასო. ჩვენ გუნდს აქვს ძალიან დიდი მიზნები, ვამართლებთ გუნდის სახელს და ნელნელა ვზრდით ტანმოვარჯიშეებს, რომლებსაც არაერთ საერთაშორისო ტურნირებზე აქვთ მონაწილეობა მიღებული და საკმაოდ წარმატებულადაც ვიასპარეზეთ, მათ შორის, დუბაი, ბუდაპეშტი, უკრაინა და ა.შ.ძალიან დიდი იმედი მაქვს, რომ ჩვენი ბავშვები გახდებიან საქართველოს ნაკრების წევრები და უკვე ევროპის საერთაშორისო ტურნირებზე მიიღებენ მონაწილეობას, ამისთვის ამ ბავშვებს ყველანაირი პირობა აქვთ“ – მზეო სამუკაშვილი მხატვრული ტანვარჯიშის კლუბი „ პირველები“ -ის მწვრთნელი
სტატიის ავტორი : მარეხ ჯაფარიძე
